MATEO 9:4 - New Testament in Mixe Tlahuitoltepec

⁴ Jøts kumɨ wa̱ꞌa̱ts ja nwɨndsønꞌa̱jtɨm Jesús ja tnɨja̱wɨ sa̱ jaty ja wyɨnmaydɨ, jøts ja tnɨma̱a̱y: ―¿Tigøjxp ku jadeꞌen kaꞌøwyɨnma̱a̱ꞌñ xjagyaptɨ?

MATEO 9:4 ပူးပေါင်းရင်းမြစ်များ

MATEO 12:25

Wa̱ꞌa̱ts ja nwɨndsønꞌa̱jtɨm Jesús ja tnɨja̱wɨ sa̱ jaty ja wyɨnaty wyɨnmaydɨ, jøts ja tnɨma̱a̱y: ―Nɨmidiꞌibɨ kutujk køꞌømyɨ ñamyɨdsepꞌatyɨ, kuts ja cheptundɨ ja xem ya̱m jadiꞌiñɨts ja ña̱nkyudɨgøyɨdɨ; u ku ka̱jp u ku ja̱a̱ꞌy tukmɨguꞌuk ñamyɨdsepikyɨdɨ jøts ñawyaꞌkxyɨdɨ, kaꞌap ja yikjøpꞌijxyꞌaty jøts ja jeky ña̱nkchøønɨyɨdɨt.

MARCOS 12:15

Xjats kumɨ ñɨja̱ꞌwɨp ja Jesús wyɨnaty jøts ku nugo yjotꞌejxwa̱ꞌa̱ñɨdɨ, wɨnets ja tnɨma̱a̱y: ―¿Tiku ø xjotꞌejxtɨ? Ya̱ktɨ tuꞌuk meeñ, wan ø tꞌukꞌijxy.

MARCOS 2:8

Xjats ja Jesús ñɨja̱ꞌwɨp ja wa̱ꞌa̱ts ku ja ja̱a̱ꞌy jadeꞌen wyɨnaty wyɨnmaydɨ, wɨnets ja tnɨma̱a̱y: ―¿Tiku jadeꞌen nɨchøky mwɨnmaydɨ?

LUCAS 11:17

Wa̱ꞌa̱ts ja tnɨja̱wɨ sa̱ jaty ja wyɨnaty wyɨnmaydɨ, jøts ja tnɨma̱a̱y: ―O pøn wɨndsøn, ku kyutujk ja chepta̱ꞌa̱ky jøts yja̱a̱ꞌy ja ñawyaꞌkxyɨ kawɨna̱kpiky jøts ja xem ya̱m cheptundɨ agøꞌømyɨdɨ, na̱nkyøjxɨdɨpts ja jadeꞌeñɨ jøts nɨ ja kutujk nɨti kyaꞌukwa̱nɨ, uk kuts tuꞌuk mɨguꞌuk agøꞌømyɨ cheptundɨ jøts ja ñawya̱ꞌkxnɨyɨdɨ, agøꞌømyɨts ja xem ya̱m ña̱nkyudɨgøyɨdɨ.

LUCAS 5:22

Wa̱ꞌa̱ts ja Jesús ja tnɨja̱wɨ sa̱ ja wyɨnaty wyɨnmaydɨ, jøts ja tnɨma̱a̱y: ―¿Tigøjxp ku jadeꞌen mwɨnmaydɨ?

LUCAS 6:8

Ti wa̱ꞌa̱ts ja tnɨja̱wɨ sa̱ jaty ja wyɨnaty wyɨnmaydɨ jøts ja ja̱a̱ꞌy ja tnɨma̱a̱y midi wyɨnaty kyøꞌ xujxp: ―Tanɨ, jøts ɨxem nøjkx mdanɨ kujkꞌa̱m. Jatyɨ ja ja̱a̱ꞌy tyanaagyukɨyɨɨꞌñ jøts ja jam ñijkxy tanaabyɨ.

LUCAS 7:40

Wɨnets ja Jesús tnɨma̱a̱y ja fariseo: ―Simón, nmɨga̱jpxwampy. Jøts ja fariseo yꞌadsøøy: ―Yɨnet Wɨndsøn.

JUAN 16:19

Jøts ja nwɨndsønꞌa̱jtɨm Jesús ojts ja tꞌixy jøts ku ja pyabøjkpɨtøjk yja̱wɨ tyɨɨbyøkwa̱ꞌa̱ñɨyɨ, jøts ja tnɨma̱a̱y: ―Tøxɨ nnøjmɨdɨ jøts ku kaꞌ yꞌukjajknɨt ku mee kaꞌ xꞌukꞌejxnɨt, kuts wyɨnaty waanɨ tø ñaxy ja tiempɨ jaanɨmts ø xꞌejxtɨt jadɨgojk. ¿Kidi yøꞌøjɨp meets ɨxja mnayiktøøjɨyɨdɨp?

JUAN 16:30

Ɨxya̱mnɨmts øøts ɨnet njanchꞌixy njanchnɨja̱wɨ jøts ku tukɨꞌɨyɨ xnɨja̱ꞌwɨgyixy, jøts ku kaꞌ chøkyɨ jøts ku øy pøn kuwa̱nɨ mdyimdyɨɨbyøkɨyɨt. Jaꞌagøjxp øø njanchja̱wɨ jøts ku jam mdsøøñ ma̱ Dios Teety.

JUAN 21:17

Jøts ja mɨdɨgøøk ojk yiknɨma̱a̱y ja Jonás mya̱jnk: ―Simón, ¿xtsojkp øts? Wɨnetnɨmts ja Pedro yjotmayꞌooꞌkpɨjky, ku ja mɨdɨgøøk ojk yɨdeꞌen yiktøøjɨ ja nwɨndsønꞌa̱jtɨm pønɨ chøjkpy jaꞌ, jøts ja tnɨma̱a̱y: ―Wɨndsønꞌa̱jtɨm, mets tukɨꞌɨyɨ mnɨja̱ꞌwɨp. Mnɨja̱ꞌwɨpxɨ wa̱ꞌa̱ts jøts ku ndsøky. Jøts ja nwɨndsønꞌa̱jtɨm Jesús wya̱a̱ñ, jøts ja ñɨma̱a̱jyøø: ―Mets ndanɨpijkpy amuum, jøts xnøøꞌmøøjyɨt xuuꞌmøøjyɨt ja nbabøjkpɨtøjk.

JUAN 6:61

Xjats ja nwɨndsønꞌa̱jtɨm Jesús tja̱ꞌwɨyɨɨꞌñ, jøts ku ja jadeꞌen tjanchꞌayojɨ ku ja wyɨnaty jadeꞌen tø wya̱ꞌa̱ñ, wɨnets ja tyiktɨɨy: ―¿Yøꞌ mꞌayoojɨdɨp?

JUAN 6:64

Jøts ja meets ɨxa wɨna̱a̱gɨn pøn yø tkajanchja̱ꞌwɨp. Tø døꞌøn ja nwɨndsønꞌa̱jtɨm Jesús ja wyɨnaty tnɨja̱ꞌwɨñɨ pøn jaty jaꞌadɨ pøn tkajanchja̱ꞌwɨdɨp, jøts jaꞌ pøn ja køya̱kɨyɨp.

HECHOS 5:9

Xjats Pedro ja tnɨma̱a̱y: ―¿Tiku jadeꞌen tø xkajpxyꞌa̱ttɨ ku ja Dios Teety yꞌEspíritu Santo jadeꞌen xwɨnꞌøøndɨ? Ɨxa ja ja̱a̱ꞌy tøkꞌagɨꞌjy myendɨ midi ja mnɨya̱a̱ꞌy tø yꞌatsyikna̱xøkɨyɨ, jøts mets ɨnet mꞌatsna̱jxøjkɨmyɨp.

APOCALIPSIS 2:23

Nwanduꞌumpts øts nayɨdeꞌen ja yꞌuꞌnk ja yꞌuna̱ꞌjk pøn kaꞌødyøꞌøxyꞌa̱jttɨp. Jadeꞌen ɨdøꞌøn tꞌejxtɨt tnɨja̱wɨdɨt nɨdukɨꞌɨyɨ øts njanchja̱ꞌwɨbɨtøjk sa̱m øts wa̱ꞌa̱ts nꞌejxkapy sa̱m pøn tuꞌuk jaduꞌuk wyɨnma̱a̱ꞌñ tjagyejpy yꞌa̱m yjotp. Nɨduꞌuk nɨduꞌuk meets ndɨɨdyuꞌundɨt pønɨ sa̱ jaty pøn tø yꞌadøꞌøtstɨ.