LUCAS 7:29 - New Testament in Mixe Tlahuitoltepec

²⁹ Jøts ku ja ja̱a̱ꞌy nɨꞌijtyɨ jadeꞌen tmadoodøø pøn jaty wyɨnaty tø yiknøbetyɨdɨ ja Juan, nayɨdeꞌen ja yikugubajtpɨdɨ, jøts ja tjanchmɨbøjktøø ja Dios jøts kudam ja kaꞌap jadeꞌen mɨba̱a̱t wyɨnmaamya̱ꞌa̱ty;

LUCAS 7:29 ပူးပေါင်းရင်းမြစ်များ

MATEO 5:46

Kuts meets jaꞌayɨ møøt mnamyayɨ pøn mee mmɨyujyꞌa̱jtɨp, ¿tits ja jadeꞌen ñɨwya̱ꞌa̱nt, ti mayꞌa̱jt meets ja jadeꞌen myiktagumøyɨp? Pøn ja jadeꞌen tkaja̱jtp, yikugubajtpɨ pa̱a̱t ja jadeꞌen ttuñ.

LUCAS 20:6

Jøts kuts ɨnet yø njanɨma̱ꞌa̱myaꞌandɨt jøts ku ja ya̱a̱yɨ jadeꞌen yiktanɨgutujkꞌaty, tsojk ɨnet yø ja̱a̱ꞌy xjanchka̱ꞌtspaꞌoꞌjkɨndɨt, kumɨ wa̱ꞌa̱ts yø tnɨja̱wɨdɨ jøts ku ja Juan ja Dios kyexyɨ.

LUCAS 3:12

Wɨnets ja yikugubajtpɨdɨ myemɨdɨ jam nøbajtpɨ, jøts ja Juan yikꞌamɨdøøy: ―Wɨndsøn, jøts øøts, ¿ti øø nduꞌump?

LUCAS 7:28

Ndukmadoodɨp ɨxya̱m jøts ku nɨ ma̱dsoo kaꞌap pøn jadeꞌen pyɨdsimñɨm ja Dios kyugajpxy sa̱m yø Juan Bautista; pønɨ pønts øts njaꞌ xpaduujnɨp jøts ku tyøkɨ ma̱ øts ngutujk ndanɨtanɨt ja nja̱a̱ꞌy, jaꞌats neꞌegɨ møj yikpɨkta̱kp jøts nɨkaꞌap ja Juan Bautista.

LUCAS 7:35

Pønɨ pønts ja Dios yjaꞌ tkupøjkɨp, jaꞌats tja̱ꞌgyukɨp sa̱m ja Dios yjaꞌ ttsøkyɨn.

HECHOS 18:25

Tø ja wyɨnaty tꞌɨxpiky ja Dios kyajpxy ma̱ wya̱ꞌa̱ñ jøts ku ja nwɨndsønꞌa̱jtɨm tsojk myeenwa̱ꞌa̱ñ ya̱ na̱xwiiñ. Jaꞌayɨ ɨxpøjkɨn ja ñɨgajpxpy sa̱ Juan Bautista ojts yikꞌɨxpiky, jøts tigøjxp ku ja̱a̱ꞌy ja tyiknøbejty.

HECHOS 19:3

Wɨnets ja Pablo jadɨgojk tyiktɨɨy: ―¿Sudsoꞌampyts ojts mnøbattɨ? Xjats ja tꞌadsojɨmbettøø: ―Jadeꞌen øø nnøbejty sa̱mɨ Juan Bautista ja ja̱a̱ꞌy tyiknøbejty.

ROMANOS 10:3

Kaꞌ tnɨja̱wɨdɨ sudso Dios tkupiky ja̱a̱ꞌy; kyøꞌømgutujk jaꞌ yiktundɨp, jaꞌ ja tijy tagupøkɨdɨp ja Dios, nɨ tkamøjpɨkta̱ꞌa̱ktɨ jaꞌ midi Dios ja tagupøkɨdɨp.

APOCALIPSIS 15:3

Jøts ja tꞌøwdɨ ja møja̱a̱ꞌy Moises yꞌɨɨy pøn ja Dios kyugajpxyꞌa̱jt, jøts ja tꞌøømɨdɨ ja Borreek Uꞌnk yjaꞌ, midi nømp: Tuꞌugyɨ me Dios Teety ja møkꞌa̱jtɨn xjagyepy. Jøts midi tø xyikꞌøyɨ, janch øy janch tsuj jøts kamɨda̱a̱bya̱a̱dyɨm; janch tɨyꞌa̱jtɨn jaꞌ midi mdumpy midi mbɨktakpy, jøts xnɨdeetyꞌaty xnɨmøja̱a̱ꞌyꞌaty ja na̱xwiiꞌñɨt ja̱a̱ꞌy.

APOCALIPSIS 16:5

Wɨnets nmadøøy ja a̱nkɨlɨs midi tnɨwɨndsønꞌa̱jtp ja nøø ku wya̱ꞌa̱ñ: ―Me Dios Teety, tɨyꞌa̱jtɨn ku jadeꞌen xuñ. Janch øy janch wa̱ꞌa̱ts mets, jøts xemɨkøjxp me mꞌity,