APOSTɄLɄTY 5:34 - Mixe Juquila

³⁴ Per ma̱ diꞌibʉ anaꞌamdʉp mʉj tsa̱jptʉgótyʉ naty, jap tuꞌugʉ fariseeʉ txʉꞌaty Gamalyel, diꞌibʉ yajxón ñija̱ꞌa̱p ja tsa̱jptʉjkʉ ꞌyʉxpʉjkʉn es diꞌibʉ ja̱ꞌa̱y wyindsʉꞌkʉp mʉj. Ta tyʉna̱a̱yeꞌky es tniꞌanaꞌamʉ es dyajpʉdsʉ́mdʉt ja apóstʉlʉ.

APOSTɄLɄTY 5:34 ပူးပေါင်းရင်းမြစ်များ

LUKɄS 2:46

Es ko tyʉgʉkxʉbejty, net tpattʉ mʉj tsa̱jptʉjk ñabotsoty. Jap ꞌyuꞌuñʉ ma̱ ja tsa̱jptʉjk yaꞌʉxpʉjkpʉ es tmʉdooꞌíty es dyajtʉ́y.

LUKɄS 5:17

Tuꞌugʉ xʉʉ ko Jesusʉ naty yaꞌʉxpeky, jamʉ naty ꞌyuꞌuñʉdʉ ja fariseeʉty es ja diꞌibʉty tsa̱jptʉgóty yaꞌʉxpʉjktʉp. Es yʉꞌʉjʉty tsyoꞌondʉ ma̱jatyʉ kya̱jpnꞌuꞌungʉ Galileeʉ, Judeeʉ, es nandʉꞌʉnʉ ma̱ Jerusalén ka̱jpn, es tmʉdooꞌíttʉ es tꞌixtʉ éxtʉm ja Jesús jyʉnaꞌañ es ttuñ. Esʉ Dios myʉkꞌa̱jtʉngyʉjxm ja Jesús dyaꞌꞌagʉdaky ja puma̱ꞌa̱y.

FWANK 3:10

Jesús ꞌyadsoojʉ: —Mijtsʉ dʉꞌʉn tuꞌugʉ israelítʉdyʉ wyindsʉ́n, ¿es kyaj mij xyñijawʉ tya̱a̱dʉ?

APOSTɄLɄTY 22:3

—Ʉj israelítʉts, japts nmaxuꞌunkꞌa̱jty Tarsʉ, Silisyʉ ña̱a̱xóty, es ya̱a̱ts nyeꞌky Jerusalén es Gamalyélʉts xyaꞌʉxpʉjk. Yajtukꞌijxʉts oy ja nꞌaptʉjkꞌa̱jtʉmʉ ꞌyanaꞌamʉn es amumduꞌuk jótʉts nmʉdúñ ja Dios, éxtʉm miidsʉty nidʉgekyʉ tyam xytyundʉ.

APOSTɄLɄTY 4:15

Net tkajxpʉdsʉʉmdʉ tʉja̱ꞌp yʉ Peedrʉ esʉ Fwank.

APOSTɄLɄTY 5:21

Ko oj xyʉʉñʉ, net tyʉjkʉdʉ tsejkyʉ mʉj tsa̱jptʉjk ñabotsoty. Ta yaꞌʉxpʉjktsondáktʉ. Es ja teedywyindsʉngópk es diꞌibáty jap dyajnaymyujkʉdʉ nidʉgekyʉ israelítʉty ja myʉjja̱ꞌa̱ydyʉjk diꞌibáty naymyujkʉdʉp ma̱ diꞌibʉ anaꞌamdʉp mʉj tsa̱jptʉgóty, net tꞌanma̱a̱ydyʉ ja polʉsiiʉty es dyajmíndʉt ja apóstʉlʉty diꞌibʉ jap pujxndʉgóty.

APOSTɄLɄTY 5:27

Ko dyajmiindʉ, ta dyajnʉjxtʉ ma̱ diꞌibʉ anaꞌamdʉp mʉj tsa̱jptʉgóty, es ja teedywyindsʉngópk ꞌyanma̱a̱yʉ:

APOSTɄLɄTY 5:35

Net tꞌanma̱a̱y diꞌibʉ anaꞌamdʉp mʉj tsa̱jptʉgóty: —Miits israelítʉty, naygywentʉꞌátʉdʉ oy diꞌibʉ mdunaampy mʉdʉ tya̱dʉ ja̱ꞌa̱yʉty.