ROMANOS 10:3 - New Testament in Mixe Tlahuitoltepec

³ Kaꞌ tnɨja̱wɨdɨ sudso Dios tkupiky ja̱a̱ꞌy; kyøꞌømgutujk jaꞌ yiktundɨp, jaꞌ ja tijy tagupøkɨdɨp ja Dios, nɨ tkamøjpɨkta̱ꞌa̱ktɨ jaꞌ midi Dios ja tagupøkɨdɨp.

ROMANOS 10:3 ပူးပေါင်းရင်းမြစ်များ

FILIPENSES 3:9

jøts øts ja møøt nꞌett, kajaꞌagøjxpɨp ku øts ja kutujk kaꞌpxy nbaduñ, jadeꞌenꞌampy ku øts ja nwɨndsønꞌa̱jtɨm Jesucristo tyɨyꞌa̱jtɨn njanchja̱ꞌwɨyɨ jøts øts ja Dios Teety jadeꞌen tø xkupiky. Jaꞌats ja Dios kyupijkpy pøn ja janchja̱ꞌwɨyɨp.

LUCAS 16:15

Wɨnets ja Jesús wya̱a̱ñ jøts ja tnɨma̱a̱y: ―Meets ɨdøꞌøn jadeꞌen mja̱a̱ꞌyꞌa̱jttɨp, ñadyijyɨ mjanchꞌuknawya̱ꞌa̱tspɨkta̱ꞌa̱gyɨdɨ, kaꞌ meets yja̱wɨ mbøktyuñ, jadeꞌen ja mayja̱a̱ꞌy xwɨnꞌøøndɨ, wa̱ꞌa̱tsts ja Dios mnɨja̱wɨyɨdɨ sa̱ jaty mwa̱ꞌa̱ndɨ mga̱jpxtɨ mꞌa̱m mjotp; yøꞌ ɨdøꞌøn Dios kyatsøjkpy, kaꞌ Dios jadeꞌen tkupiky jøts ku ja̱a̱ꞌy jadeꞌen køꞌøm ñamyøjpɨkta̱ꞌa̱gyɨdɨ.

2 CORINTIOS 5:21

Nɨti pøky ɨdøꞌøn ja Cristo tkamøøtꞌa̱jty xjats ja Dios Teety tyimñayɨdeꞌen ja ttuuñ sa̱m ja møj pøkyja̱a̱ꞌy yiktuñɨm, jøts nyikupøjkɨndɨt sa̱m ja Dios Teety ttsøky ku ja Cristo møøt nꞌejtɨnt.

ROMANOS 5:19

Tuꞌukts ja ja̱a̱ꞌy pøn kamadoow, jøts jaꞌagøjxp ja pøky xaja̱ꞌa̱tkɨjxyɨndɨ; nayɨdeꞌents ja tuꞌukmɨ pøn tukɨꞌɨyɨ tmɨmadoow ja Dios Teety, jøts jaꞌagøjxp adøm nyikupɨjkyɨndɨ jam Dios wyɨngujkp.

ROMANOS 1:17

Yøꞌøbɨ øgyajpxy ømyadya̱ꞌa̱ky tnɨga̱jpxp jøts ku janchja̱ꞌwɨngøjxp ja Dios xkupɨjkyɨndɨ, janchja̱ꞌwɨngøjxp jaꞌayɨ sa̱m ja Dios kyajpxy yꞌayuujk tyikta̱a̱ñ ku wya̱a̱ñ yɨdeꞌen: “Pøn kupøjkɨp ja Dios, ja yjanchja̱ꞌwɨn ja ttukpa̱a̱tɨp ja xemɨkøjxpɨt tsɨna̱a̱ꞌyɨn.”

ROMANOS 3:22

Jaꞌ ɨdøꞌøn ja Dios Teety kyupijkpy pøn tjanchja̱ꞌwɨdɨp, pøn tꞌajotꞌa̱jttɨp ja nwɨndsønꞌa̱jtɨm Jesucristo; kyupijkpy ja øy pøn, kaꞌap ja pøn jaduꞌuk jaduꞌuk twenkꞌixy,

LUCAS 10:29

Jøts ja ka̱jpxwejpɨ kaꞌap ja ttajotkukɨ ku ja jadeꞌen yikꞌadsøy, jøts ja tnɨma̱a̱y ja Jesús: ―¿Pøndsɨk øts ɨdøꞌøn ndsaachmɨguꞌukꞌa̱jtpy?

2 PEDRO 1:1

Øts ɨdøꞌøn Simón Pedro nxøøwꞌajtpy. Øts ja nwɨndsønꞌa̱jtɨm Jesucristo nmɨdump jøts øts ja nayɨdeꞌen ngudanaapy. Ɨxya̱m meets ja nøky ndanɨgaxɨ pøn nayɨdeꞌen tø xpa̱a̱ttɨ ja janchja̱ꞌwɨn sa̱m øøts ja njaꞌ, jaꞌagøjxp ku ja nwɨndsønꞌa̱jtɨm Jesucristo tyɨyɨ kyaꞌpxyɨ.

ROMANOS 3:26

Jaꞌagøjxp jadeꞌen yjaty jøts nnɨja̱ꞌwɨn jøts ku Dios Teety yꞌøyꞌa̱jtɨn tyɨyꞌa̱jtɨn tyikꞌawa̱ꞌa̱ñ, jøts ejtp jadeꞌen øy juunɨ tkupiky pøn tjanchja̱ꞌwɨdɨp ja nwɨndsønꞌa̱jtɨm Jesús.

ROMANOS 10:2

Jadeꞌen ø nwa̱ꞌa̱ñ jøts ku ja tjatsojktɨ ja Dios, jadeꞌenꞌampy ku kaꞌap tja̱ttɨ.

ROMANOS 10:20

Jøts ja Isaías ja Dios yja̱a̱ktyimyikwa̱ꞌa̱nɨmyɨ yɨdeꞌen: Pøn øts yꞌijty xkaꞌɨxaadyɨp, tøts øts ja neꞌegɨ ɨxya̱m xpa̱a̱ttɨ; tø øts neꞌegɨ nna̱nkyꞌijxyɨ pøn øts yꞌijty xkanɨja̱ꞌwɨdɨp.

ROMANOS 11:7

Xjats ja israelɨt ja̱a̱ꞌy jadeꞌen wɨna̱a̱gɨn tkapa̱a̱ttɨ sa̱ yꞌity yjawɨnmaydɨ, tømts ja tpa̱a̱ttɨ ja øyꞌa̱jtɨn pøn ja Dios køꞌøm tø wyɨꞌijxyɨdɨ, jøts jaayɨ jaduꞌuk wɨmbeets kugoots tmɨja̱ttɨ, nɨ tkaja̱ꞌgyukɨyɨdɨ ja Dios yjaꞌ.