MATEO 3:16 - New Testament in Mixe Tlahuitoltepec

¹⁶ Jaꞌayɨ ja Jesús ñøbejty, jøts ja pyɨdsɨɨmy jam nøøjotp. Wɨnets nay jatyɨ adsuꞌjky yꞌawa̱a̱jch ja tsa̱jp, jøts ja ojts tꞌejxpa̱a̱ttɨ ja Dios yꞌEspíritu Santo ku ja ñɨgɨda̱ꞌa̱gyɨ sa̱m tsa̱pa̱kɨn jøts ja tyakakpajtɨ.

MATEO 3:16 ပူးပေါင်းရင်းမြစ်များ

MARCOS 1:10

Xjats ku ja pyɨdsɨɨmy møj nøøjotp, wɨnets ja ojts tꞌixy ja tsa̱jp jøts ku ja yꞌawa̱ꞌa̱ch, jøts Espíritu Santo ja jadeꞌen ñɨgɨda̱ꞌa̱gyɨ sa̱m ja tsa̱pa̱k.

JUAN 1:51

Jøts ja nwɨndsønꞌa̱jtɨm Jesús yja̱a̱ktyimwya̱a̱ñ: ―Meets ya̱m ndyimñɨmaapy, jøts ku xꞌejxtɨt ja tsa̱jp yꞌawa̱ꞌa̱ts, jøts ku Dios yꞌa̱nkɨlɨs pyattɨt wyɨna̱ktɨt jøts øts ja xnɨgɨda̱ꞌa̱ktɨt, jaꞌ kuxɨ øts ja na̱xwiiꞌñɨt ja̱a̱ꞌy ngudanɨ Dios Teety wyɨngujkp.

JUAN 3:34

Dios kyajpxy Dios yꞌayuujk ja kya̱jpxɨp pøn ja Dios kajxɨp, kumɨ amuum yꞌEspíritu Santo ja myøꞌøyɨ.

HECHOS 1:22

jaayɨp øøts yø jadeꞌen xmøøtwɨdity ku nwɨndsønꞌa̱jtɨm ja Juan ojts yiknøbetyɨ, kunɨm ja tø pyatøkɨ jap tsa̱jpjøtpy. Paty øøts ya̱ꞌa̱t ja̱a̱ꞌy nɨduꞌugɨn ndsøky, jøts øøts yø møøt nga̱jpwa̱ꞌkxt ku ja nwɨndsønꞌa̱jtɨm tø pyɨdsimy jadɨgojk jap ooꞌkpɨ jutjøtpy.

HECHOS 7:56

Xjats tnɨma̱a̱y pøn yikꞌookwa̱jnɨyɨdɨp: ―¡Ukꞌejxtɨ! Awa̱ꞌa̱ts øts yø tsa̱jp ø nꞌixy, jøts nayɨdeꞌen nꞌejxpa̱a̱ty ja Cristo tyanɨ Dios Teety aga̱ꞌngyøꞌampy.

1 JUAN 5:6

Nnɨja̱ꞌwɨndɨp adøm ku ja Jesús Dios Uꞌngɨ, jabɨ køꞌømxɨ ja Dios Teety ja tyimñɨgajpxpy ku ja Jesús ñøbejty jøts ku nayɨdeꞌen wyɨnaty yꞌookwa̱a̱nɨmɨ; jøts ja Espíritu Santo ejtp nayɨdeꞌen tnɨga̱jpxmɨ, jabɨ myøøtꞌajtpy ja tɨyꞌa̱jtɨn jaꞌ.