MARCOS 1:44 - New Testament in Mixe Tlahuitoltepec

⁴⁴ ―Madow, kidi ja̱a̱ꞌy xukmadøy, kaꞌap pøn sa̱ xnøjmɨt, nøjkx jam teety wyɨndum jøts ja xukꞌext ku tø mdsøꞌøky, jøts nay jam ɨdøꞌøn mdamɨyoxp ja Dios ja jɨyujk sa̱ Moisés jekyɨp tyikutuky, jadeꞌen ja ja̱a̱ꞌy tnɨja̱wɨdɨt jøts ku me tø mjanchøꞌøky.

MARCOS 1:44 ပူးပေါင်းရင်းမြစ်များ

MATEO 8:4

Jøts nwɨndsønꞌa̱jtɨm ja ojts ñɨɨꞌmxyɨ: ―Øyɨm xꞌext, kidi pøn xukmadøy; øy jaꞌayɨ xnɨnøjkxt ja teety jaꞌ, jaꞌayɨ mꞌatspa̱a̱tp jøts ja myøxy jaꞌayɨ xpɨkta̱ꞌa̱kt midi ja Moisés ojts tnɨꞌaneꞌemy, jøts ja ja̱a̱ꞌy tꞌejxtɨt jøts ku tø mdsøꞌøky.

MARCOS 1:43

Wɨnets ja Jesús ja pyagajxøø, yikxon ja yꞌukyikꞌaneꞌemy, yɨdeꞌen ja tnɨma̱a̱y:

LUCAS 17:14

Kuts ja tꞌejxpa̱a̱jty jøts ja tnɨma̱a̱y: ―Nøjkx xꞌatsꞌejxtɨ ja teetyøjktɨ. Xjats ja jatyɨ ñøjkxtøø, jamnɨm ja wyɨnaty ña̱xtɨ ku ja tsøꞌøky ñayja̱ꞌwɨnɨyɨdɨ.

LUCAS 5:14

Xjats ja Jesús møkꞌampy tnɨma̱a̱y ja ja̱a̱ꞌy jøts kidi ja pøn ttukmadøy. Yɨdeꞌen ja tnɨma̱a̱y: ―Jamyɨ døꞌøn mnøjkxt jam teety wyɨndum, jamts xpɨkta̱ꞌa̱kt ja myojxɨn midi ja Moisés ñɨꞌanaꞌam, jaꞌagøjxp ku tø wya̱ꞌa̱ch ja mbuꞌuts. Jadeꞌents ja ja̱a̱ꞌy ja tꞌejxtɨt tnɨja̱wɨdɨt jøts ku tø mdsøꞌøky.

HECHOS 23:22

Wɨnets ja mixy ja wɨndsøn yꞌanaꞌamɨyøø jøts ku kaꞌap pøn ttukmadoꞌot, xjats jadeꞌeñɨ møøt ñawya̱ꞌkxøø.

ROMANOS 15:4

Pø jaꞌagøjxpxɨ ja Dios ja kyajpxy tna̱nkyja̱jyøø jøts adøm ja nnɨja̱ꞌwaꞌan ti jaty ja ñɨgajpxpy ja yꞌɨxpøjkɨn, jaꞌats adøm ja xmøꞌøyɨmp ja ka̱jpxjotꞌamøkɨ jøts tuda̱ꞌa̱ky ngupøjkɨndɨt o ti ayoꞌon, jøts tuꞌugyɨ ja awejxꞌa̱jtɨn yikmøøtꞌa̱tt ku yikpa̱a̱tt ja xemɨkøjxpɨt jujkyꞌa̱jtɨn.

1 CORINTIOS 10:11

Adømgøjxp ɨdøꞌøn jadeꞌen ja møja̱a̱ꞌdyøjk yja̱jttøø kyubattøø, jøts nay adømgøjxp ojts jaabyety jadeꞌen tyañ jøts yø nꞌejxpajtꞌa̱jtɨnt jøts jadeꞌen ngadsɨna̱a̱ꞌyɨnt sa̱m ja chɨnaadyøø ɨxa ja nwɨndsønꞌa̱jtɨm Jesucristo wyɨngonɨ ja tyɨɨdyuꞌunɨn xøøw.