ROMANOS 3:3 - New Testament in Mixe Tlahuitoltepec

³ ¿Tits ɨdøꞌøn jaꞌadɨ? Øy ja tkabadundɨ jadeꞌen, ¿wɨnets ja Dios tmajtstuꞌutt ja yꞌøyꞌa̱jtɨn?

ROMANOS 3:3 ပူးပေါင်းရင်းမြစ်များ

MATEO 24:35

Na̱jxp yꞌity yø na̱a̱jx tsa̱jp, øy yø juunɨ kyudɨgøꞌøty, jøts øts nꞌayuujk nɨjuunɨ yø kyakixy kyanaxy kunɨm jadeꞌen tyimyja̱tt.

JUAN 1:16

Kajaa adøm Dios kyunuuꞌkxɨn xmøøyꞌijtyɨndɨ nɨꞌijtyɨ. Juunɨ ja tkayaky.

ROMANOS 10:16

Kaꞌapts ja̱a̱ꞌy nɨdukɨꞌɨyɨ tmøjpɨkta̱ꞌa̱ktɨ ja øgyajpxy ja ømyadya̱ꞌa̱ky. Jadeꞌen ja ttundɨ sa̱ ja kugajpxy Isaías tnɨgajpxy ku ja wya̱ꞌa̱ñ: “Dios Teety, ¿pøn ja mꞌøgyajpxy ja mꞌømyadya̱ꞌa̱ky yja̱wɨ tø tꞌukjanchja̱wɨ?”

ROMANOS 11:29

Pø kaꞌaxɨ Dios ja jadɨgojk tpiky pønɨ ti ja yajkpy; pønɨ tø ja twɨꞌixy ja ja̱a̱ꞌy, ¿sudsots ja nugoyɨ tꞌɨxma̱tst jadɨgojk?

ROMANOS 9:6

Kidits nwa̱ꞌa̱ñɨm jøts ku ja Dios tkayikꞌadukñɨm ja wya̱nda̱ꞌa̱ky midi ja møja̱a̱ꞌy Israel yiktanɨwa̱nda̱a̱jkøø wɨneꞌen yꞌa̱p yꞌok ja tø ñajtskaꞌaxɨdɨ. Kaꞌap ja Dios jaꞌayɨ tø twɨꞌixy jaꞌayɨ pøn ja Abraham yꞌa̱pteetyꞌa̱jtɨp; pø yɨdeꞌenxɨ Dios ja wyɨnaty tø ñɨɨꞌmxyɨ: “Nayɨ mets mnɨgojpkꞌajtpy ja Isaac yꞌuꞌnk yꞌuna̱ꞌjktɨ pønɨ wɨneꞌen ja ñajtskaꞌaxɨdɨ.”

2 CORINTIOS 3:18

Paty adøm ja ja̱ꞌgyukɨn nmøøtꞌa̱jtnaꞌandɨ ku ja nwɨndsønꞌa̱jtɨm yikmɨbiky. Kuts ja ejtp njotmayꞌa̱jtɨndɨt ja yꞌøyꞌa̱jtɨn ja myøjꞌa̱jtɨn, nay jaꞌats na̱nkyꞌejxamp xjats adøm jadeꞌen nja̱jtnant sa̱m ja nwɨndsønꞌa̱jtɨm. Yjujkyꞌa̱jtɨngøjxp ɨdøꞌøn ja jadeꞌen xpudøjkaꞌam.

2 TESALONICENSES 1:3

Mɨguꞌuktøjktɨ, pøn jaty ja Dios tjanchja̱ꞌwɨdɨp, ejtp øøts ja Dios ndukmøja̱wɨ ndukunuuꞌkxyja̱wɨ meets køjxp sa̱m ɨdøꞌøn pya̱a̱tꞌatyɨ jøts øøts jadeꞌen nduꞌunt. Møjyɨ yꞌadøjtsɨdɨpxɨ ja mjanchja̱ꞌwɨndɨ jøts nayɨdeꞌen ja tsojkɨn midi ja Dios mmøøjyɨdɨp jøts ja mmɨguꞌuk xtsoktɨt xpaꞌayoꞌodɨt.

2 TIMOTEO 2:13

Pønɨ ngamøkꞌa̱jtɨngøjxp adøm ja njanchja̱ꞌwɨn kyamajada̱a̱jkyɨm, jadeꞌeñɨm ja Dios tyikyøꞌøy ja yujyꞌa̱jtɨn jøts ja pudøjkɨn ja xmøꞌøyɨm, kaꞌap ja Dios mɨba̱a̱t ñayꞌɨxma̱jtsɨyɨt køꞌøm, paty ja xkaja̱ꞌdyɨgøꞌøyɨm.

HEBREOS 4:2

Nayɨdeꞌen adøm tø nyiktukmadøꞌøyɨm ja nɨtsoojkɨn ayuujk, sa̱m ja møja̱a̱ꞌdyøjk yjayiktukmadowdɨ; kaꞌapts ja ti øyꞌa̱jtɨn tpa̱a̱ttɨ ja kuxɨ ja tkamɨbøjktøø øy ja tjamadoodøø.