MARCOS 12:31 - New Testament in Mixe Tlahuitoltepec

³¹ Jøts jap jaduꞌuk midi ñɨñayjadeꞌen møj, yɨdeꞌen ja wya̱ꞌa̱ñ: “Tsok mmɨguꞌuktøjk, wɨndsøꞌøgɨ mmɨguꞌuktøjk, jadeꞌen xtsokt jøts jadeꞌen xwɨndsøꞌøgɨt sa̱ køꞌøm mnachøkyɨ, jøts sa̱ køꞌøm mnawyɨndsøꞌøgɨyɨ.” Kaꞌap jaduꞌuk kutujk te midi jawaanɨ møj sa̱ ya̱ꞌa̱dɨndɨ.

MARCOS 12:31 ပူးပေါင်းရင်းမြစ်များ

MATEO 22:39

Jøts ñɨñayjadeꞌen ja myɨmajtskpɨ, yɨdeꞌen ja wya̱ꞌa̱ñ: “Jadeꞌen mmɨguꞌuk xtsokt sa̱m køꞌøm mnachøkyɨn.”

MATEO 7:12

’Jadeꞌen ɨdøꞌøn xunꞌettɨt, meets ɨdøꞌøn ja mmɨguꞌuk mwɨndsøꞌøgɨp sa̱m meets ja køꞌøm xjatsøky ja nawyɨndsøꞌøgɨ; kumɨ yøꞌ ɨdøꞌøn ja Moisés kyutujk ñɨꞌaneꞌempy, jøts nayɨdeꞌen wya̱ꞌa̱ñ ja kugajpxtyøjk ja ñøktyɨ.

MARCOS 12:32

Xjats ja ka̱jpxwejpɨtøjk wya̱a̱ñ: ―Wɨndsøn, kaꞌ me mga̱jpxɨgøy. Tɨy janch me mwa̱ꞌa̱ñ jøts ku Dios ja tuꞌugyɨ, ku kaꞌap jaduꞌuk pøn.

LUCAS 10:27

Jøts ja ka̱jpxwejpɨ yꞌadsøøy jøts ja wya̱a̱ñ: ―“Amumjoojt xꞌajotꞌa̱tt ja Dios, ma̱ꞌɨn mꞌanmɨja̱ꞌwɨn ma̱ꞌɨn mwɨnma̱a̱ꞌñ myajada̱ꞌa̱ky jadeꞌen ja xwɨndsøꞌøgɨt; jøts nayɨdeꞌen ja mmɨguꞌuk xpaꞌayoꞌot sa̱m køꞌøm mnabyaꞌayøyɨn.”

GÁLATAS 5:14

Ku ya̱ꞌa̱tpɨ tuꞌuk kutujk nbaduꞌunɨnt, tukɨꞌɨyɨ døꞌøn ja ndejɨnt ja Dios kyutujk yikpadunguixy, midi yɨdeꞌen wa̱mp: “Tsok ja mmɨguꞌuk sa̱mdam meets køꞌøm mnachøkyɨ.”

1 JUAN 4:21

Jøts ja Dios yɨdeꞌen xmøꞌøyɨndɨ ja yꞌanaꞌamɨn: pønɨ pøn ja Dios ttsojkp, nayɨdeꞌen ja myɨguꞌuk ja twa̱ꞌa̱nt ttsokt.