LUCAS 18:28 - New Testament in Mixe Tlahuitoltepec

²⁸ Jøts ja Pedro wya̱a̱ñ: ―Wɨndsønꞌa̱jtɨm, tøts øøts nbɨkta̱ꞌa̱ky tukɨꞌɨyɨ nmajtstutkixy ti jaty øøts yꞌijty nmøøtꞌajtpy, ɨxya̱ts øøts jadeꞌen nwɨdity møøt mets.

LUCAS 18:28 ပူးပေါင်းရင်းမြစ်များ

MATEO 19:27

Xjats ja Pedro tyiktɨɨy: ―Wɨndsønꞌa̱jtɨm, tø øø tukɨꞌɨyɨ nꞌɨxma̱jtskixy ti jaty øøts yꞌity njagyejpy, jøts øø tø ndsøøñ jøts me myikpawɨdity. ¿Tits øøts ɨdøꞌøn nba̱a̱tp, ti øøts ɨdøꞌøn nbøkp?

MATEO 9:9

Xjats ja nwɨndsønꞌa̱jtɨm Jesús jam ojts chøøñ, jøts ja ojts tꞌejxpa̱a̱ty tuꞌuk ja ja̱a̱ꞌy pøn txøøwꞌa̱jtp Mateo, jam ja wyɨnaty chøønɨ ma̱ ja yikugubajtpɨ yꞌɨxa̱ꞌa̱ktɨ, jøts ɨdøꞌøn ja tnɨma̱a̱y: ―Mada̱ꞌa̱k, møøt wɨdetk øts. Wɨnets ja Mateo tyanaagyukɨyɨɨꞌñ, jøts ja ojts pyadsøøñɨyɨ.

MARCOS 10:28

Wɨnets ja Pedro kya̱jpxøjkɨyɨɨꞌñ jøts ja wya̱a̱ñ: ―Tø øø tukɨꞌɨyɨ nmajtstutkixy ja nbɨkta̱ꞌa̱ky, jøts ɨxya̱m øøts ɨdøꞌøn jadeꞌen nwɨdity mets møøt.

LUCAS 5:11

Jøts ja bya̱rkɨ ja jam nøøbaꞌa̱m tyikja̱ꞌa̱ttøø, jøts ja jamyɨ tnɨkakøjxtøø tukɨꞌɨyɨ, jøts ja tmøødɨdøø ja Jesús.

JUAN 19:27

Jøts ja pyabøjkpɨ ja tnɨmaamyɨ: ―Ɨxa ja mda̱a̱k. Jøts nay jatyɨ jaꞌabɨ pabøjkpɨ tta̱a̱kpɨjky midi ja nwɨndsønꞌa̱jtɨm Jesús tya̱a̱gɨp, jøts ja jadeꞌen yikjagyepy sa̱m kyøꞌømda̱a̱gɨn.

FILIPENSES 3:7

Midiꞌits øts yꞌijty jadeꞌen nmøja̱ꞌwɨp, jadeꞌen øts yø ɨxya̱m nja̱ꞌwɨñɨ jøts ku kaꞌ ma̱ tyuñ, jaꞌagøjxp ku øts ja nwɨndsønꞌa̱jtɨm Jesucristo tø nnɨja̱ꞌwɨyɨ ja pyaꞌayoꞌowɨn.