APOSTɄLɄTY 7:2 - Mixe Juquila

² Net ꞌyadsooy ja Esteebʉ: —Miits mʉguꞌuktʉjkʉty, mʉjja̱ꞌa̱ydyʉjkʉty, mʉdooꞌíttʉ. Ja Dios diꞌibʉ mʉjꞌa̱jtʉn myʉda̱jtypy, kʉxʉꞌk ma̱ ja nꞌapteetyꞌa̱jtʉm Abra̱a̱n ko naty jap tsyʉʉnʉ Mesopotamyʉ, ma̱ kyajnʉmʉ naty tsyooñ es tsyʉʉnʉt jap ma̱ ka̱jpn txʉꞌaty Arán.

APOSTɄLɄTY 7:2 ပူးပေါင်းရင်းမြစ်များ

MATEWɄ 6:13

Es kʉdii xyajkutíky es ja kaꞌoybyʉ xyajpekytyúnʉt.

LUKɄS 2:14

Awdattʉ ja Dios diꞌibʉ jam tsa̱jpótm, es ꞌyíttʉt agujk jotkujk ja ja̱ꞌa̱yʉty diꞌibʉ Dios tsyejpy.

FWANK 1:14

Diꞌibʉ yajtijp Ayuk, jaꞌa jʉmbijt ja̱ꞌa̱y es jyikyꞌajty ma̱ ʉʉdsʉty. Es ʉʉdsʉty tʉts nꞌixtʉ ja myʉjꞌa̱jtʉn, ja kyʉꞌʉm mʉjꞌa̱jtʉn diꞌibʉ tuꞌugʉ Dios ꞌyUꞌunkꞌa̱jtypy, es tmʉdaty ak tim tʉyꞌa̱jtʉn es ak tim kunuꞌxʉn.

FWANK 12:41

Isaiiʉ jyʉnañʉ dʉꞌʉn mʉt ko tʉ naty tꞌixy ja myʉjꞌa̱jtʉnʉ Jesús, es yʉꞌʉ dʉnʉ tya̱a̱dʉ ñimadyak.

APOSTɄLɄTY 22:1

—Miits mʉjja̱ꞌa̱ydyʉjkʉty es miits mʉguꞌuktʉjkʉty, mʉdowdʉ wiꞌixʉts nnayñika̱jxtuꞌuda̱ꞌa̱ñʉdyʉts.

APOSTɄLɄTY 23:7

Es ko dʉꞌʉnʉ Pa̱a̱blʉ jyʉnáñ, net ja ja̱ꞌa̱y ñaygyajxytsyiꞌkʉdʉ ak yʉꞌʉjʉty diꞌibʉ naty tʉ ñaymyúkʉdʉ, ta ñaybyʉjtákʉdʉ abekyʉ fariseeʉty es abekyʉ saduseeʉty,

APOSTɄLɄTY 7:1

Net ja teedywyindsʉngópk dyajtʉʉy ja Esteebʉ: —¿Tii tʉyꞌa̱jtʉn tʉgekyʉ tya̱a̱dʉ?

1 KORINTɄ 2:8

Ja yajkutujkpʉty ma̱ yʉ naxwíñʉdʉ kyaj tjaygyujkʉdʉ; jaꞌa kooxyʉp yʉꞌʉjʉty tjaygyujkʉdʉ, kyajxyʉp dyajkruuzpajttʉ ja Nindsʉnꞌa̱jtʉm Jesukristʉ.

ÉFESɄ 1:17

Nꞌamdeebyʉts ja Nwindsʉnꞌa̱jtʉm Jesukristʉ Dyios, ja Dios Teety diꞌibʉ niꞌigʉ mʉjꞌa̱jtʉn myʉda̱jtypy, es mmoꞌoyʉdʉt ja Espíritʉ Santʉ diꞌibʉ yajkypy ja wijyꞌa̱jtʉn esʉ ja̱ꞌa̱y dyajtuknijáwʉt ja tʉyꞌa̱jtʉn, dʉꞌʉn miits niꞌigʉ oy xyꞌixyꞌáttʉt ja Dios Teety.

TITɄ 2:13

ma̱a̱nʉm nꞌawijx njʉjpꞌijxʉm ja tiempʉ ko mʉjꞌa̱jtʉn mʉʉt myina̱ꞌa̱ñ ja Jesukristʉ, jaꞌa nmʉjDiosꞌa̱jtʉm esʉ Yajnitsókpʉ.

EBREEɄSɄTY 1:3

Ja Diosʉ ꞌyUꞌunk yʉꞌʉ dʉꞌʉn ja̱jp éxtʉmʉ Dios Teety, es yʉꞌʉ dʉꞌʉnʉ Dios nandʉꞌʉn éxtʉmʉ Dios Teety. Tʉgekyʉ diꞌibʉ tsa̱jpótm es ya̱ naxwiiñ yeꞌepy es ꞌyity éxtʉm tꞌaneꞌemy mʉt ja myʉkꞌa̱jtʉn. Jesukristʉ yʉꞌʉ tʉ xyajpojpʉnitʉgoꞌoyʉm ʉdsa̱jtʉm naxwíñʉdʉ ja̱ꞌa̱yʉty, es óknʉm ñaxweꞌtsy aga̱ꞌa̱ñdsyoo ma̱ Dios Teety yajkutíky tsa̱jpótm.

EBREEɄSɄTY 11:8

Mʉbʉjkʉngyʉjxm ja Abra̱a̱n tmʉmʉdooy ja Dios ko yaꞌꞌanma̱a̱y es pyʉdsʉ́mʉt ma̱ ja ñax kya̱jpn, es ñʉjxʉt ma̱ wiink nax diꞌibʉ ꞌyaxa̱jʉyaampy éxtʉmʉ kuma̱ꞌa̱ñ, oy tkanijawʉ ma̱ ñejxy.

Santya̱ꞌa̱gʉ 2:1

Mʉguꞌugítʉty diꞌibʉ myʉbʉjktʉp ja Nindsʉnꞌa̱jtʉm Jesukristʉ diꞌibʉ niꞌigʉ myʉda̱jtypy ja mʉjꞌa̱jtʉn, kyaj xywyinꞌíxtʉt ja ja̱ꞌa̱y ni tuꞌuk es jatuꞌuk.

DIꞌIBɄ JATANɄP 4:11

Nindsʉnꞌa̱jtʉm Dios, mijtsʉ dʉꞌʉn mbátʉp es xyꞌaxá̱jʉt ja mʉjꞌa̱jtʉn, windsʉꞌkʉn esʉ mʉkꞌa̱jtʉn, mʉt ko mijtsʉ dʉꞌʉn tʉ xyajkojta̱ꞌa̱y tʉgekyʉ diꞌibʉ ijtp, es mgʉꞌʉmdsojkʉngyʉjxm mij xyaꞌity es xyajkojy.