MARCOS 10:18 - New Testament in Mixe Tlahuitoltepec

¹⁸ Xjats ja Jesús wya̱a̱ñ: ―¿Ti jadeꞌen myikwa̱jnɨp ku øts jadeꞌen xnøjmɨ jøts ku øts janchtyimyꞌøyja̱a̱ꞌy? Kaꞌap pøn yꞌøyja̱a̱ꞌyɨ, tuꞌugyɨ Dios yꞌøyɨ.

MARCOS 10:18 ပူးပေါင်းရင်းမြစ်များ

MATEO 19:17

Xjats ja nwɨndsønꞌa̱jtɨm Jesús ja tnɨma̱a̱y: ―¿Tiku ø xnøjmɨ jøts ku ø nꞌøyɨ? Tuꞌugyɨ jaꞌ midi øy, jøts ja Dios ɨdøꞌøn jaꞌ. Pønɨ mba̱a̱twampyts ja jujkyꞌa̱jtɨn xemɨkøjxp, paduujnɨts ja Dios kyutujk.

MARCOS 10:17

Xjats ku ja yja̱a̱kwɨdijty, wɨnets ja ja̱a̱ꞌy ja tuꞌuk putyɨ ñɨmejnøø jøts ja wyɨnguxana̱a̱jyɨ, yɨdeꞌen ja ñɨma̱a̱jyøø: ―Mets øyja̱a̱ꞌy yikꞌɨxpøjkpɨ, ¿ti ø nduꞌump jøts øts nꞌanmɨja̱ꞌwɨn tpa̱a̱tt ja nɨtsoꞌokꞌa̱jtɨn xemɨkøjxp?

MARCOS 10:19

Mnɨja̱ꞌwɨpxɨ døꞌøn ja Dios kyutujk midi nømp: “Kidi mmɨguꞌuk ñɨya̱a̱ꞌy ñɨdøꞌøxy xpøjkxɨ; kidi myikja̱a̱ꞌyꞌøøky; kidi mmeech; kidi mmɨguꞌuk xwɨnda̱a̱yꞌaty; wɨndsøꞌøgɨ mdeety mda̱a̱k.”

LUCAS 18:19

Jøts ja Jesús wya̱a̱ñ yɨdeꞌen: ―¿Ti jadeꞌen myikwa̱jnɨp jøts ku øts øy? Kaꞌap ma̱ pøn tuꞌugɨn yꞌøyɨ sa̱m Dios.

ROMANOS 3:12

Tum ja wenk tuuꞌ tø tpøjknɨdɨ, wɨndɨgøy nɨꞌijtyɨ yja̱ttɨ. Kaꞌ pøn tjotmayꞌaty ja øwyɨnma̱a̱ꞌñ, ok ɨdøꞌøn tuꞌugɨn jaꞌabɨ twɨnma̱a̱ꞌñꞌa̱tt.

SANTIAGO 1:17

tukɨꞌɨyɨ ja øybɨ tsujpɨ midi nmøøtꞌa̱jtyɨndɨp, Dios yø tya̱jkp, tøxɨ ja tpɨkta̱ꞌa̱ky ja ja̱j ja tøøꞌkx jam tsa̱jpwemp. Tuꞌugyɨ jaꞌ, kaꞌap ja tyɨgach.

1 JUAN 4:16

Jadeꞌenꞌampy adøm ja tø nnɨja̱ꞌwaꞌandɨ jøts ku xjanchøjkyɨndɨ xpaꞌayøꞌøyɨndɨ ja Dios. Pø jaꞌaxɨ ejtp tsojkp, pø jaꞌaxɨ ejtp paꞌayoop; pønts ja tsojkɨn yikwɨngaxɨꞌkpy, jaꞌ ja Dios møøtꞌejtɨp.

1 JUAN 4:8

Pøn tkatsojkp tkabaꞌayoop ja myɨguꞌuk, jaꞌats tkidyimyjanchja̱ꞌwɨp ja Dios, kumɨ ejtp ja Dios ttsøky ja ja̱a̱ꞌy, ejtp ja tpaꞌayøy.