1 FWANK 4:21 - Mixe Juquila

²¹ Mʉt ko Dios tʉ xytyukꞌanaꞌamʉm ko diꞌibʉ tsyejpy ja Dios, nandʉꞌʉn ttsókʉt ja myʉguꞌuk.

1 FWANK 4:21 ပူးပေါင်းရင်းမြစ်များ

MATEWɄ 5:43

’Nan tʉ xymyʉdoodʉ ko yajnigajxy jékyʉp: “Mdsókʉp ja mmʉdʉjkpa̱ꞌa̱, es mdukꞌakꞌátʉp ja mmʉdsip.”

LUKɄS 10:37

Ta ja diꞌibʉ tsa̱jptʉgóty yaꞌʉxpʉjkp ꞌyadsooy: —Ja diꞌibʉ myʉda̱jt ja paꞌꞌayoꞌon mʉt yʉꞌʉ. Net ja Jesús jyʉnáñ: —Nʉjx mij es xytyúnʉt nandʉꞌʉn.

FWANK 15:12

Yʉ nꞌanaꞌamʉnʉts yʉꞌʉ tya̱a̱dʉ: Naydsyókʉdʉ nixim niyam, éxtʉmts ʉj miits ndsoktʉ.

GALASYɄ 5:14

Tʉgekyʉ tadʉ anaꞌamʉn ꞌyawijtsmijkypyʉ tya̱a̱dʉ: “Mdsókʉp ja mmʉdʉjkpa̱ꞌa̱ éxtʉm mij kʉꞌʉm mnaydsyékyʉty.”

GALASYɄ 5:6

Mʉt ko nꞌijtʉm tiꞌigyʉ mʉt ja Jesukristʉ, kyaj tyuñ ko ja̱ꞌa̱y yajtsíky waanʉ o kyaj yajtsíky ma̱ yedyʉjkꞌa̱jtʉn; diꞌibʉ sitʉy tuump ko nmʉbʉjkʉm, jaꞌa ko nnaydsyojkʉm nixim niyam jaꞌagyʉjxm ko nmʉda̱jtʉm yʉ mʉbʉjkʉn.

1 TESALÓNIKɄ 4:9

Es éxtʉm ja tsojkʉn tukkaꞌaxpʉn, kyaj jyatyimtsékyʉty nnijáyʉdʉt, mʉt ko ja Dios tʉ mduknijáwʉdʉ miidsʉty kʉꞌʉm es mnaydsyókʉdʉt nixim niyam.

1 PEEDRɄ 3:8

Diꞌibʉts ʉj tʉ njatukꞌʉxpʉka̱ꞌa̱ndʉ nidʉgekyʉ miidsʉty diꞌibʉ myʉbʉjktʉp ja Kristʉ, yʉꞌʉ tya̱a̱dʉ: Ittʉ tiꞌigyʉ, naymyʉmaꞌxtúkʉdʉ nixim niyam, naydsyókʉdʉ nixim niyam mʉt winʉ mjot, paꞌꞌayowdʉ ja̱ꞌa̱y, es tudaꞌakyꞌáttʉ.

1 PEEDRɄ 4:8

Pa̱a̱ty waꞌan tꞌity nan niꞌigʉ tsojkʉn ma̱ miidsʉty, mʉt ko ma̱ ja̱ꞌa̱y ñaydsyókʉdʉ, may ja peky ñaydyuknimaꞌxʉdʉ.

1 FWANK 2:7

Mʉguꞌugítʉty, kyajts miits nduknijáyʉdʉ anaꞌamʉnʉ jembyʉ. Diꞌibʉ nduknija̱ꞌa̱yʉdʉp, jaꞌayʉm mmʉda̱jtʉp diꞌibʉ jawyíñʉp myaꞌꞌanma̱a̱ydyʉ. Tya̱dʉ jeky anaꞌamʉn, jaꞌayʉm ja ayuk diꞌibʉ tʉ xymyʉdowdʉ.

1 FWANK 3:11

Pes diꞌibʉ Jesukristʉ xytyukꞌanaꞌamʉm extʉ jawyíñʉp, tya̱a̱dʉ dʉꞌʉn ko nnaydsyojkʉm nixim niyam,

1 FWANK 3:14

Mʉt ko ndsojkʉm ja nmʉguꞌukꞌa̱jtʉm, nnija̱ꞌa̱m ko yʉ Dios tʉ xyajjʉgákʉm ma̱ yʉ oꞌkʉn es tʉ xyajmiꞌinʉm ma̱ yʉ jikyꞌa̱jtʉn. Diꞌibʉ kyaj ttseky yʉ myʉguꞌuk, wʉꞌʉmp yʉꞌʉ ma̱ ja oꞌkʉn.

1 FWANK 3:18

Nitítʉty, kyaj nnaydsyojkʉm jeꞌeyʉ wingʉꞌʉy agʉꞌʉy, naydsyojkʉm éxtʉm mba̱a̱t yaꞌixy diꞌibʉ nduꞌunʉm mʉt ja tʉyꞌa̱jtʉn.

1 FWANK 3:23

Es ja Dios tniꞌanaꞌamʉ es nmʉbʉjkʉm ja ꞌyUꞌunk Jesukristʉ es nnaydsyojkʉm nixim niyam, éxtʉm ja Kristʉ xytyukꞌanaꞌamʉm.

1 FWANK 4:11

Mʉguꞌugítʉty, mʉt ko dʉꞌʉn ja Dios tʉ xytsyojkʉm, nandʉꞌʉn nnaydsyojkʉm nixim niyam.