MARCOS 1:2 - New Testament in Mixe Tlahuitoltepec

² Yɨdeꞌen ja yꞌejxɨ tyɨyɨ tø døꞌøn ja Dios wyɨnaty køꞌøm tnɨmaañɨ ja kyugajpxy Isaías, jøts ja yɨdeꞌen tjaadya̱ꞌa̱nt ja ayuujk ku ja Dios Teety ja yꞌuꞌnk yɨdeꞌen tnɨma̱a̱y: Ngajxjawyeenɨp øts, uꞌnk, ngugajpxy tuꞌuk pøn nøjkxp jawyeen kugajpxyꞌa̱jtpɨ, jaꞌats ja na̱xwiiꞌñɨt ja̱a̱ꞌy tnøjmɨp, jøts wan ja tyiktøwdɨ tyiktuuda̱ꞌa̱ktɨ ja wyɨnma̱a̱ꞌñ, jøts mets ja mꞌɨxpøjkɨn jadeꞌen yikupøkt.

MARCOS 1:2 ပူးပေါင်းရင်းမြစ်များ

MATEO 11:10

Ja Juan ɨdøꞌøn jadeꞌen yiknɨga̱jpx ku wya̱ꞌa̱ñ Dios kyajpxy yɨdeꞌen: Ngajxjawyenɨp øts, uꞌnk, ja ngugajpxy tuꞌuk, jøts ja ja̱a̱ꞌy ja wyɨnma̱a̱ꞌñ ja tyiktøøjɨt tyiktuuda̱a̱jkɨt, jøts mets ja mꞌɨxpøjkɨn yikjøpꞌext.

MATEO 2:5

Xjats ja tnɨmaadyøø: ―Jam Judeɨt etjotp ma̱ ka̱jp jam txøøwɨ Belén; pø yɨdeꞌenɨmxɨ ja Dios kyugajpxy jekyɨp tjaadyañ:

MATEO 26:24

Janch ja̱jtp øts ɨnet ɨxya̱m jadeꞌen sa̱m ja Dios kyajpxy wya̱ꞌa̱ñ. ¡Yjanch ayøøy ja ja̱a̱ꞌyuꞌnk pøn xꞌukøya̱jkꞌooꞌkp! Neꞌegɨ tyimdyøøbɨk jeexyɨp ku jeexyɨp kyɨdyimgyeꞌexy.

MATEO 26:31

Jamts ja nwɨndsønꞌa̱jtɨm Jesús ja ojts ñɨɨꞌmxyɨdɨ: ―Kuwa̱nɨ meets ɨnet xmajtstutkøxt ya̱ꞌa̱tpɨ koots; pø yɨdeꞌenxɨ jap nøkyɨjxpy wya̱ꞌa̱ñ: “Nyikꞌookp øts ja borreegɨ ejxpɨ, wan ja byorreek jadiꞌiñɨ tyøꞌøwyaꞌkxy.”

LUCAS 1:70

Jadeꞌen sa̱ ja Dios Teety jawyeenɨp ojts ttuknɨgajpxy ja kyugajpxy,

LUCAS 1:76

Jøts mets uꞌnk, mets ja Dios tsa̱jpjøtpyɨt mgugajpxyꞌa̱tɨyɨp, kumɨ mets ja ja̱a̱ꞌy wyɨnma̱a̱ꞌñ ja myiktøøjɨp myiktuuda̱a̱jkɨp jøts ja nwɨndsønꞌa̱jtɨm yikjøpꞌext,

LUCAS 18:31

Xjats ja Jesús abiky tya̱a̱jxɨyɨɨꞌñ ja nɨmakmajtskpɨ pabøjkpɨtøjk, jøts ja tnɨma̱a̱y: ―Ya̱mnɨmts ɨnet jam Jerusalén nnøjkxɨndɨt, ma̱ jadeꞌen yja̱tt sa̱ jaty ja kugajpxtyøjk tjaadya̱ndøø jøts ja tnɨga̱jpxtɨ ti ø nduꞌump, ti nba̱a̱tp.