1 TIMOTEE 5:14 - Mixe Juquila

¹⁴ Pa̱a̱ty ndsejpyʉts esʉ kuꞌekytyoꞌoxy diꞌibʉ kujk ʉna̱ꞌkpʉ pyʉ́kʉt, es tmʉdátʉt ja ꞌyuꞌunk ꞌyʉna̱ꞌkʉty, es tꞌaꞌuꞌuñ tꞌadsʉʉnʉt ja jyʉʉn tyʉjk, kʉdiibʉ tluga̱a̱rmoꞌoyʉt ja nmʉdsipꞌa̱jtʉm es ñibiꞌtsꞌʉ́w ñibiꞌtska̱jxʉdʉt.

1 TIMOTEE 5:14 ပူးပေါင်းရင်းမြစ်များ

ROMANɄS 14:13

Pa̱a̱ty kyaj nꞌoknayñiꞌoꞌo nꞌoknayñiyáxʉnʉm nixim niyam. Nik niꞌigʉ xytyúndʉt kʉdiibʉ pyekykya̱ꞌa̱dʉt ja mmʉguꞌugʉty o diꞌibʉ kyaj tsyiptákxʉdʉt ma̱ ja myʉbʉjkʉn.

2 KORINTɄ 11:12

Per nꞌakka̱jxwa̱ꞌxʉpts ja Diosʉ ꞌyayuk nan nadʉꞌʉñʉ, es dʉꞌʉnʉ tadʉ diꞌibʉ nayꞌandíjʉdʉp apóstʉlʉty ni wiꞌix tsoo tkapa̱a̱ttʉt wiꞌix jyʉna̱ꞌa̱ndʉt ko yʉꞌʉ tmʉdundʉ Dios éxtʉm ʉjʉn.

1 TIMOTEE 2:8

Ndsejpyʉts esʉ ja̱ꞌa̱y oytyim ma̱a̱ty kya̱jxta̱ꞌa̱ktʉt, dyajpʉdʉꞌʉktʉt ja kyʉꞌʉjʉty mʉt ja wa̱ꞌa̱ts a̱a̱ wa̱ꞌa̱ts jot, kyaj ñayyajjotꞌambʉ́kʉdʉt es kyaj tsyiptúnʉt nixim niyam.

1 TIMOTEE 4:3

Tya̱dʉ winꞌʉꞌʉmbʉ kyaj tkupʉktʉ es pʉ́n pyʉk ꞌyuugʉt, es nandʉꞌʉn jyʉna̱ꞌa̱ndʉ ko taa jeꞌxy diꞌibʉ kyaj yajjʉꞌxʉt, oy ja Dios tjapʉjtákyʉ tya̱dʉ jeꞌxy es tjʉꞌxʉt ja myʉbʉjkpʉty es diꞌibáty ñija̱ꞌa̱dʉp ja tʉyꞌa̱jtʉn, es tja̱ꞌa̱ygyʉda̱ꞌa̱ktʉt ja Dios.

1 TIMOTEE 5:11

Per katʉ xykyupeky yajkujáyʉt ja kuꞌekytyoꞌoxyʉ kujk ʉna̱ꞌkpʉ es dyákʉt ja naybyudʉkʉ. Mʉt ko wyinma̱ꞌa̱ñ myínʉt es pyʉka̱ꞌa̱ndʉt jatʉgok, ta nʉjx tmastuꞌuttʉ wiꞌix tmʉdúnʉt ja Kristʉ,

1 TIMOTEE 6:1

Nidʉgekyʉ diꞌibʉ poꞌoduumbʉꞌa̱jttʉp, yajxón tmayꞌat twindsʉꞌʉgʉdʉt ja wyindsʉ́nʉty, kʉdiibʉ yajmʉgoyꞌʉ́w yajmʉgoygya̱jxʉt ja Dios es ja nꞌʉxpʉjkʉnꞌa̱jtʉm.

TITɄ 2:5

ñayjyʉjwijtsʉmbítʉdʉt, wa̱ꞌa̱ts jyikyꞌáttʉt, tkwentʉꞌáttʉt ja jyʉʉn tyʉjk, ñaygyubʉ́kʉdʉt ma̱ ñaꞌay, esʉ dʉꞌʉn ni pʉ́n tkaka̱jxpa̱a̱dʉt axʉʉk ja Diosʉ ꞌyayuk.

TITɄ 2:8

Pʉn mdukniꞌijxʉp ko nidʉgekyʉ tjikyꞌáttʉt ja jyikyꞌa̱jtʉnʉ wa̱ꞌa̱tspʉ diꞌibʉ kyaj mba̱a̱t pʉ́n mʉt ti yajnideꞌxyʉty, pes net ja Kristʉ jyaꞌayʉdyʉ myʉdsip tmʉdáttʉt ja tsoydyuꞌun, jaꞌa ko ni madsoo mba̱a̱t tkapa̱a̱ty yʉ axʉkꞌa̱jtʉn ma̱ yʉ njikyꞌa̱jtʉnꞌa̱jtʉm.

EBREEɄSɄTY 13:4

Byeenʉm miits xywyindsʉꞌʉgʉdʉt ja pʉjk ukʉn. Mʉdattʉ wa̱ꞌa̱ts ja pʉjk ukʉn. Mʉt ko Dios tyʉydyúnʉdʉp pʉ́nʉty mʉꞌinduundʉp es diꞌibʉ kyaj twindsʉꞌʉgʉdʉ ja pʉjk ukʉn.