MATEO 9:22 - New Testament in Mixe Tlahuitoltepec

²² Jøts ja nwɨndsønꞌa̱jtɨm Jesús ojts wya̱ꞌkjɨmbity, ojts ja tyimyꞌixy ja tøꞌøxyøjk jøts ja tnɨma̱a̱y: ―Kidi uꞌnk mdsøꞌøgɨ; jaꞌagøjxp tø mdsøꞌøky ku ø tø xjanchja̱wɨ. Jøts ɨdøꞌøn ja nay jatyɨ myøkpɨjky.

MATEO 9:22 ပူးပေါင်းရင်းမြစ်များ

MATEO 15:28

Jøts ja nwɨndsønꞌa̱jtɨm Jesús ja ñɨma̱a̱jyøø: ―¡Janch møj mjanchja̱ꞌwɨn! Wan jadeꞌen tyiktuñ sa̱m ɨdøꞌøn xtsøkyꞌaty. Jøts ja nay jatyɨ myøkpɨjky ja ñøøx.

MATEO 17:18

Jøts ja nwɨndsønꞌa̱jtɨm Jesús ojts tkajxpɨdsimy ja mɨkuꞌ, ojts ja ttukmajtstuꞌuty ja mixy jøts ɨdøꞌøn ja jadeꞌen jatyɨ tyimyøkpɨjky.

MATEO 8:13

Jøts ɨdøꞌøn ja nwɨndsønꞌa̱jtɨm Jesús tnɨma̱a̱y ja ja̱a̱ꞌy midi tnɨwɨndsønꞌa̱jtp tukpiky ja solda̱dɨdɨ: ―Nøjkxnɨ mdøjkwɨndum, jøts sa̱ tø xjanchja̱wɨ yiktuꞌumpts ja jadeꞌen. Jøts ja tumbɨ nay jatyɨ myøkpɨjky.

MATEO 9:2

Jamts ja̱a̱ꞌy ja ojts tuꞌuk yiktanɨnijkxy midi køxujxp pakxujxp, kɨꞌɨy ja jam ojts tyiknøjkxtɨ. Jøts ku døꞌøn ja nwɨndsønꞌa̱jtɨm Jesús ojts jadeꞌen tꞌixy ja ja̱a̱ꞌy jøts kudam ja møkꞌampy ja janchja̱ꞌwɨn tjanchmøødɨdɨ, jøts ja pama̱a̱ꞌy ja tnɨma̱a̱y: ―Kidi uꞌnk nugo mdyimyjotmayꞌøøky; nbojkpɨmeeꞌkxpy mets.

MATEO 9:29

Wɨnets ja nwɨndsønꞌa̱jtɨm Jesús ja mɨmøj twɨngudoꞌonɨyɨɨꞌñ, yɨdeꞌen ja tnɨma̱a̱y: ―Wan ɨdøꞌøn jadeꞌen tjaty pønɨ ma̱ba̱a̱t mee nayɨdeꞌen ja mjanchja̱ꞌwɨn xmøøtꞌaty.

MARCOS 10:52

Wɨnets ja Jesús ja tnɨma̱a̱y: ―Nøjkxnɨ; tø me mdsoknɨ kumɨ tø me xjanchja̱wɨ. Xjats ja wɨna̱p ja̱a̱ꞌy jatyɨ wyɨnꞌejxwaꞌkxy, jøts ja tpanijkxy ja Jesús jam tuuꞌa̱m.

MARCOS 5:34

Wɨnets ja Jesús tnɨma̱a̱y ja tøꞌøxyøjk: ―Jaꞌagøjxp uꞌnk tø mdsøꞌøky ku ø tø xjanchja̱wɨ. Nøjkxnɨ, Dios mgunuuꞌkxɨp, jøts kidi pa̱ꞌa̱m mꞌukpa̱a̱jtnɨyɨ.

LUCAS 17:19

Jøts ja tnɨma̱a̱y ja ja̱a̱ꞌy: ―Wa̱ꞌkukɨ jøts mnøjkxnɨt; jaꞌagøjxp tø tyay yø mbuꞌuts ku ø tø xjanchja̱wɨ.

LUCAS 18:42

Jøts ja Jesús ja ñɨma̱a̱jyøø: ―¡Wɨnꞌejxts ɨnet! Jaꞌagøjxp yø mween tø yꞌøyɨ ku ø tø xjanchja̱wɨ.

LUCAS 7:50

Jøts ja Jesús yɨdeꞌen ja tnɨma̱a̱y ja tøꞌøxyøjk: ―Jaꞌagøjxp mets ja mbøky tø nmaaꞌkxɨ ku me tø xjanchja̱wɨ, nøjkxnɨts jotkujk.

LUCAS 8:48

Wɨnets ja Jesús ja ñɨma̱a̱jyøø: ―Jaꞌagøjxp uꞌnk tø mmøkpiky ku ø tø xjanchja̱wɨ. Nøjkxnɨ a̱mgujk jotkujk.

JUAN 4:53

Xjats ja uꞌnkteety ojts tja̱ꞌmyech jøts ku nay jaꞌabɨ horɨ ja nwɨndsønꞌa̱jtɨm Jesús wyɨnaty tø ñɨɨꞌmxyɨ: “Jujkyꞌa̱jtp ja mꞌuꞌnk”; jøts nɨdukɨꞌɨyɨ wɨneꞌenɨn yꞌuꞌnk ñɨdøꞌøxy yꞌuꞌnk yꞌuna̱ꞌjk ja jam møøt, jadɨneꞌen ja ojts tjanchja̱wɨdɨ ja nwɨndsønꞌa̱jtɨm Jesús.

HECHOS 14:9

Jøts ja pakma̱ꞌa̱t ja̱a̱ꞌy myadøøpy jaꞌ tukɨꞌɨyɨ pønɨ sa̱ ja Pablo tyikwa̱ꞌa̱ñ, wɨnets ja Pablo twɨnꞌijxy ku yja̱wɨ tꞌajotꞌaty ja pakma̱ꞌa̱t ja̱a̱ꞌy ja Dios ku choꞌokwa̱ꞌa̱ñ.

HECHOS 16:18

Ku jadeꞌen pyawɨdejtɨyɨdøø kawɨna̱a̱k xøøw, xjats ja Pablo møk yꞌadsipyɨyɨ jøts tꞌejxɨmbijty, jøts tnɨma̱a̱y ja mɨkuꞌ midi ja kiixy wyɨnaty myøøtꞌajtpy: ―Jesús myøkꞌa̱jtɨngøjxp mets mɨkuꞌ majtstuꞌut yø kiixy. ¡Pɨdsøm! Xjats ja mɨkuꞌ tmajtstuujty nay jatyɨ.

HEBREOS 4:2

Nayɨdeꞌen adøm tø nyiktukmadøꞌøyɨm ja nɨtsoojkɨn ayuujk, sa̱m ja møja̱a̱ꞌdyøjk yjayiktukmadowdɨ; kaꞌapts ja ti øyꞌa̱jtɨn tpa̱a̱ttɨ ja kuxɨ ja tkamɨbøjktøø øy ja tjamadoodøø.