MARCOS 3:20 - New Testament in Mixe Tlahuitoltepec

²⁰ jøts ja ja̱a̱ꞌy yikxon ñamyujkɨdɨ jadɨgojk, nɨgɨdiba̱a̱t ja Jesús yꞌukaañɨdɨ møøt ja pyabøjkpɨtøjk.

MARCOS 3:20 ပူးပေါင်းရင်းမြစ်များ

MARCOS 1:45

Xjats ja ja̱a̱ꞌy ñijkxy, jøts ja tukɨꞌɨyɨ ttamɨmadya̱kɨjxy ja mayja̱a̱ꞌy sudso puꞌuts ja wyɨnaty tø ñɨwa̱ꞌa̱chɨyɨ. Paty ja Jesús øy ma̱ kyaꞌuka̱jptøjkɨnɨ, jagam ja wyɨdity ma̱ ja et janch aba̱k; jamts ja øy ma̱gama̱ pøn ñɨdsøøñɨ jøts ja yiknɨnijkxy.

MARCOS 2:1

Ku wyɨnaty kawɨna̱a̱k xøøw tø ña̱jxnɨ, xjats Jesús jadɨgojk kya̱jptøjkɨyɨɨꞌñ jam Capernaum; jøts ja̱a̱ꞌy ja tnɨja̱ꞌwɨdøø ku ja wyɨnaty tø yja̱ꞌa̱ty jam tøjkjotp.

MARCOS 3:19

jøts nay jam ja Judas Iscariote wyɨnatymɨ midi tkøya̱jk ja Jesús. Xjats ku ja Jesús wyɨmbijty kojpkøjxp, wɨnets pyabøjkpɨtøjk ja tmøøtøjkɨyɨɨꞌñ tøjkjøtpy,

MARCOS 3:7

Xjats ja Jesús chøøꞌñ, jøts ja pyabøjkpɨtøjk ja ojts tmøøtnijkxy jam mejyꞌagøꞌøm, wɨnets mayja̱a̱ꞌy ja pyanøjkxɨdøø pøn jam wyɨnaty Galilea kuga̱jpꞌa̱jttɨp.

MARCOS 3:9

Jaꞌagøjxp ja Jesús ojts tꞌaneꞌemy ja pyabøjkpɨtøjk jøts ja jam tyikꞌawejxtɨt tuꞌuk ja ba̱rkɨ, jøts mayja̱a̱ꞌy ja kyaꞌadejmukɨyɨt.

MARCOS 6:31

Xjats Jesús ja tnɨma̱a̱y: ―Mendɨ, wan tja̱a̱ꞌmyɨndɨ pooꞌkxpɨ ma̱ et aba̱k. Jaꞌagøjxp ɨdøꞌøn ja jam jadeꞌen ñøjkxwa̱ꞌa̱ndɨ ku ja mayja̱a̱ꞌy ja myɨyøꞌøwyɨmbityɨdɨ myɨyøꞌøyꞌadɨjyɨdɨ, nɨwɨneꞌenɨn ja yikxon kyakaydɨ kyaꞌuuktɨ.

MARCOS 7:17

Xjats ku ja Jesús tmɨnawya̱ꞌkxøø ja ja̱a̱ꞌy, wɨnets ja tyøjkɨyɨɨꞌñ tøjkjøtpy, japts pyabøjkpɨtøjk ja ojts yiktɨɨyɨ ti jaꞌabɨ madya̱ꞌa̱ky jadeꞌen tyijpy.

MARCOS 9:28

Wɨnets ja Jesús tyøjkɨnɨ tøjkjøtpy, jøts ja pyabøjkpɨtøjk ja yiktøøjɨyøø yɨdeꞌen: ―¿Tigøjxp ku øøts yø mɨkuꞌ tø ngayikpɨdsimy?

LUCAS 6:17

Xjats ja Jesús tmøøtkɨda̱a̱jky ja kyudanaabyɨtøjk, jøts ja tmøøtja̱ꞌjty jap jøyjøtpy nɨdukɨꞌɨyɨ møøt ja pyabøjkpɨtøjk; nay jam wyɨnaty øy pøndɨ pøn jaty tsoꞌondɨp jam Judea, jam Jerusalén, jøts jam mejy agøꞌøm jam Tiro jam Sidón. Jaꞌ ja jam wyɨnaty tø tnɨmendɨ jøts ja tpatmadoꞌodɨt ja Jesús, jøts ja pyama̱a̱ꞌy ja tna̱nkyiktsoꞌokwa̱ꞌa̱ñɨdɨ.