3 FWANK 1:11 - Mixe Juquila

¹¹ Mʉguꞌugítʉ, katʉ xypyadúñ ja axʉʉkpʉ ijxpajtʉn. Padún ja oybyʉ. Diꞌibʉ oy tyiimpy, Dios jaꞌaꞌa̱jtʉp; per diꞌibʉ tyiimpy ja axʉʉkpʉ, kyaj tkaꞌixyꞌaty ja Dios.

3 FWANK 1:11 ပူးပေါင်းရင်းမြစ်များ

FWANK 10:27

yʉ nborreegʉts xyoꞌkmʉdoodʉpts, es yʉꞌʉjʉty nꞌixyꞌa̱jttʉpts es xypyanʉjxtʉpts.

FWANK 12:26

Jaꞌa ko pʉ́nʉty jikyꞌa̱jttʉp éxtʉmts ʉj nꞌanʉʉmʉ es xymyʉdúñʉts, nʉjxʉp nandʉꞌʉn ma̱ts ʉj nnejxy, esʉ nDeedyʉts mayꞌátʉdʉp nidʉgekyʉ diꞌibátyʉts xypyanʉjxtʉp.

FWANK 3:20

Nidʉgekyʉ diꞌibáty axʉʉk adʉ́tstʉp, kyaj ttsoktʉ ja ja̱jʉn, es kyaj tmʉwingóñ ja ja̱jʉn kʉdiibʉ ñayyajnidʉꞌxʉdʉt diꞌibʉ naty axʉʉk tyiimpy.

1 KORINTɄ 11:1

Pa̱a̱ty padundʉ ja nga̱jxwíjʉnʉts, éxtʉmts ʉj nandʉꞌʉn nbadúñ ja kya̱jxwíjʉnʉ Nindsʉnꞌa̱jtʉm Jesukristʉ.

1 KORINTɄ 4:16

Mʉt yʉꞌʉgyʉjxmts miits nmʉnuꞌxta̱ꞌa̱ktʉ es xypyadúndʉt diꞌibʉts ʉj tʉ nnastunʉ.

ÉFESɄ 5:1

Mʉt ko miits mꞌuꞌunkꞌátʉdʉ Dios, jikyꞌattʉ éxtʉm yʉꞌʉ ttseky.

FILIPɄS 3:17

Mʉguꞌugítʉty, jikyꞌattʉ éxtʉmts xyꞌixy njikyꞌátyʉts ʉj. Nandʉꞌʉn xypyaꞌíxtʉt diꞌibáty nandʉꞌʉn jikyꞌa̱jttʉp éxtʉmts ʉj njikyꞌaty.

1 TESALÓNIKɄ 1:6

Mbaduundʉ miidsʉty diꞌibʉ ʉʉdsʉty es ja Nindsʉnꞌa̱jtʉm tʉ nnastúnʉdʉts, es mꞌaxá̱jʉdʉ ja ayuk mʉt tuꞌugʉ xondakʉn diꞌibʉ ja Espíritʉ Santʉ mmooyʉ, oy xyajna̱jxtʉ byeen ja ayoꞌon.

1 TESALÓNIKɄ 2:14

Mʉguꞌugítʉty, ko miits mꞌayoodʉ ma̱ mbajʉdijtʉdʉ mmʉguga̱jpnʉty, nandʉꞌʉn mja̱jttʉ éxtʉm jya̱jttʉ jam Judeeʉ ja Diosʉ jyaꞌay diꞌibʉ ijttʉp tiꞌigyʉ mʉdʉ Jesukristʉ. Pes yʉꞌʉjʉty nandʉꞌʉn pajʉdijtʉdʉ myʉguga̱jpnʉty, ja israelítʉty.

2 TIMOTEE 3:10

Per mij mbadiimpy yajxón ja nꞌʉxpʉjkʉnʉts, éxtʉmts njikyꞌaty, éxtʉmts tʉ nduknibʉjta̱a̱gʉ, éxtʉmdsʉ nmʉbʉjkʉn, éxtʉmts nmaꞌxtíky, éxtʉmdsʉ ndsojkʉn, éxtʉmts tii nyajkéxy nyajnáxy,

EBREEɄSɄTY 6:12

Kyajts ndseky mjʉmbítʉt nuux, niꞌigʉ xypyanʉjxtʉt ja tyuꞌunʉnʉty ja diꞌibʉ myʉduundʉp ja Dios mʉdʉ maꞌxtujkʉn, es dʉꞌʉn tꞌaxá̱jʉdʉ ja kyuma̱ꞌa̱ñ diꞌibʉ Dios oj twa̱ndaꞌaky.

1 PEEDRɄ 3:11

kyaj tꞌoktuunnʉt ja axʉkꞌa̱jtʉn; jaꞌa tyúnʉp ja oybyʉ, ꞌyʉxta̱ꞌa̱yʉp ja tiꞌigyʉꞌát, es kyaj jyikyꞌátʉt tsipoty.

1 PEEDRɄ 3:13

Pʉn amumduꞌuk jot miidsʉty dʉꞌʉñʉm xytyundʉ oy tʉgékyʉty, ¿pʉ́n axʉʉk mdúnʉdʉp?

1 FWANK 2:29

Mnija̱ꞌa̱dʉp miidsʉty ko Jesukristʉ tyiimpy ja tʉyꞌa̱jtʉn. Pes nijáwʉdʉ nandʉꞌʉn ko diꞌibʉ tyuundʉp ja tʉyꞌa̱jtʉn, yʉꞌʉ dʉꞌʉn uꞌunkꞌa̱jttʉp ja Dios.

1 FWANK 3:10

Es mʉdʉ tya̱a̱dʉ ñigʉxeꞌeky pʉ́nʉdyʉ Dios uꞌunkꞌa̱jttʉp es pʉ́nʉty ja mʉjkuꞌugópk uꞌunkꞌa̱jttʉp. Mʉt ko diꞌibʉ jikyꞌa̱jtp axʉʉk es kyaj ttseky ja myʉguꞌuk, kyaj jyaꞌaꞌátyʉty ja Dios.

1 FWANK 4:1

Mʉguꞌugítʉty, jaa may ja ja̱ꞌa̱y diꞌibʉ nayñiga̱jxʉdʉp ko yʉꞌʉ yaꞌʉxpʉktʉ es ko xytyuknimiꞌinʉm ja Diosʉ ꞌyayuk. Katʉ miits xymyʉbʉktʉ, jaꞌa ko taa may diꞌibʉ andáktʉp, jeꞌeyʉ xywyinꞌʉʉna̱ꞌa̱nʉm. Ixtʉ yajxónʉ tadʉ ꞌyʉxpʉjkʉn es net xymyʉbʉ́ktʉt pʉn tʉyꞌa̱jtʉn ko yʉꞌʉ Dios tjaꞌaꞌáty.