LUCAS 22:70 - New Testament in Mixe Tlahuitoltepec

⁷⁰ Wɨnets ja nɨdukɨꞌɨyɨ wya̱ndøø, nɨdukɨꞌɨyɨ ojts yiktɨyɨ: ―¿Janch mets ɨdøꞌøn Dios Uꞌnk? Jøts Jesús yꞌadsøøy, yɨdeꞌen ja tnɨma̱a̱y: ―Øts ɨdøꞌøn jaꞌ, nagyøꞌøm meets ɨxa jadeꞌen tø mwa̱ꞌa̱ñ.

LUCAS 22:70 ပူးပေါင်းရင်းမြစ်များ

MATEO 26:25

Wɨnets ja Judas ojts kyajpxy, pøn ɨdøꞌøn wyɨnaty køya̱kwa̱jnɨp, jøts ja wya̱a̱ñ: ―Wɨndsøn, ¿ti wan ja ndejɨn yꞌøtsɨ? Jøts nwɨndsønꞌa̱jtɨm Jesús ja tꞌadsøøy: ―Paty mets.

MATEO 26:64

Jøts ja nwɨndsønꞌa̱jtɨm Jesús ja tnɨma̱a̱y: ―Øts jaꞌ, sa̱m ɨxa tø mwa̱ꞌa̱ñɨn. Jøts nayɨ ndukmadoodɨp ɨxya̱m jøts ku ø xꞌejxtɨt ku nꞌɨxa̱ꞌa̱kt jam Dios Teety kyutujkta̱a̱jk jøpꞌa̱m.

MATEO 27:11

Jøts ɨdøꞌøn ja nwɨndsønꞌa̱jtɨm Jesús ja ja̱a̱ꞌy yiknøjkxɨyɨ jam øyikutujkpɨ wyɨngujkp, jøts ja yɨdeꞌen tyɨɨbyøjkɨyɨ: ―¿Mets ɨdøꞌøn israelɨt ja̱a̱ꞌy mjanchnɨwɨndsønꞌajtpy? Jøts ja nwɨndsønꞌa̱jtɨm Jesús yɨdeꞌen tnɨma̱a̱y: ―Janch jadeꞌen ɨdøꞌøn jaꞌ, sa̱m ɨxa tø mwa̱ꞌa̱ñɨn.

MATEO 27:43

Pø Diosxɨ yꞌajoojtɨp; wants ɨnet ɨdøꞌøn tꞌukpɨdøkɨyɨ jøts kyayikꞌoogɨt, pønɨ janch ku ja yjanchøkyɨ; tøxɨ yø køꞌøm wya̱ꞌa̱ñ jøts ku yø Dios Uꞌngɨ.

MATEO 27:54

Xjats ku døꞌøn ja capitán pøn jaty ja jam wyɨnaty møøt tꞌejxꞌity ja nwɨndsønꞌa̱jtɨm Jesús, ku ja ojts tꞌejxtɨ jøts ku ja ujx ñaxy jøts tukɨꞌɨyɨ sa̱ jaty ojts yjaty, jøts ja yjadyimchøꞌjkɨdøø, yɨdeꞌen ja wya̱ndøø: ―Janch jaꞌ tam yø ja̱a̱ꞌy tø yꞌity, ja Dios Uꞌnk.

MATEO 3:17

Wɨnets ja Dios Teety yꞌayuujk yikmadøøy, yɨdeꞌen ja jap tsa̱jpjøtpy wya̱ꞌa̱ñ: ―Ya̱ꞌa̱t øts ɨdøꞌøn nꞌUꞌnkꞌajtpy, yøꞌ øts ɨdøꞌøn ndsøkyꞌajtpy, njantyajotkujkꞌajtpyts øts yøꞌ.

MATEO 4:3

Wɨnets mɨkuꞌ ja jam ñɨmeejnɨ jøts ja yikpøktyunwa̱ꞌa̱ñɨ, yɨdeꞌen ja ojts ñɨꞌɨmxyɨ: ―Pønɨ janch ku me mjanchdiosuꞌngɨ, yiktsa̱pkaakyja̱t yø tsa̱a̱.

MARCOS 14:62

Xjats ja Jesús yꞌadsøøy jøts ja wya̱a̱ñ: ―Øts ɨdøꞌøn jaꞌ. Øts ɨdøꞌøn ja na̱xwiiꞌñɨt ja̱a̱ꞌy nmøjkudanaabyɨꞌajtpy, jøts xꞌejxtɨp meets ku nꞌɨxa̱ꞌa̱kt aga̱ꞌñꞌampy ma̱ Dios Teety, jøts ku nayɨdeꞌen ø nmeꞌent yoots agujkpy jap tsa̱jpjøtpy.

MARCOS 15:2

Xjats ja Pilato tnɨma̱a̱y ja Jesús: ―¿Janch mets ɨdøꞌøn wɨndsønꞌa̱jtp ya̱ israelɨt ja̱a̱ꞌy yꞌetjøøjty? Wɨnets ja Jesús yꞌadsøøy jøts ja wya̱a̱ñ: ―Øts jaꞌ.

LUCAS 22:71

Jøts ja wya̱ndøø: ―¿Ti ejxpɨ ti nɨja̱ꞌwɨbɨ ja̱a̱ktsojkɨyɨp? Tøxɨ adøm yø ya̱m køꞌøm ndyimyadøꞌøyɨn sa̱ yø køꞌøm wya̱ꞌa̱ñ.

LUCAS 23:3

Xjats Pilato ja tyiktɨɨy: ―¿Janch mets ɨdøꞌøn israelɨt ja̱a̱ꞌy mnɨwɨndsønꞌajtpy? Wɨnets ja Jesús yꞌadsøøy jøts ja wya̱a̱ñ: ―Janch øts jaꞌ, kaꞌ me nugo mwa̱ꞌa̱ñ.

LUCAS 4:41

Nay jamts ja wɨna̱a̱gɨnmɨdɨ pøn ja mɨkuꞌ ttawa̱jtsɨdøø nayɨdeꞌen, jøts ja yjanchnømdɨ møk: ―Dios Uꞌnkxɨ mets. Jøts Jesús ja møk twɨnguga̱jpxɨyɨɨꞌñ, kaꞌap ja tyikjaty jøts ja kya̱jpxtɨt, pø ñɨja̱a̱ꞌwɨdɨpxɨ jaꞌ jøts ku jaꞌ Cristo.

JUAN 1:34

Tøts ø nꞌixy, jøts øts testigɨ jøts ku yøꞌ Dios Uꞌngɨ.

JUAN 1:49

Wɨnets ja Natanael wya̱a̱ñ: ―Wɨndsøn, mets ɨdøꞌøn Dios Uꞌnk, jøts mets ɨdøꞌøn mnɨwɨndsønꞌajtpy israelɨt ja̱a̱ꞌy.

JUAN 10:30

Øts møøt Dios Teety tuꞌugyɨ øøts.

JUAN 10:36

Jøts kuts øts Dios tø xwɨwich abiky, jøts øts ja ya̱ tø xkexy na̱xwiiñ, ¿sudsots meets jadeꞌen mwa̱ꞌa̱ñ jøts ku øts ja tø nmɨga̱jpxɨgøy, ku tø nwa̱ꞌa̱ñ jøts ku ø nDios Uꞌngɨ?

JUAN 18:37

Wɨnets ja Pilato ja ojts ñɨɨꞌmxyɨyɨ: ―¿Jøts mjanchwɨndsøn mets ɨdøꞌøn? Jøts nwɨndsønꞌa̱jtɨm Jesús ja tꞌadsøøy: ―Jaꞌ øts sa̱ ɨxa mwa̱ꞌa̱ñ, wɨndsøn øts. Tø ø ngaxɨꞌɨky ku øts ya̱ na̱xwiiñ tø nmiñ jøts ø nnɨga̱jpxt ti tɨyꞌa̱jtɨnꞌa̱jtp, ti janchꞌa̱jtɨnꞌa̱jtp. Pøn jaty ja xmɨmadoodɨp, xmadojɨdɨpts øts njaꞌ jaꞌ sa̱ jaty ø nwa̱ꞌa̱ñ.

JUAN 19:7

Yɨdeꞌen ja israelɨt ja̱a̱ꞌy ja yꞌadsoojɨyøø: ―Jap øøts tuꞌuk ja kutujk nmøødɨ, jøts jadeꞌen ja tyikutuky jøts wan tꞌøøky, jaꞌagøjxp ku yø tø ñabyɨkta̱ꞌa̱gyɨ Dios Uꞌngɨn.