MARCOS 13:21 - New Testament in Mixe Tlahuitoltepec

²¹ ’Pønɨ pøn mdukmadojɨdɨp, pønɨ pøn mnɨma̱a̱jyɨdɨp: “Ejxtɨ, ɨxya̱ døꞌøn ja Cristo”, uk ku myiknøjmɨdɨt “Ejxtɨ, ɨxem ja Cristo tyanɨ”, kidi xmɨbøktɨ.

MARCOS 13:21 ပူးပေါင်းရင်းမြစ်များ

MATEO 24:5

Kumɨ may ja ja̱a̱ꞌy myeꞌendɨt jøts ja jadeꞌen ñadyejɨdɨt jøts ku ja yꞌøtsɨ, yɨdeꞌen ja wya̱ꞌa̱ndɨt: “Øts ɨdøꞌøn Cristo ja yiknɨtsokpɨ”; jøts mayts ja jadeꞌen twɨnꞌøøndɨt ja ja̱a̱ꞌy.

MARCOS 13:20

Jøts ku Dios Teety ja jeexyɨp tø tkaꞌaga̱jpxuky kon ja ayoꞌon, ti pøn xijy jadeꞌen nɨtsoꞌokꞌa̱tp; jøts jaꞌagøjxp Dios Teety ja tø tyikøñ ku ja ttsøky ja yja̱a̱ꞌy pøn ja tø twɨwich.

MARCOS 13:22

Jaꞌ ɨdøꞌøn nøjkx jadeꞌen wa̱ndɨp pøn ñadyijyɨ jadeꞌen sa̱ Cristo sa̱ ja Dios kyugajpxy, pøn ja mɨkuꞌ myøkꞌa̱jtɨn nøjkx tyiktuujnɨdɨp jøts ja nayɨdeꞌen ttuꞌunt sa̱ Diosɨn, yjawɨnꞌøøꞌmba̱a̱twa̱ꞌa̱mp ja nøjkx pøn ø tø nwɨwich.

LUCAS 21:8

Jøts ja Jesús wya̱a̱ñ: ―Øyɨm mnayꞌejxꞌetɨdɨt, jøts kidi mee tø mnɨyja̱jtnɨ ñɨwyɨnda̱a̱yꞌa̱jtk. Kumɨ may ja myeꞌendɨt pøn øts nxøøw nugo nadyanɨka̱jpxɨdɨp ku ja ñøꞌømdɨt: “Cristo øts”; “Tø kyaꞌpxy ja tiempɨ.” Kidits mets ja xpanijkxy jatyɨ.

JUAN 5:43

Ja Dios Teety ø ngudanaapy ku ø nmiñ, jøts meets xkagupiky; kuts myeꞌent jaduꞌuk kyøꞌømdsojkɨngøjxp, mgupøkpts meets ja neꞌegɨ.