MARCOS 8:21 - New Testament in Mixe Tlahuitoltepec

²¹ Wɨnets Jesús ja pyabøjkpɨtøjk tnɨma̱a̱y: ―Kaꞌanɨmdam meets ɨdøꞌøn xja̱ꞌgyukɨ. Ja tsa̱pkaaky yø meets jaꞌayɨ mdajotmayꞌøøꞌkpy.

MARCOS 8:21 ပူးပေါင်းရင်းမြစ်များ

MARCOS 6:52

kumɨ kaꞌanɨm ja wyɨnaty tnɨja̱wɨdɨ yikxon pønɨ pøn ja Jesús, øy ja tsa̱pkaaky jaꞌ tjayikmayɨ, janch kujuun ɨdøꞌøn jaꞌadɨ, kaꞌap ɨdøꞌøn ja tja̱ꞌgyukɨdɨ.

MARCOS 8:12

Xjats Jesús ja tkumøkxajɨyɨɨꞌñ, jøts ja wya̱a̱ñ: ―¿Tigøjxp ku ja̱a̱ꞌy ya̱ꞌa̱tpɨ xøøw ya̱ꞌa̱tpɨ jumøjt tꞌamɨdowdɨ jøts yiktukꞌejxtɨt ja diosꞌa̱jtɨn? Janch meets ɨdøꞌøn nnøjmɨ, jøts ku jadeꞌembɨ ja̱a̱ꞌy nɨ tukꞌojkɨn kyayiktukꞌejxtɨt ja diosꞌa̱jtɨn.

MARCOS 8:17

Wa̱ꞌa̱ts Jesús ja tnɨja̱wɨ ti ja wyɨnaty kyajpxyꞌa̱jttɨp. Kaꞌap ja tsa̱pkaaky ja tijy midi ñɨmadoodɨp ja pyabøjkpɨtøjk, ja Herodes ja fariseotøjk ndejɨnt ja yꞌɨxpøjkɨn ja yꞌayuujk tyijpy. Paty ja Jesús yɨdeꞌen tyiktɨɨy: ―¿Tiku mwa̱ꞌa̱ndɨ ku mdsa̱pkaaky xijy kyaꞌettɨ? ¿Kaꞌanɨm xnɨmadowdɨ, jøts nɨkaꞌap xnɨja̱wɨdɨnɨm, janch juun mguba̱jk xmøødɨdɨ?

MARCOS 8:22

Jawaanɨ yꞌijty, xjats ja yja̱ꞌttɨ jam Betsaida ma̱ ja ka̱jp wyɨnaty jadeꞌen txøøwɨ; jamts ja Jesús yiktanɨmiiñ tuꞌuk ja wɨna̱p ja̱a̱ꞌy, jøts ja ojts yikmɨnuuꞌkxa̱ꞌa̱ky, jøts ja tnɨxa̱jɨt jøts ja tyiktsoꞌokt.

MARCOS 9:19

Xjats ja Jesús yꞌadsøøy jøts ja wya̱a̱ñ: ―Mee kajanchja̱ꞌwɨbɨdɨ, yø mbøky nugo myikmajada̱ktɨp. ¿Ma̱ wɨndemnɨm meets ja ngajpxy ja nꞌayuujk xpabøjkɨt, jøts wɨndemnɨm meets yø jadeꞌembɨ xuktatsoꞌokt ku øts yø ejtp njanchjanɨga̱jpxꞌity?

JUAN 14:9

Jøts ja nwɨndsønꞌa̱jtɨm Jesús ja yɨdeꞌen tꞌadsøøy: ―Wɨndiꞌixyɨp mee Felipe nmɨnabya̱a̱jtnɨyɨdɨ, ¿jøts nɨ jadeꞌemba̱a̱t me xkaꞌijxyꞌa̱jtnɨ? Pønɨ pøn ø xꞌejxp, ñayɨ yꞌijxpy ja nayɨdeꞌen ja Dios Teety; jøts, ¿sudsoꞌampyts me xꞌamɨdøy jøts mee ndukꞌext ja Dios Teety?

1 CORINTIOS 15:34

Yiktsoꞌonda̱ꞌa̱ktɨ jadɨgojk tɨy tsuj ja mdsɨna̱a̱ꞌyɨndɨ, kidi pøky xꞌuktunkꞌa̱jtnɨdɨ, pø kaꞌaxɨ xumnɨja̱wɨdɨ ja Dios. Paty øts yɨdeꞌen nwa̱ꞌa̱ñ jøts xtsøꞌødyunja̱wɨdɨt ja mgaꞌøwyɨnma̱a̱ꞌñ.

1 CORINTIOS 6:5

Ya̱ꞌa̱tpɨ døꞌøn ti mjanchtatsøꞌødyuꞌundɨp. ¿Nɨ tuꞌugɨn meets ja jam xkamøøtꞌaty pøn tja̱jtp ja tɨɨdyuꞌunɨn?