JUAN 6:66 - New Testament in Mixe Tlahuitoltepec

⁶⁶ Wɨnets may ja̱a̱ꞌy myajtstuujtɨnɨyɨ ja nwɨndsønꞌa̱jtɨm Jesús, kaꞌap ja tꞌukmøøtwɨdejtnɨdɨ.

JUAN 6:66 ပူးပေါင်းရင်းမြစ်များ

MATEO 19:22

Xjats ku ja jadeꞌen tmadøøy, jøts ja yjotmadyøjkɨyɨɨꞌñ, kumɨ jantyimgyumeeñ, kumɨ jantyimgyubɨkta̱ꞌa̱ky ɨdøꞌøn jaꞌ.

LUCAS 9:62

Jøts ja Jesús ja tnɨma̱a̱y: ―Ku ja̱a̱ꞌy yuꞌuy, jaꞌ ja yꞌijxpy ja tyunk; pønts ejxjɨmbejtꞌadøtsp, tits ja nyikwa̱ꞌa̱nɨnt. Jadeꞌents ɨdøꞌøn ja Dios wyɨngujkp ma̱ ja ttanɨtanɨ kyutujk ja yja̱a̱ꞌy; pøn ja tuꞌugyɨ amumjoojt kamɨduujnɨyɨp, tits ja jam ñɨwya̱ꞌa̱nt.

JUAN 2:2

Jøts nayɨdeꞌen ja nwɨndsønꞌa̱jtɨm Jesús wyɨnaty tø yikwa̱a̱mɨdɨ mɨgaabyɨ mɨꞌukpɨ møøt ja pyabøjkpɨtøjk jøts ja nay jam ñøjkxtɨt.

JUAN 6:60

Kuts ja pyabøjkpɨtøjk jadeꞌen tmadowdɨ ja ɨxpøjkɨn pøn jam wyɨnaty tpawɨdejttɨp ja nwɨndsønꞌa̱jtɨm Jesús, jøts ja wya̱ndøø: ―Ku yø jadeꞌen wya̱ꞌa̱ñ, janch tsep yøꞌ jøts yø yikupøkt; ¿pøn yø jadeꞌen tijy ukmøjpɨkta̱ꞌa̱kɨp?

JUAN 6:64

Jøts ja meets ɨxa wɨna̱a̱gɨn pøn yø tkajanchja̱ꞌwɨp. Tø døꞌøn ja nwɨndsønꞌa̱jtɨm Jesús ja wyɨnaty tnɨja̱ꞌwɨñɨ pøn jaty jaꞌadɨ pøn tkajanchja̱ꞌwɨdɨp, jøts jaꞌ pøn ja køya̱kɨyɨp.

JUAN 7:3

wɨnets ɨdøꞌøn ja nwɨndsønꞌa̱jtɨm Jesús ja myɨguꞌuktøjk ñɨma̱a̱jyɨyøø: ―Kaꞌap ya̱ mda̱ꞌa̱nt; jam mnøjkxt Judea, jøts ja mbabøjkpɨtøjk nayɨdeꞌen jam mꞌejxmɨyɨt sa̱ jaty mduñ.

JUAN 8:31

Xjats ja nwɨndsønꞌa̱jtɨm Jesús tnɨma̱a̱y ja israelɨt ja̱a̱ꞌy pøn ja wyɨnaty tø yjanchja̱wɨyɨ: ―Pønɨ mnadyamɨyojxɨdɨp tuꞌugyɨ sa̱ ɨxa nnøjmɨdɨ, meetspɨts ɨdøꞌøn tɨy xjantyimbyabøjkpɨꞌa̱tp;

2 TIMOTEO 1:15

Tøxɨ me xnɨja̱wɨ sa̱m øts ja Asiɨt ja̱a̱ꞌy xmajtstuttøø, ja Figelo møøt ja Hermógenes pa̱a̱t.

2 TIMOTEO 4:10

pø tøxɨ øts ja Demas xmajtstuꞌuty, kyøꞌøm wɨnma̱a̱ꞌñ ja yiktunwampy, jøts tø ñijkxy jam Tesalónikɨt ka̱jpjotp. Jam øts ja Cresente tø nguexy Galaciɨt yꞌetjotp, jøts ja Tito tø ñijkxy jam Dalmacia yꞌetjotp.

HEBREOS 10:38

Midiꞌits øts ɨdøꞌøn ngupijkpy, janchja̱ꞌwɨngøjxp ɨdøꞌøn tꞌawixyꞌaty ja øyꞌa̱jtɨn, pøni wɨndsɨꞌjkyts jaꞌ, kaꞌats øts ja ndajotkujkꞌa̱tt.

1 JUAN 2:19

Nay adøm nmɨguꞌuk jadeꞌen wɨna̱a̱gɨn adøtstɨp pøn adøm tø xmajtstuujtyɨndɨ paty ja tmɨdsepꞌa̱twa̱ꞌa̱ndɨ ja Cristo; nɨgɨdits jaꞌ pøn adøm nwɨnma̱a̱ꞌñ møøt tukna̱xtɨ, ku jeexyɨp jaꞌadɨ, tø ja jeexyɨp møøt nda̱a̱ꞌñɨndɨ. Jadeꞌen ɨdøꞌøn yjaty ku wɨna̱a̱gɨn xpuwa̱a̱jchɨndɨ, paty wa̱ꞌa̱ts yiknɨja̱wɨ ku kaꞌ yikxon tmøøtꞌa̱ttɨ ja wɨnma̱a̱ꞌñ sa̱ adøm njaꞌ.