1 PEEDRɄ 2:6 - Mixe Juquila

⁶ Pa̱a̱dyʉ Dios jyʉnáñ ma̱ ja jyaaybyajtʉn: ¡Ixtʉ! Ʉj nbʉjtaꞌagyʉts ma̱ Syon ka̱jpn tuꞌugʉ tsujpʉ tsa̱a̱ ma̱ potsy ʉjx, diꞌibʉts ʉj tʉ nwinꞌixy. Diꞌibʉ ꞌyaxá̱jʉdʉp, ni na̱ꞌa̱ tkamʉdátʉt ja tsoydyuꞌun.

1 PEEDRɄ 2:6 ပူးပေါင်းရင်းမြစ်များ

MATEWɄ 12:18

Tya̱a̱dʉ dʉꞌʉn ja nmʉduumbʉts diꞌibʉts ʉj tʉ nwinꞌixy, diꞌibʉts ʉj niꞌigʉ ndsejpy es diꞌibʉts ʉj mʉʉt njotkujkʉty. Nbʉjta̱ꞌa̱gʉpts ja nJa̱ꞌa̱jʉnʉts ma̱ yʉꞌʉ es tka̱jxwa̱ꞌxʉt ma̱ yʉ naxwíñʉdʉ ja̱ꞌa̱yʉty kots nbayoꞌoy mʉt ja tʉyꞌa̱jtʉn.

MARKɄS 12:10

’¿Tii ni na̱ꞌa̱nʉm miits xykyaꞌʉxpʉktʉ ja Diosʉ jyaaybyajtʉn ma̱ jyʉnaꞌañ?: Ja tsa̱a̱ diꞌibʉ ja pojtspʉty ꞌyʉxtijtʉ, tʉ tpa̱a̱ty ja lyuga̱a̱r ma̱ ja tʉjk tꞌʉjxꞌáty.

LUKɄS 20:17

Per ja Jesús wyinꞌijxʉdʉ, es jyʉnáñ: —¿Es ti myaydya̱ꞌa̱gaampy diꞌibʉ jap ma̱ ja Diosʉ jyaaybyajtʉn ma̱ kʉxja̱ꞌa̱y ꞌyity?: Yʉ tsa̱a̱ diꞌibʉ ja pojtspʉtʉjk myastutʉ, tʉ tpa̱a̱ty ja lyuga̱a̱r ma̱ ja tʉjk tꞌʉjxꞌáty.

LUKɄS 23:35

Es ja mayjyaꞌayʉty tꞌijxtʉ jam, es extʉ ja justisʉtʉjk ttukxiktʉ ja Jesús es jyʉnandʉ: —Wiink ja̱ꞌa̱y tʉ dyajtseꞌeky. Waꞌan kʉꞌʉm tnayyajtseꞌegyʉty pʉn tʉyꞌa̱jtʉn ko yʉꞌʉ Kyrístʉty, ja diꞌibʉ Dios tʉ twinꞌixy.

FWANK 7:38

Dʉꞌʉn éxtʉm ja Diosʉ jyaaybyajtʉn jyʉnaꞌañ, diꞌibʉts xymyʉbʉjkp, dʉꞌʉn jaꞌa éxtʉm myúxʉt jyodoty ja kom nʉʉ diꞌibʉ yajjikyꞌa̱jtp.

APOSTɄLɄTY 1:16

—Mʉguꞌuktʉjkʉty, koonʉm tsyékyʉty es yajkuydyúnʉt diꞌibʉ Dios oj jyʉnaꞌañ jékyʉp. Yʉ Espíritʉ Santʉ dyajky ja Davit es tꞌanma̱a̱ydyʉ jékyʉp diꞌibʉ oj jyátyʉty mʉt ja Juudʉs diꞌibʉ wyinyoꞌoyʉ ja ja̱ꞌa̱yʉty diꞌibʉ pyajʉdijttʉ ja Jesús, es tma̱jtstʉ.

ROMANɄS 10:11

Pes ja Diosʉ jyaaybyajtʉn jyʉnaꞌañ: “Pʉ́n myʉbejkypy yʉꞌʉ, ni na̱ꞌa̱ kyatsoydyuꞌunga̱ꞌa̱dʉt.”

ÉFESɄ 1:4

Jékyʉp ma̱ naty kyajnʉmʉ naxwíñʉdʉ kyojy, Dios tʉ naty xywyinꞌijxʉm es xyꞌuꞌunkꞌata̱ꞌa̱nʉm jaꞌagyʉjxm ko nꞌijtʉm tiꞌigyʉ mʉt ja Kristʉ, es dʉꞌʉn nꞌijtʉm ma̱ Dios wa̱ꞌa̱ts es kyajpʉ nbojpʉꞌa̱jtʉm.

ÉFESɄ 2:20

Dʉꞌʉn miidsʉty éxtʉm tuꞌugʉ tʉjk diꞌibʉ yajpojtsʉꞌkp ma̱ yʉ apóstʉlʉty esʉ Diosʉ kyuga̱jxpʉ ñikʉjxmʉty, dʉꞌʉn yʉꞌʉjʉty éxtʉm ja potsyꞌʉjxʉn, es ja Jesukristʉ yʉꞌʉ dʉꞌʉn éxtʉm ja mʉj tsa̱a̱ diꞌibʉ mya̱jtsꞌijttaapy tʉgekyʉ ja potsy.

2 TIMOTEE 3:16

Dios wyinma̱ꞌa̱ñmyooy ja jyaꞌayʉty es tkʉxja̱ꞌa̱yʉt tʉgekyʉ ja Diosʉ jyaaybyajtʉn, es tʉgekyʉ tadʉ Diosʉ jyaaybyajtʉn tuump oy es nyaꞌʉxpʉjkʉm, ndukꞌanaꞌamʉm, nyaꞌoꞌoyʉm, es njʉjwijtsʉmbijtʉm pʉ́n éxtʉm jyikyꞌátʉt tʉyꞌa̱jtʉn mʉʉt,

1 PEEDRɄ 2:4

Nꞌokmʉwingoꞌonʉm ʉdsa̱jtʉm ja Jesús. Yʉ naxwíñʉdʉ ja̱ꞌa̱yʉty tʉ ꞌyʉxtíjʉdʉ, perʉ Dios jyantsytsyejpy es tʉ twinꞌixy, es dyajtúñ éxtʉmʉ tsa̱a̱ jiikypyʉ ma̱ potsy ʉjx.

1 PEEDRɄ 2:8

Es nandʉꞌʉn yajkuydyúñ jatuꞌuk ma̱ jyʉnaꞌañ: Tya̱a̱dʉ dʉꞌʉn ja tsa̱a̱ diꞌibʉ yajtukkunajpʉp es yajkʉdáy. Tyukkunajpʉdʉp yʉꞌʉjʉty diꞌibʉ kyaj tkupʉktʉ ja Diosʉ ꞌyayuk, mʉt ko dʉꞌʉnʉ dʉn tʉ pyʉjta̱ꞌa̱gʉdʉ Dios.

2 PEEDRɄ 1:20

Tim jʉjpꞌám xyjaygyúkʉdʉ tya̱a̱dʉ: Ni tuꞌugʉ Diosʉ kyuga̱jxpʉ kʉꞌʉm kyawinma̱ꞌa̱ñbyaaty diꞌibʉ ja̱a̱ybyéty ijtp ma̱ Diosʉ jyaaybyajtʉn,

2 PEEDRɄ 3:16

Dʉꞌʉn ja Pa̱a̱blʉ tka̱jxwijy ja ja̱ꞌa̱yʉty ma̱ tʉgekyʉ ñeky diꞌibʉ jyaay. Tʉyꞌa̱jtʉnʉꞌʉ ko yʉꞌʉ tʉ tkʉxja̱ꞌa̱y na̱a̱gʉty diꞌibʉ tsip njaygyujkʉm. Taa yʉ ja̱ꞌa̱yʉty diꞌibʉ kyaj yajxón tꞌaxá̱jʉdʉ ja Diosʉ jyaaybyajtʉn, es kyaj ñayꞌaguwítsʉdʉ mʉt ja Diosʉ ꞌyʉxpʉjkʉn, yʉꞌʉjʉty kyutʉjtʉp ja Pa̱a̱blʉ ꞌyʉxpʉjkʉn diꞌibʉ tsip es yajjaygyúkʉt, dʉꞌʉn éxtʉm tkutʉjtʉ diꞌibʉ nandʉꞌʉn jaybyety ijtp ma̱ Diosʉ jyaaybyajtʉn. Dʉꞌʉn dyajtʉydyʉ́kʉdʉ kʉꞌʉm ko Dios tyʉydyuna̱ꞌa̱nʉdʉ.