MATEO 19:4 - New Testament in Mixe Tlahuitoltepec

⁴ Jøts ja tꞌadsøøy: ―¿Kaꞌanɨm meets ja Dios kyajpxy xꞌejxɨ? Pø patyxɨ ja ya̱a̱ꞌy ja tøꞌøxy tyikꞌøyɨyɨɨꞌñ pøn xyiktsoꞌonda̱a̱jkɨndɨp.

MATEO 19:4 ပူးပေါင်းရင်းမြစ်များ

MATEO 12:3

Xjats ja yɨdeꞌen yiknɨmaadyøø: ―¿Ti kaꞌanɨm meets ja Dios kyajpxy xꞌixy midi tnɨga̱jpxp sa̱ ja David tukꞌojk tmøøtꞌadɨɨjch ja myɨguꞌuk, ku yuu ja wyɨnaty yikꞌookwa̱ꞌa̱nɨyɨdɨ?

MATEO 21:42

Wɨnets ja nwɨndsønꞌa̱jtɨm Jesús ja ñɨma̱a̱jyɨdøø: ―¿Nɨwɨndinɨm meets Dios kyajpxy xkaꞌejxɨ? Yɨdeꞌenxɨ ja wya̱ꞌa̱ñ: Ja tsa̱a̱ midi ja pojtspɨ kyaꞌukꞌaꞌejxɨdøø, jaꞌats neꞌegɨ ɨxya̱m tø yꞌukyikpɨkta̱knɨ jam pøch kyuba̱jkp jøts ja tꞌama̱jtsmujkixy ja pøch. Ja Dios Teety ɨdøꞌøn yø jadeꞌen tø ttuñ, øy yø ñɨgyuma̱a̱p njaja̱ꞌwandɨ.

MATEO 21:6

Xjats ja pyabøjkpɨ ojts choondɨ jøts ja ojts ñøjkxtɨ, ojts ja jadeꞌen ttundɨ sa̱ nwɨndsønꞌa̱jtɨm Jesús ja wyɨnaty tø yꞌaneꞌemyɨdɨ.

MATEO 22:31

Jøts ku ja ooꞌkpɨ yjujkpyøktɨ, ¿kaꞌanɨm meets ja nøky xꞌixy sa̱ Dios køꞌøm tø wya̱ꞌa̱ñ? Nøømxɨ jaꞌ:

MARCOS 12:10

’¿Kaꞌanɨm ja nøky xka̱jpxɨdɨ ma̱ yɨdeꞌen wya̱ꞌa̱ñ? Ja tsa̱a̱ midi ja pojtspɨ kyaꞌukꞌaꞌejxɨdøø, Jaꞌats neꞌegɨ ɨxya̱m tø yꞌukyikpɨkta̱knɨ pøch kyuba̱jk jøts ja ttama̱jtsmujkixy ja pøch.

MARCOS 12:26

¿Kaꞌap meets xnɨja̱wɨ, jøts ku ja Dios kyajpxy wya̱ꞌa̱ñ ku ja ooꞌkpɨ pyɨdsøꞌømt jadɨgojk jap ooꞌkpɨ jutjøtpy? ¿Kaꞌanɨm ja nøky xꞌɨxpøktɨ midi ja Moisés ojts tja̱ꞌa̱y, ma̱ ja tnɨgajpxy sudso Dios ja ojts myɨgajpxyɨ jam ujts a̱a̱yjotp? Ku ja ojts ñɨɨꞌmxyɨ: “Tum øts xdiosꞌa̱jttɨp ja Abraham, ja Isaac jøts ja Jacob.”

MARCOS 2:25

Wɨnets ja Jesús yꞌadsøøy, jøts ja wya̱a̱ñ: ―Nugo meets mjanchkajpxy. Tø meets ja nøky xjaꞌixy midi wa̱mp jøts ku ja David yɨdeꞌen yꞌadɨɨjch møøt ja myɨguꞌuk ku yuu ja pya̱a̱jtɨdøø, ku ja wyɨnaty nɨti kyaꞌijtxyɨdɨ.

LUCAS 10:26

Jøts ja Jesús ja yꞌadsojɨmbejtøø: ―¿Kidimts jap tø xꞌixy nøkyjøtpy midi ja Moisés kyutujk myøøtꞌajtpy, sa̱ ja xja̱ꞌgyukɨ?

LUCAS 6:3

Xjats ja Jesús yꞌadsøøy: ―¿Kaꞌanɨm meets ja Dios kyajpxy xꞌijxy midi tnɨga̱jpxp sa̱ ja David tukꞌojk tmøøtꞌadɨɨjch ja myɨguꞌuk ku ja wyɨnaty yjantyimyuuꞌooktɨ?