EBREEɄSɄTY 12:25 - Mixe Juquila

²⁵ Dios tyʉydyuun diꞌibʉ kyaj ttsojktʉ es tkuydyúndʉt ja anaꞌamʉn diꞌibʉ ya̱jk ma̱ yʉ Sinaꞌii Kopk. Exkʉm ko xykyatundʉ kwentʉ diꞌibʉ xytyukmʉmadyákʉm ja tsa̱jpótmʉdʉ. Pes waanʉ niꞌigʉ mʉkʉ tʉydyuꞌunʉn xypyátʉm pʉn kyaj nguydyuꞌunʉm diꞌibʉ xyjaꞌꞌanma̱ꞌa̱yʉm tyam.

EBREEɄSɄTY 12:25 ပူးပေါင်းရင်းမြစ်များ

MATEWɄ 17:5

Ma̱a̱nʉmʉ naty ja Peedrʉ ꞌyakkajxy, tuꞌugʉ yoots jantsy tʉꞌxp ꞌyabijttʉ, es ma̱ ja yoots yajmʉdooy ko jyʉnaꞌañ: —Tya̱a̱dʉdsʉ dʉꞌʉn ja nꞌUꞌungʉts diꞌibʉts ʉj njantsytsyejpy es diꞌibʉts ʉj mʉʉt njotkujkʉ. ¡Mʉmʉdowdʉ yʉꞌʉ!

MATEWɄ 8:4

Esʉ Jesús tꞌanma̱a̱y: —Ix jaygyukʉ. Katʉ pʉ́n xyꞌanʉʉmʉ. Nʉjx winguwa̱ꞌa̱gʉ ja teety, es yak ja mwindsʉꞌkʉn éxtʉmʉ Moisés dyajnigutujkʉ, es dʉꞌʉn nidʉgekyʉ ja̱ꞌa̱yʉty tnijáwʉdʉt ko tʉ mꞌagʉdaꞌaky.

APOSTɄLɄTY 7:35

’Oyjyaꞌijxma̱ꞌtʉdʉ Moisés es ꞌyanma̱a̱yʉdʉ: “¿Pʉ́n tʉ mbʉjtaꞌagyʉty éxtʉmʉ windsʉ́n o justisʉn?”, óknʉm Dios kyajxʉ tya̱dʉ Moisés éxtʉmʉ windsʉ́n es dyajpʉdsʉ́mʉt jap Ejiptʉ, ja anklʉs diꞌibʉ kʉxʉꞌk ma̱ ja apyñgyepy tpudʉjkʉ ja Moisés.

1 TESALÓNIKɄ 5:15

Exkʉm miidsʉty niduꞌuk myajjʉmbít axʉʉk mʉt ja diꞌibáty axʉʉk mduunʉdʉp. Niꞌigʉ dʉꞌʉñʉm xyjáttʉt xytyúndʉt ja oybyʉ nixim niyam ma̱ miidsʉty, es oytyim pʉ́nʉty mʉʉt.

2 TIMOTEE 4:4

es kyaj tmʉdooꞌita̱ꞌa̱ndʉt ja tʉyꞌa̱jtʉn, jaꞌayʉ myʉdooꞌita̱ꞌa̱ndʉp oytyim diꞌibʉ jekymyadyaꞌagyʉty.

EBREEɄSɄTY 1:1

Tim jékyʉp kana̱k ok es kana̱k naxʉ Dios ttukmʉgajxy ja kyuga̱jxpʉty ja nꞌaptʉjkꞌa̱jtʉm,

EBREEɄSɄTY 11:7

Ko Noꞌee Dios ꞌyawa̱ꞌa̱nʉ ko myina̱ꞌa̱ñ ja mʉk tuu, mʉbʉjkʉngyʉjxm ja Noꞌee dyajkojy tuꞌugʉ barkʉ jantsy mʉj es tsyoꞌogʉt yʉꞌʉ mʉdʉ fyamilyʉ, oyʉ naty kyakʉxeꞌeky ko myina̱ꞌa̱ñ ja tuu; es dʉꞌʉn mʉt ko tmʉbejky ja Dios, ja Noꞌee oj wyeꞌemy oy mʉt ja Dios, es dyajnigʉxeꞌky ko pekymyʉʉt ja naxwíñʉdʉ ja̱ꞌa̱yʉty.

EBREEɄSɄTY 12:19

ma̱ ja trompetʉ yaꞌaxy, es ma̱ ja Diosʉ ꞌya̱a̱ yoꞌkn. Pʉ́nʉty myʉdoodʉ ja ꞌya̱a̱ yoꞌkn oj tmʉnuꞌxta̱ꞌa̱ktʉ es kyaj ꞌyokmʉga̱jxʉnʉt,

EBREEɄSɄTY 3:12

Pa̱a̱ty miits mʉguꞌugítʉty, naygywentʉꞌátʉdʉ kʉdiibʉ ni tuꞌuk miits tkamʉdátʉt ja jyot wyinma̱ꞌa̱ñ axʉʉk es tꞌʉxtíjʉdʉ Nindsʉnꞌa̱jtʉm Dios.

EBREEɄSɄTY 3:17

¿Es pʉ́nʉdyʉ Dios yajjotꞌambʉjk justyikxy jʉmʉjt? Jaꞌa dʉꞌʉnʉty diꞌibáty pekytyuundʉ es ꞌyoꞌkta̱a̱ydyʉ jam mʉj ittum.

EBREEɄSɄTY 8:5

Perʉ tya̱dʉ windsʉꞌkʉn, yʉꞌʉyʉ ñikojtútʉn diꞌibʉ jam tsa̱jpótm; dʉꞌʉn yʉꞌʉ éxtʉm ko Moisés dyajkojáñ ja wit tsa̱jptʉjk, ta Dios ꞌyanma̱a̱yʉ: “Yajkoj meerʉ éxtʉm ja ijxpajtʉn diꞌibʉ ndukꞌijx ma̱ Sinaꞌii Kopk.”

1 PEEDRɄ 1:22

Es mʉt ko tʉ xymyʉmʉdowdʉ ja tʉyꞌa̱jtʉn, tʉ xyajwa̱ꞌa̱tstʉ mꞌanmʉja̱ꞌa̱n es mʉt winʉ mjot mnaydsyókʉdʉt nixim niyam, éxtʉm jyawʉ mdukkaꞌaxꞌáttʉ.

DIꞌIBɄ JATANɄP 19:10

Njakoxtanʉyáñʉts anklʉs tyekyꞌʉjxy, es njaꞌꞌawdatáñʉts, per yʉꞌʉts xyꞌanma̱a̱y: —Katʉ dʉꞌʉn mꞌadʉꞌʉtsy. Nmʉdiimbyʉts ja Dios éxtʉm mij, es éxtʉmʉ mmʉguꞌugʉty diꞌibʉ pyanʉjxtʉp ja Jesusʉ ꞌyʉxpʉjkʉn. Awdat ja Dios. Pes ja tʉyꞌa̱jtʉn diꞌibʉ Jesús ya̱jk, jaꞌa yʉꞌʉ diꞌibʉ wyinma̱ꞌa̱ñmyeepy ja Diosʉ kyuga̱jxpʉ.

DIꞌIBɄ JATANɄP 22:9

Per yʉꞌʉts xyꞌanma̱a̱y: —Kátʉts xyꞌawdaty. Nmʉdiimbyʉts ja Dios, éxtʉm mij, es éxtʉmʉ mmʉguꞌugʉty diꞌibʉ Dios ja ꞌyayuk kya̱jxwa̱ꞌxʉdʉp, es nidʉgekyʉ diꞌibáty pyaduundʉp ja Diosʉ ꞌyʉxpʉjkʉn diꞌibʉ ijtp kʉxja̱ꞌa̱y ma̱ tya̱dʉ neky. ¡Awdat ja Dios!