JUAN 20:28 - New Testament in Mixe Tlahuitoltepec

²⁸ Xjats ja Tomás yꞌadsøøy jøts ja wya̱a̱ñ: ―¡Mets nwɨndsønꞌajtpy ndiosꞌajtpy!

JUAN 20:28 ပူးပေါင်းရင်းမြစ်များ

MATEO 14:33

Wɨnets ja ja̱a̱ꞌy ja wyɨnguxana̱a̱jyɨ pøn jaty jap wyɨnatyɨ jap ba̱rkɨjøtpy, yɨdeꞌen ja wya̱ꞌa̱ndɨ: ―Mets tam ɨdøꞌøn mjantyimdiosuꞌnk.

LUCAS 24:52

Jøts ku ja wyɨnaty tø tꞌukwɨndsøꞌøgɨdɨ tꞌukwɨnja̱wɨdɨ, xjats ja ojts wyɨmbejtnɨdɨ ñøjkxnɨdɨ jotkujkꞌatyɨm jam Jerusalén,

JUAN 1:1

Jaayɨm ja wyɨnatynɨ pøn xuknɨja̱ꞌwɨmp ja Dios ku tukɨꞌɨyɨ choꞌonda̱kɨjxñɨm; Dios ja møøt tyimyꞌity jøts nayɨ Dios ja køꞌøm.

JUAN 20:16

Wɨnets ja ñɨma̱a̱jyøø ja nwɨndsønꞌa̱jtɨm Jesús: ―¡María! Xjats ja yꞌejxjɨmbijty jøts ja tnɨma̱a̱y hebreɨt ayuujk: ―¡Raboni! ―midi tyijpy yikꞌɨxpøjkpɨ.

JUAN 20:27

Jøts ja Tomás nay jatyɨ yiknɨma̱a̱y: ―Kudejɨ yø mgøtsa̱ꞌjx ya̱p, jøts øts yø ngøꞌ xꞌejxɨt; jøts ya̱k yø mgøꞌ jøts ya̱p mguxa̱jɨt øts ngachpukɨꞌjy. Jøts kidi nugo xkuwɨnmayɨ, janchja̱wɨ døꞌøn.

JUAN 20:29

Jøts nwɨndsønꞌa̱jtɨm Jesús ñɨma̱a̱jyøø: ―Tomás, jaꞌagøjxp ya̱m xjanchja̱wɨnɨm ku ø tø xtyimwyempꞌijxñɨm. Jotkujkꞌatyɨm jaꞌadɨ pøn tmɨbøjktɨp pøn tjanchja̱ꞌwɨdɨp jadiꞌiñɨ, øy øts ja xjagaꞌejxtɨ.

JUAN 20:31

Jaꞌagøjxp ya̱ꞌa̱t jap jadeꞌen tø yikujayɨ, jøts xɨyja̱wɨdɨt xjanchja̱wɨdɨt jøts ku jaꞌ yiknɨtsøꞌøky, jøts ku jaꞌ Cristo ja nwɨndsønꞌa̱jtɨm Jesús, ja Dios Uꞌnk. Jøts ku ja xjanchja̱wɨdɨt, mba̱a̱tpts meets ja jujkyꞌa̱jtɨn xemɨkøjxp sa̱m pya̱a̱tꞌatyɨdɨ pøn tjanchja̱ꞌwɨyɨdɨp.

JUAN 5:23

jaꞌagøjxp nayɨdeꞌen ja wɨndsøꞌjkɨn yikmoꞌot sa̱m ja Dios Teedyɨn. Pøn tkamøjpɨkta̱kp ja Dios Uꞌnk, nay ja Dios Teety ja kyamøjpɨktakpy pøn tkajxp ja Dios Uꞌnk.

1 TIMOTEO 3:16

Janch tɨyꞌa̱jtɨn yøꞌ, ku janch møj ja Dios wyɨnma̱a̱ꞌñ midi yꞌijty kayiknɨja̱ꞌwɨp. Ɨxya̱mts yikꞌixy yiknɨja̱wɨ jabɨ jadeꞌenxɨ jap jaabyety yꞌity ku: Ja̱a̱ꞌyɨn ja nwɨndsønꞌa̱jtɨm Jesús ña̱nkyꞌejxɨyɨ ya̱ na̱xwiiñ; jøts ja Espíritu Santo tnɨgajpxy ku jaꞌ tɨyꞌa̱jtɨn tmøøtꞌaty jøts nayɨdeꞌen ja a̱nkɨlɨstøjk yꞌejxøø ñɨja̱ꞌwɨyøø. Tø yika̱jpxwaꞌkxy ja Jesús yꞌɨxpøjkɨn o ma̱ga̱jp, jøts jadeꞌen tpadundɨ ja na̱xwiiꞌñɨt ja̱a̱ꞌy jøts ja cha̱jpajtna̱a̱ ma̱ ja Dios Teety jap. Jadeꞌen ja nøky wya̱ꞌa̱ñ.