JUAN 6:69 - New Testament in Mixe Tlahuitoltepec

⁶⁹ Tøts øøts yø njanchja̱ꞌwɨñɨ jøts nnɨja̱ꞌwɨp øøts jøts ku me Cristo, ja Dios Uꞌnk, midi jujky midi kunuuꞌkxy.

JUAN 6:69 ပူးပေါင်းရင်းမြစ်များ

MATEO 16:16

Xjats ja Simón Pedro tꞌadsøøy: ―Ja yiknɨtsokpɨ mets, ja Cristo, ja Dios Uꞌnk.

MARCOS 1:1

Yɨdeꞌen yiknɨmadya̱kꞌokwa̱a̱ñ ja øgyajpxy ja ømyadya̱ꞌa̱ky midi ja nwɨndsønꞌa̱jtɨm Jesucristo yjaꞌajtpy, ja Dios Uꞌnk.

MARCOS 1:24

―¿Mets Jesús, Nazaretɨt ja̱a̱ꞌy, tiku øø tø xnɨmiñ, sa̱ øø xunwa̱ꞌa̱ñ? ¿Jaꞌ mets tø xnɨmiñ jøts øø xyikudɨgøøgyøxt? Wa̱ꞌa̱ts me nꞌejxkapy pønɨ pøn mets. Kaꞌaxɨ me mbøkmyøødɨ, Dios ja̱a̱ꞌyxɨ mets.

MARCOS 8:29

Xjats ja køꞌøm ja Jesús yiktøøjɨdøø yɨdeꞌen: ―Jøts meets, ¿Sa̱ meets mꞌukwa̱ꞌa̱ñ, pøn øts ɨdøꞌøn? Wɨnets ja Pedro yꞌadsøøy jøts ja wya̱a̱ñ: ―Ja yiknɨtsokpɨ mets, ja Cristo.

LUCAS 9:20

Jøts ja tja̱a̱kyiktɨɨy: ―Jøts meets, ¿sa̱ mee mwa̱ꞌa̱ñ, pøn øts yja̱wɨ? Jøts ja Pedro wya̱a̱ñ: ―Cristoxɨ mets, ja yiknɨtsokpɨ, ja Dios Uꞌnk.

JUAN 1:29

Xjats ku kyɨmjabomꞌa̱jty wɨnets ja Juan ojts tꞌixy ja nwɨndsønꞌa̱jtɨm Jesús ku ja jam wyɨnaty ñɨmiñɨyɨ, jøts ja Juan wya̱a̱ñ: ―Ejxtɨ, yøꞌ ɨdøꞌøn jadeꞌen ja̱twa̱mp kubatwa̱mp sa̱m ja borreek uꞌnk yikyøxyɨn adøm nbojkpɨ køjxp, jøts yøꞌ na̱xwiiꞌñɨt ja̱a̱ꞌy tyikpøkwya̱ꞌtsp.

JUAN 1:41

Jøts ja Andrés tyimñayjatyɨ ja ojts tꞌatsꞌɨxa̱ꞌa̱y ja yꞌa̱jch Simón, jøts ja ojts tꞌatsnøjmɨ: ―Tø øøts ja Mesías nba̱a̱ty midi Dios kyejxpy, midi Cristo yiktejp.

JUAN 10:36

Jøts kuts øts Dios tø xwɨwich abiky, jøts øts ja ya̱ tø xkexy na̱xwiiñ, ¿sudsots meets jadeꞌen mwa̱ꞌa̱ñ jøts ku øts ja tø nmɨga̱jpxɨgøy, ku tø nwa̱ꞌa̱ñ jøts ku ø nDios Uꞌngɨ?

JUAN 11:27

Jøts ja tnɨma̱a̱y: ―Wɨndsønꞌa̱jtɨm, njanchja̱ꞌwɨp øts. Ndyimyjanchja̱ꞌwɨp øts ku me mCristo, ja Dios Uꞌnk, midiꞌiyɨp ɨdøꞌøn yꞌity ya̱ na̱xwiiñ menwa̱mp.

JUAN 20:28

Xjats ja Tomás yꞌadsøøy jøts ja wya̱a̱ñ: ―¡Mets nwɨndsønꞌajtpy ndiosꞌajtpy!

JUAN 20:31

Jaꞌagøjxp ya̱ꞌa̱t jap jadeꞌen tø yikujayɨ, jøts xɨyja̱wɨdɨt xjanchja̱wɨdɨt jøts ku jaꞌ yiknɨtsøꞌøky, jøts ku jaꞌ Cristo ja nwɨndsønꞌa̱jtɨm Jesús, ja Dios Uꞌnk. Jøts ku ja xjanchja̱wɨdɨt, mba̱a̱tpts meets ja jujkyꞌa̱jtɨn xemɨkøjxp sa̱m pya̱a̱tꞌatyɨdɨ pøn tjanchja̱ꞌwɨyɨdɨp.

HECHOS 8:36

Xjats ku ja jadeꞌen yøꞌødyɨ, wɨnets ja møj nøø tpa̱a̱ttøø, jøts ja Etiopiɨt ja̱a̱ꞌy wya̱a̱ñ: ―Ɨxa̱ts ja nøø yja̱wɨ, ¿ti kidi ndejɨnt yꞌøyɨt ku nnøbatt?

ROMANOS 1:3

jøts tnɨgajpxy ja Dios Uꞌnk pøn nwɨndsønꞌa̱jtɨm Jesucristoꞌa̱jtp. Ku ja tnɨga̱jpxɨ ja yja̱a̱ꞌyꞌa̱jtɨn ja ña̱xwiiñꞌa̱jtɨn, ja rey David ɨdøꞌøn ja yꞌa̱pteetyꞌajtpy;

EFESIOS 4:13

jøts kunɨm adøm ja yikxon nɨꞌamukɨ nɨꞌaga̱ꞌpxɨ nnɨja̱ꞌwaꞌandɨt ja Dios Uꞌnk janchja̱ꞌwɨngøjxp. Wɨnetnɨmts ja nwɨnma̱a̱ꞌñ myøkta̱a̱jkɨndɨt jøtsnɨm ɨdøꞌøn iiy nayɨdeꞌen nduꞌunɨnt sa̱m ja Cristo.

1 JUAN 4:16

Jadeꞌenꞌampy adøm ja tø nnɨja̱ꞌwaꞌandɨ jøts ku xjanchøjkyɨndɨ xpaꞌayøꞌøyɨndɨ ja Dios. Pø jaꞌaxɨ ejtp tsojkp, pø jaꞌaxɨ ejtp paꞌayoop; pønts ja tsojkɨn yikwɨngaxɨꞌkpy, jaꞌ ja Dios møøtꞌejtɨp.

1 JUAN 5:1

Pøn jaty tjanchja̱ꞌwɨdɨp ku ja Jesús yikejxy ya̱ na̱xwiiñ yiknɨtsokpɨ, jaꞌats ja Dios Teety uꞌnkꞌa̱jtɨyɨdɨp; pønɨ chojktɨp tam ja Dios Teety jadeꞌen, nayɨdeꞌents ɨdøꞌøn ja ttsojktɨt tpaꞌayoꞌodɨt pøn jaty ja Dios Teety yꞌuꞌnkꞌajtpy.

1 JUAN 5:20

Jøts nay yiknɨja̱ꞌwɨp jaꞌ ku ja Dios Uꞌnk tø xnɨmiiꞌñɨndɨ, jøts ja tø xuknɨja̱ꞌwandɨ midi tuꞌugyɨ ndiosꞌa̱jtyɨndɨp. Jaꞌ tuꞌugyɨ møøt nꞌijtyɨndɨ ja yꞌUꞌnk Jesucristo. Jaꞌats ɨdøꞌøn tuꞌugyɨ ndiosꞌa̱jtyɨndɨp, jaꞌats tya̱jkp jøts ja nꞌanmɨja̱ꞌwɨn xemɨkøjxp yjujkyꞌa̱jtɨndɨt.