LUCAS 5:33 - New Testament in Mixe Tlahuitoltepec

³³ Xjats ja tɨɨbyøjktøø ja Jesús jøts ja tnɨmaadyøø: ―¿Tiku yø mbabøjkpɨtøjk janch nekɨm kyaydɨ tyojkxtɨ, jøts yø Juan yjaꞌ yjanchꞌama̱a̱yꞌa̱ttɨ møøt yø fariseotøjktɨ? Nɨ kyakaydɨ kyajøøꞌkxtɨ, janch tsa̱pka̱jpxꞌejttɨp yøꞌ.

LUCAS 5:33 ပူးပေါင်းရင်းမြစ်များ

MATEO 23:13

’¡Ti jadeꞌen mnadyatuujnɨdɨp meets ka̱jpxwejpɨtøjktɨ meets fariseotøjktɨ, wɨneꞌenɨn wɨnꞌøøꞌndsøønɨdɨ! Meets ja mꞌaga̱jpxujkpy jøts mmɨguꞌuk xkaduktatøkɨwya̱ꞌa̱ndɨ ja Dios kyutujk. Jøts kaꞌats køꞌøm mdøkɨdɨ, jøts nɨkaꞌ xyiktøkɨwya̱mɨdɨ pøn ja tsojkɨn tjajagyajp.

MARCOS 12:40

jøts jaꞌ ja kuꞌøktyøꞌøxyøjk pyøjkɨdɨp ja myeeñ, jøts ja jatyɨ tkuꞌøøꞌndɨ, ñadyijyɨ ja øy Diosꞌajotꞌa̱ttɨ. Janch møk ja nøjkx tkuꞌayowɨdɨ ku jadeꞌen yꞌadøꞌøtstɨ.

LUCAS 11:1

Xjats ɨdøꞌøn ja Jesús jam ja wyɨnaty ja Dios Teety tꞌajotꞌaty, jøts ku ja yꞌaba̱jtɨyɨɨꞌñ, wɨnets ja pyabøjkpɨtøjk ja nɨduꞌugɨn ñɨma̱a̱jyøø: ―Wɨndsønꞌa̱jtɨm, tukja̱jtk øøts ja Diosꞌajotꞌa̱jtk, ti sa̱ ja Juan ttukja̱jty ja Diosꞌajotꞌa̱jtk ja pyabøjkpɨtøjk.

LUCAS 18:12

Majtsk ojk me nꞌama̱a̱yꞌaty tuksama̱a̱n, ngagugayɨ ngaguꞌuugɨ mets, jøts ndamɨyøjxpy mets nbɨkta̱ꞌa̱ky wan jaty ti jaty ø nbatpy nꞌijxpy.”

LUCAS 2:37

Maktaꞌpxy myakta̱xk jumøjts ja wyɨnaty, jøts ejtpts ɨdøꞌøn ja jap tsa̱ptøjkjøtpy tmɨduñ ja Dios xɨnaxy tsunaxy, yꞌama̱a̱yꞌajtpy ɨdøꞌøn jaꞌ, kaꞌap ja tkugayɨ tkuꞌuugɨ, ejtp Dios ja tꞌajotꞌaty.

LUCAS 20:47

Nayøꞌøxɨ kuꞌøktyøꞌøxy ja pyɨkta̱ꞌa̱ky tpøjkxɨdɨp jøts ñadyijyɨ ñadyagubøjkyɨdɨ ja Diosꞌajotꞌa̱jtɨn. Ja ti pøn jaꞌ, ja ti pøn ñadyijyɨ jekyꞌampy tsa̱pka̱jpxtɨp, nayøꞌøxɨ jaꞌadɨ pøn kaꞌ ti tyiknɨgaxøꞌøktɨ, ñadyijyɨ øy ja̱a̱ꞌyꞌa̱ttɨ. Yø yjadeꞌembɨ ja̱a̱ꞌyts ɨdøꞌøn Dios møj yikꞌayoꞌop.

LUCAS 5:32

Kidi jaꞌajɨpts ø tø nnɨmiñ pøn nɨwɨneꞌen kanabyøkyja̱ꞌwɨyɨdɨp. Jaꞌ ø tø nnɨmiñ pøn tja̱ꞌwɨdɨp ja pyøky jøts ku ja pyøkmyøødɨdɨ, jøts tyiktɨga̱tstɨt ja chɨna̱a̱ꞌyɨndɨ.

LUCAS 5:34

Wɨnets ja Jesús tꞌadsøøy: ―¿Ma̱ meets jadeꞌen tø xꞌuknɨja̱wɨ jøts ku tøꞌøxy ñɨgaabyɨ tøꞌøxy ñɨꞌukpɨ wɨnet yꞌama̱a̱yꞌa̱ttɨ wɨnet kyakaydɨ kyaꞌuuktɨ ku ja jemya̱a̱ꞌy jamnɨ?

JUAN 1:35

Xjats ku kyɨmjabomꞌa̱jty, ɨxam ja Juan wyɨnaty køjmyɨ møøt namajtsk pyabøjkpɨ.

JUAN 3:25

Jøts nay wɨnet ja Juan pyabøjkpɨ wɨna̱a̱gɨn tnadyamɨgajpxyɨdɨ møøt ja myɨguꞌuk israelɨt ja̱a̱ꞌdyɨ, jaꞌ ja tnadyamɨga̱jpxɨyɨdɨp sa̱ ja pøky wya̱ꞌa̱ch.

HECHOS 9:11

Xjats nay jatyɨ ñɨma̱a̱jyøø: ―Pɨdøꞌøk jøts mnøjkxt ma̱ ja tuuꞌ yiktijy Tɨɨdyuuꞌ, jøts ku jam mja̱ꞌa̱tt Judas tyøjkwɨndum, jamts xyiknɨdøøwɨt ja Tarsɨt ja̱a̱ꞌy midi txøøwꞌa̱jt Saulo. Diosꞌajotꞌa̱jtp ɨnet ja jam,