JUAN 6:14 - New Testament in Mixe Tlahuitoltepec

¹⁴ Xjats ja ja̱a̱ꞌy wya̱ndøø ku ja tꞌejxtøø jøts ku ja nwɨndsønꞌa̱jtɨm Jesús jadeꞌen wyɨnaty tø ttuñ ja mɨla̱grɨꞌa̱jtɨn: ―Janch yøꞌ tam ɨdøꞌøn Dios kyugajpxyꞌajtpy pøn yiktejp meꞌemp ya̱ na̱xwiiñ.

JUAN 6:14 ပူးပေါင်းရင်းမြစ်များ

MATEO 11:3

jøts ja tꞌatsyiktøꞌødɨt yɨdeꞌen: ―¿Mjanchjacristo mets ɨdøꞌøn, ja yiknɨtsokpɨ midi tijy menwa̱mp, uk njøpꞌejxp øøts ɨdøꞌøn jaduꞌukpɨ?

MATEO 21:11

Jøts ja ja̱a̱ꞌy wya̱ndøø: ―Ja Jesús yøꞌ ja Dios kyugajpxy, pøn kyuga̱jpꞌa̱jtp Nazaret jam Galileꞌɨt etjotp.

LUCAS 24:19

Jøts ja ñɨma̱a̱jyɨdøø: ―¿Timts jam ti yjatyɨ? Jøts ja tnɨmaadyøø: ―Ja Jesús øøts ɨdøꞌøn ndijpy, ja Nazaretɨt ja̱a̱ꞌy, midi Dios Teety yikmøjkugajpxyꞌa̱jtɨp ku ja tka̱jpxwaꞌkxy ja yꞌɨxpøjkɨn u ku ja ti ttuñ. ¿Ti ja kyaꞌukjajtpy? Myɨnajxpts ja jam Dios wyɨngujkp, jøts nayɨdeꞌen ma̱ na̱xwiiꞌñɨt ja̱a̱ꞌdyɨ.

LUCAS 7:16

Jøts ku ja jadeꞌen nɨdukɨꞌɨyɨ tꞌejxtøø, jøts ja yjanchøꞌjkɨdøø, jøts ja ttukmɨja̱ꞌwɨdøø ttukunuuꞌkxyja̱ꞌwɨdøø ja Dios, nømdɨp jaꞌ: ―Ya̱ Dios ja myøjkugajpxy tø kyaxɨꞌɨky adøm nja̱a̱ꞌyjøøjty. Nayɨdeꞌen ja wya̱ꞌa̱ndɨ: ―Dios tø tnɨmiñ ja kya̱jp jøts tpudøkɨt.

JUAN 1:21

Xjats ja tja̱a̱ktyimdyɨɨbyøjktøø: ―¿Pønts mets ɨdøꞌønɨ? ¿Mets ɨdøꞌøn Dios kyugajpxy midi yiktejp Elías? Jøts ja Juan wya̱a̱ñ: ―Kaꞌap ja yꞌøtsɨ. Jøts ja tja̱a̱ktyimdyɨɨbyøjkꞌadøꞌøtstɨ: ―Jøts, ¿metsɨmts ɨdøꞌøn jaꞌ midi døꞌøn menwa̱mp midi ja Dios kyugajpxyꞌajtpy? Jøts ja yꞌadsøøy: ―Kaꞌ.

JUAN 11:27

Jøts ja tnɨma̱a̱y: ―Wɨndsønꞌa̱jtɨm, njanchja̱ꞌwɨp øts. Ndyimyjanchja̱ꞌwɨp øts ku me mCristo, ja Dios Uꞌnk, midiꞌiyɨp ɨdøꞌøn yꞌity ya̱ na̱xwiiñ menwa̱mp.

JUAN 2:11

Yøꞌøbɨ mɨla̱grɨꞌa̱jtɨn ɨdøꞌøn ja nwɨndsønꞌa̱jtɨm Jesús tyimyɨjawyeen na̱nkyꞌejxøø jam Caná, jam Galileɨt etjotp, midi yiknɨgaxøꞌjk ja myøkꞌa̱jtɨn, wɨnets ja pyabøjkpɨtøjk ja ojts yja̱a̱kjanchja̱wɨyɨ.

JUAN 4:19

Kuts ja tøꞌøxyøjk jadeꞌen tmadøøy, jøts ja wya̱a̱ñ: ―Mets teety, waꞌ mets ɨdøꞌøn yja̱wɨ Dios mets ɨdøꞌøn kyugajpxy.

JUAN 4:25

Xjats ja tøꞌøxyøjk wya̱a̱ñ, jøts yiknɨma̱a̱y ja nwɨndsønꞌa̱jtɨm: ―Nnɨja̱ꞌwɨp øts jøts ku myeꞌent ja Mesías ―midi tyijpy Cristo, midi memp yiknɨtsokpɨ―; jøts ku ja myeꞌent, jaꞌats tukɨꞌɨyɨ xukmadoogøjxɨm.

JUAN 4:42

Jøts ja tnɨmaadyøø ja tøꞌøxyøjk: ―Ndyimyjanchja̱ꞌwɨpnɨm øøts ɨnet. Kidi jaꞌajɨp øøts nugo njanchja̱ꞌwɨp sa̱ jaty mee tø mwa̱ꞌa̱ñ ku øø tø xukmadøy. Pø tøxɨ øøts yø ya̱m køꞌøm nja̱a̱ktyimyadøy sa̱ yø wya̱ꞌa̱ñ. Tøts øøts nnɨja̱wɨ jøts ku yø janch Cristo, pøn na̱xwiiꞌñɨt ja̱a̱ꞌy tyiknɨtsokp.

JUAN 6:2

Jøts may ja̱a̱ꞌy ja jam ojts myøødɨyɨ, kumɨ tø ja wyɨnaty yikꞌixy ja myɨla̱grɨꞌa̱jtɨn ku ja tyiktsøꞌøky ja pa̱ꞌa̱mja̱a̱ꞌy.

JUAN 6:26

Jøts nwɨndsønꞌa̱jtɨm Jesús ja ñɨma̱a̱jyɨdøø: ―Janch øts ɨdøꞌøn nwa̱ꞌa̱ñ, jøts ku meets jaꞌagøjxp xꞌɨxa̱ꞌa̱y ku mee kuꞌuxyɨ ojts mgay, jøts nɨgɨdi meets xja̱ꞌgyukɨdɨ tigøjxp øts ojts ja mɨla̱grɨꞌa̱jtɨn nduñ.

JUAN 6:30

Jøts ja tja̱a̱ktyimdyɨɨbyøjktøø, yɨdeꞌen tnɨmaadyøø ja nwɨndsønꞌa̱jtɨm Jesús: ―¿Ti ejxa̱ꞌa̱nts mbɨkta̱ꞌa̱kp midi øø nꞌejxp jøts myikjanchja̱wɨt? ¿Ti døꞌøn mduꞌump? ¿Ti døꞌøn myikꞌøyɨp?

JUAN 7:40

Xjats jam mayja̱a̱ꞌy agujkp wɨna̱a̱gɨn wya̱ndøø, ku ja jadeꞌen ojts tmadowdɨ: ―Tyimyjanchjaꞌadam ɨdøꞌøn yø ja̱a̱ꞌy ja Dios kyugajpxy midi ɨdøꞌøn yikꞌawejxp.

HECHOS 7:37

Nay yø Moisés ɨdøꞌøn tnɨma̱a̱y ja israelɨt ja̱a̱ꞌy: “Myiktanɨgaxtɨp ja Dios Teety ja kyugajpxy tuꞌuk, nayɨdeꞌen ɨdøꞌøn ja myeꞌent sa̱m øts ja jawyeen tø xkejxyɨn, jøts nay adøm ɨdøꞌøn ja nmɨguꞌuk jaꞌ. Jaꞌats ɨdøꞌøn mbaduꞌunɨndɨp.”