MARCOS 4:38 - New Testament in Mixe Tlahuitoltepec

³⁸ Jamts ja Jesús wyɨnaty mya̱ꞌa̱y ba̱rkɨ ɨxꞌa̱m, tø ja jam wyɨnaty ñagyukøyɨyɨ; wɨnets pyabøjkpɨtøjk ja ojts yuxyɨ, jøts ja ojts ñɨɨꞌmxyɨ: ―¡Wɨndsøn! ¿Kidi mdsøꞌøgɨ ku nnøjøøꞌkxɨn uk ku nꞌooꞌkɨn?

MARCOS 4:38 ပူးပေါင်းရင်းမြစ်များ

MATEO 22:16

Xjats ja jadeꞌen wɨna̱a̱gɨn tkajxtøø ja yja̱a̱ꞌy møøt ja Herodes yja̱a̱ꞌmyɨ, jøts ja tꞌatstuknɨmaawya̱ꞌa̱ndɨ ja nwɨndsønꞌa̱jtɨm Jesús: ―Wɨndsøn, tø øø nnɨja̱wɨ jøts ku tɨy mgajpxy, jøts ku tɨy janch ja Dios yjaꞌ xnɨga̱jpxɨyɨ, kaꞌ xmøjpɨkta̱ꞌa̱ky øy ja̱a̱ꞌy sa̱ yjawa̱ꞌa̱ndɨ kumɨ kaꞌ mets pøn xkupiky xkagupiky.

MATEO 8:25

Wɨnets pyabøjkpɨtøjk ja ojts yuxyɨyɨ, yɨdeꞌen ja ojts ñɨɨꞌmxyɨyɨ: ―¡Wɨndsønꞌa̱jtɨm, ejx øø nnøøjøøꞌkxnɨ, yiknɨtsok øøts! ¡Pø nødøjkɨyꞌadøjtsnampts!

MARCOS 4:37

Xjats ja poj jam janch møk myiiñ, jøts ja nøø møkꞌampy yꞌadøtspɨna̱xwa̱ꞌjky, yikxon ja yjanchtojmjɨꞌjky jøts ja kom nøø tyøjkɨyɨɨꞌñ jam ba̱rkɨjotp, ujtsnɨp ja wyɨnaty.

MARCOS 4:39

Xjats ja Jesús pyɨdɨꞌjky jøts ja møk twɨnguga̱jpxɨyɨɨꞌñ ja poj; jøts yɨdeꞌen ja mejy tnɨma̱a̱y: ―¡Mɨmadook øts et, kidi mꞌadɨꞌɨch! Wɨnets ja mejy jatyɨ yꞌamøkɨyɨɨꞌñ jøts ja tuꞌugyɨ tya̱a̱ñ.

LUCAS 8:24

Jøts ja tyujxtøø ja Jesús jøts ja tnɨmaadyøø: ―¡Wɨndsøn! ¡Wɨndsøn! ¡Nøøjøøꞌkxwa̱a̱ꞌnɨndɨp! Wɨnets ja Jesús pyɨdɨꞌjky jøts ja møkꞌampy twɨnguga̱jpxɨyɨɨꞌñ ja møk poj ku ja nøø ja tyiktojmjɨꞌɨky adsøꞌjkɨbɨm; jøts ja poj jatyɨ yjanchꞌamøꞌjty, jadiꞌiñɨ ja myøøñ.

JUAN 4:6

Jamts ɨdøꞌøn tuꞌuk ja nømuꞌut midi yiktejp Jacob nømuꞌut. Jøts kumɨ jotkøjxp ja nwɨndsønꞌa̱jtɨm Jesús wyɨnaty ku ja yøꞌøy, xjats ja yꞌɨxa̱a̱jky jam nømuꞌut agøꞌøm. Ja døꞌøn wyɨnaty ja xøøw kujky.

HEBREOS 2:17

Jaꞌagøjxpts ja nayɨdeꞌen yja̱a̱ꞌyja̱jty sa̱m ja myɨguꞌuk na̱xwiiꞌñɨt ja̱a̱ꞌy, jøts jadeꞌen tꞌayoꞌext sa̱m nayɨdeꞌen ja Dios Teety tpadunꞌett, ku ja kyøꞌøm oꞌjkɨn ja ttayikpojkpɨwa̱ꞌa̱ch ja na̱xwiiꞌñɨt ja̱a̱ꞌy. Jaꞌagøjxp ɨdøꞌøn ja amuum ndeetyꞌa̱jtyɨndɨ.

HEBREOS 4:15

Xja̱ꞌgyukaꞌamp adøm ja Jesús midi døꞌøn møjteetyꞌa̱jtp, jaꞌagøjxp ku ja tnɨja̱wɨ sa̱ adøm ndsɨna̱a̱ꞌyɨm ya̱. Pø tøxɨ ja nayɨdeꞌen ja kaꞌøwyɨnma̱a̱ꞌñ yjayikmøꞌøy jøts ja tø tkagupiky, jøts jadeꞌen ja pøky tø tkatuñ.

1 PEDRO 5:7

Tagɨdøkɨdɨ ja Dios tukɨꞌɨyɨ midi mbamaadyɨp mbada̱jtɨp jabɨ jaꞌaxɨ ja tyunkꞌajtpy jøts adøm ja xtsojkɨnt.