MARCOS 4:41 - New Testament in Mixe Tlahuitoltepec

⁴¹ Wɨnets ja yjanchøꞌjkɨdøø, yɨdeꞌen ja køꞌøm ñawya̱jnɨdøø: ―¡Pønɨmts ɨdøꞌøn ya̱ꞌa̱t ndejɨnt, sudso poj sudso mejy yø myɨmadøyɨ!

MARCOS 4:41 ပူးပေါင်းရင်းမြစ်များ

MATEO 14:32

Xjats ku ja tyøjkɨdøø jap ba̱rkɨjøtpy, jøts ja poj jatyɨ yꞌamøꞌjty.

MATEO 8:27

Jøts ñɨgyuma̱a̱p ja tyimyja̱ꞌwɨdøø, nømdɨp jaꞌ: ―¿Ti pøn ja̱a̱ꞌy yø jadeꞌen, mɨmadoojɨpa̱a̱t poj yøꞌ, mɨmadoojɨpa̱a̱t mejy yøꞌ?

MARCOS 4:40

Xjats ja tnɨma̱a̱y pyabøjkpɨtøjk: ―¿Jadits ku mdsøꞌøgɨdɨ, tigøjxp ku ø xkajanchja̱wɨdɨ?

MARCOS 5:1

Xjats ja ttayøꞌøña̱jxtøø ja nøø, jøts ja yja̱ꞌttøø jam nøøbaꞌa̱m ma̱ døꞌøn ja na̱a̱jx wyɨnaty txøøwꞌaty Gadara.

MARCOS 5:33

Wɨnets ja tøꞌøxyøjk tsøꞌøgɨ yjanchyikmɨbejpnɨyɨ, ñɨja̱ꞌwɨpts jaꞌ jøts ku ja wyɨnaty ja tya̱xnaxyɨ tø ñaxy, xjats ja ojts twɨnguxanaayꞌøyɨ ja Jesús, tyamɨmadya̱køjx ja tukɨꞌɨyɨ pønɨ sa̱ jaty ja yꞌejxɨ tyɨyɨ.

MARCOS 7:37

Xjats ja jadeꞌen ñɨgyuma̱a̱p tja̱wɨdɨ, yɨdeꞌen ja wya̱ndøø: ―Tyumꞌødyumpy øy ti; yikmadøøpy na̱t ja̱a̱ꞌy, jøts yikꞌawijpy uum ja̱a̱ꞌy.

LUCAS 4:36

Nɨꞌijtyɨ ja ja̱a̱ꞌy yjantyimchøꞌjkɨdøø jøts ja xem ya̱m ñawya̱jnɨdøø: ―¿Ti kajpxy ti ayuujk yø jadeꞌen kyajpxpy? ¡Møjta̱ꞌa̱ky yø tꞌaneꞌemy yø mɨkuꞌ jøts yø jatyɨ chøꞌøgɨ!

LUCAS 8:25

Jøts ja tnɨma̱a̱y ja pyabøjkpɨtøjk: ―¿Ma̱ døꞌøn ja mjanchja̱ꞌwɨndɨ xyiktunwa̱ꞌa̱ndɨ? Tø ja yjanchnɨchøꞌjkɨdyɨgøøñɨdɨ, ñɨgyuma̱a̱p ja tyimyja̱ꞌwɨdøø jøts ja xem ya̱m ñawya̱jnɨdøø: ―¿Ti pønɨmts ya̱ꞌa̱t jadeꞌen, pø mɨmadojɨpts ja poj yøꞌ, pø mɨmadojɨpts ja nøø yøꞌ ku yø tꞌaneꞌemy?

HEBREOS 12:28

Jaꞌabɨ øyꞌa̱jtɨnts adøm ɨdøꞌøn ja Dios tø xamɨdsøjkyɨm, kaꞌats ɨdøꞌøn ja nɨjuunɨ sa̱ yja̱tt, xemɨkøjxp ɨdøꞌøn ja yꞌett. Paty adøm ja Dios ngajxa̱jkɨnt, jøts øy tsuj nwɨndsøꞌjkaꞌant pønɨ sa̱ døꞌøn ja pya̱a̱tꞌatyɨ jøts pønɨ sa̱ døꞌøn ja ttsøky;

APOCALIPSIS 15:4

¿Pøn Dios Teety mgaꞌuktsøꞌøgɨyɨp, jøts pønts mgaꞌukwɨndsøꞌøgɨyɨp? Pø tuꞌugyɨxɨ mets mwa̱ꞌa̱dsɨ. Mwɨnja̱wɨyɨp mjanchja̱wɨyɨpts nɨdukɨꞌɨyɨ ja na̱xwiiꞌñɨt ja̱a̱ꞌy, jaꞌagøjxp ku mdɨyꞌa̱jtɨn xna̱nkyꞌijxyɨ sa̱ mduñ sa̱ mbiky.