SANTIAGO 2:10 - New Testament in Mixe Tlahuitoltepec

¹⁰ Øy ja Dios kyutujk kaꞌpxy njabadunwa̱ꞌa̱ñɨndɨ jøts jam tuꞌuk yꞌanaꞌamɨn kyayikpaduñ, pøktyuꞌunɨndɨpts adøm ɨdøꞌøn ku kaꞌ kaꞌpxy yikpaduñ.

SANTIAGO 2:10 ပူးပေါင်းရင်းမြစ်များ

GÁLATAS 3:10

Pøn tyimyjabadunwa̱ndɨp ja Moisés kyutujk jøts ja jadeꞌen ñɨtsoꞌoktɨt, tø Dios ja ttanɨbɨkta̱a̱jkɨñɨ jøts ja yikꞌayoꞌonmoꞌodɨt. Jabɨ yɨdeꞌenxɨ døꞌøn ja Dios kyutujk wya̱ꞌa̱ñ jap nøkyjøtpy: “Pønɨ pøn tukɨꞌɨyɨ tkabadungøjxp ya̱ꞌa̱t kutujk midi ya̱p tø yikjaadyañ, pa̱a̱jtɨdɨp ja møj ayoꞌon jaꞌ midi øts tø ndanɨbɨkta̱a̱gɨ.”

GÁLATAS 5:3

Ɨxya̱m meets ndukja̱ꞌmyech jadɨgojk ku jaꞌabɨ ja̱a̱ꞌy pøn ja ejxpajt tkupøjkp ñeꞌkxkøjxp, kuwa̱nɨ døꞌøn ja Moisés kyutujk tyimbyadungøjxɨt. Kuts jadeꞌen tkatuꞌunt, ja kudɨgøꞌøyɨn ɨdøꞌøn ja pya̱a̱tp.

SANTIAGO 3:2

Tum jadeꞌen ja tundɨgøꞌøyɨn yikjagyepy; wɨna̱a̱gɨn jaꞌ pøn katundɨgøødyɨp kaka̱jpxɨgøødyɨp, jaꞌ ɨdøꞌøn janchꞌøy ja̱a̱ꞌy ku ja tpaduñ ku ja ñayꞌejxꞌityɨyɨ.

2 PEDRO 1:10

Jadeꞌents mee mɨguꞌuktøjktɨ, na̱nkyꞌejxɨdɨ døꞌøn ku meets ja Dios tø mwɨꞌijxyɨdɨ tø mwɨgøñɨdɨ, jøts jadeꞌen nɨti nɨma̱ ja mjanchja̱ꞌwɨn kyawɨnguwopɨdɨt.

JUDAS 1:24

Tuꞌuk ja Dios møj, pøn tnɨja̱ꞌwɨp, pøn xyiknɨtsoꞌokꞌa̱jtɨmp, jaꞌats ja myøkꞌa̱jtɨn xaꞌejxꞌejtɨmp jøts kaꞌ ndundɨgøꞌøyɨnt, jadeꞌenꞌampyts agujk jotkujk xukwɨnguwa̱ꞌjkaꞌant jaꞌ wyɨndump, ku nɨti pøky ngamøøtꞌa̱jtɨnt. Jaꞌats tmøøtꞌa̱jtp ja øyꞌa̱jtɨn ja møkꞌa̱jtɨn nwɨndønꞌa̱jtɨm Jesucristo køjxp, jaayɨp ku ja tyiktsoꞌonda̱kɨjxy tukɨꞌɨyɨ, jøts kunɨm ja nayɨdeꞌen tyikjøpkøxt. Jadeꞌen ɨdøꞌøn ja yꞌejxɨ tyɨyɨ.