JUAN 19:15 - New Testament in Mixe Tlahuitoltepec

¹⁵ Yɨdeꞌen ja møk wya̱ndøø: ―¡Wan tpaꞌøøky! ¡Wan tpaꞌøøky! ¡Yikruspat! Jøts ja Pilato ja tnɨma̱a̱y: ―¿Øts ndejɨn ja mwɨndsøn nyikruspatp? Ja teetywɨndsøndøjk ja yɨdeꞌen yꞌadsoojɨyøø: ―Kaꞌap øts pøn jaduꞌuk nwɨndsøn midi øø nwɨndsønꞌajtpy, jaꞌayɨ tuꞌugyɨ ja møj wɨndsøn César.

JUAN 19:15 ပူးပေါင်းရင်းမြစ်များ

MATEO 22:17

Tukmadookts øøts sa̱ me mꞌukwa̱ꞌa̱ñ: ¿Nmoꞌop øøts kugubajt ja møj wɨndsøn midi jam Roma tsɨnaapy? ¿Nmoꞌop øøts u kaꞌ?

LUCAS 23:18

Jøts ja nɨꞌijtyɨ møkꞌampy wya̱mbɨna̱xwa̱ꞌa̱ktøø: ―¡Yikjɨwa̱ꞌa̱k yøꞌ, jøts yø Barrabás neꞌegɨ xyikꞌawa̱ꞌa̱tspɨdsøꞌømt!

JUAN 18:31

Wɨnets ja Pilato ja ñɨma̱a̱jyɨdøø: ―Møødɨdɨ, jøts xɨɨdyuꞌundɨt jadeꞌen pønɨ sa̱ ja mgutujk wya̱ꞌa̱ndɨ. Jøts ja israelɨt ja̱a̱ꞌy yꞌadsoodøø: ―Øøts, kaꞌap øøts xpa̱a̱tꞌaty jøts øøts øy pøn nyikꞌookt.

JUAN 19:6

Xjats ku ja teetywɨndsøndøjk ja tꞌejxtøø jøts ja tsa̱pta̱jk, wɨnets ja tjanchtaya̱jxɨdøø møkꞌampy: ―¡Yikruspat! ¡Yikruspat! Jøts ja Pilato ja tnɨma̱a̱y: ―Wa̱wdɨ jøts mee xyikruspat, kumɨ kaꞌap øts yø ti pøky ndapøkyꞌixy.

HECHOS 13:28

Xjats ku ja køꞌøm tkamɨwɨnma̱a̱ꞌnbya̱a̱ttøø ti ja tyukpøkyꞌa̱jttɨp jøts tyikꞌooktɨt, wɨnets ja tnɨmaadyøø ja Pilato jøts ja Jesús tna̱nkyikꞌoogɨyɨt.

HECHOS 21:36

janch mayja̱a̱ꞌy ɨdøꞌøn ja wyɨnaty pameejnɨp, jøts tjanchtaya̱ꞌa̱xtɨ tjanchtajoktɨ: ―¡Wan tpaꞌøøky!

HECHOS 22:22

Xjats ku ja Pablo jadeꞌen yjakajpxy, wɨnets ja mayja̱a̱ꞌy møkꞌampy yjanchka̱jpxjøꞌktøø, xjats wya̱ndøø: ―¡Wan tpaꞌøøky yøꞌøbɨ ja̱a̱ꞌy! ¡Kaꞌap yꞌukpa̱a̱tꞌa̱jtɨñɨ jøts yja̱a̱ktsøønɨt!