JUAN 18:38 - New Testament in Mixe Tlahuitoltepec

³⁸ Jøts ja Pilato ja ojts ñɨɨꞌmxyɨ: ―¿Jøts ti døꞌøn tɨyꞌa̱jtɨnꞌa̱jtp janchꞌa̱jtɨnꞌa̱jtp? Jøts ku ja Pilato jadeꞌen tꞌukyiktɨɨy, jøts ja ojts pyɨdsimy jøts ja tmɨnagya̱jpxwa̱ꞌa̱ñɨ ja israelɨt ja̱a̱ꞌdyɨ, jøts ja tnɨma̱a̱y: ―Kaꞌ øts yø ja̱a̱ꞌy nbøkyꞌixy.

JUAN 18:38 ပူးပေါင်းရင်းမြစ်များ

MATEO 27:24

Xjats ku ja Pilato ojts tꞌixy jøts ku nɨsudsoꞌampy kyaꞌøyɨ, neꞌegɨ jɨnaxy ja ja̱a̱ꞌy tseenɨ moꞌtsnɨ yꞌadøtsnɨdɨ, wɨnets ja nøø ja ojts tꞌatsna̱nkyɨꞌɨyɨ, jøts ja kyøbujy jam mayja̱a̱ꞌy wyɨngujkp, yɨdeꞌen ja wya̱a̱ñ: ―Kidi øtsɨp wa̱mp jøts yø yꞌookt, kaꞌ øts yø nbøkyꞌixy. Meets yø mnɨja̱ꞌwɨp pønɨ sa̱ yø xunwa̱ꞌa̱ndɨ.

MARCOS 15:14

Xjats ja Pilato tnɨma̱a̱y ja mayja̱a̱ꞌy: ―¿Ti tundɨgøøꞌyɨn yø tø ttuñ, ti yø kyubatp? Wɨnets ja tja̱a̱ktyimyikjɨna̱jxtøø, møkꞌampy ja yja̱a̱ktyimwya̱ndøø: ―¡Yikruspat!

LUCAS 23:4

Jøts ja Pilato tnɨma̱a̱y ja teetywɨndsøndøjktɨ møøt ja mayja̱a̱ꞌy: ―Nɨti pøky yø ja̱a̱ꞌy, nɨti tundɨgøꞌøyɨn yø tkatuñ.

JUAN 18:33

Xjats ja Pilato jap jadɨgojk tyøjkɨyɨɨꞌñ jap kyutujkta̱a̱jkjøtpy, jøts ja ojts tya̱jxɨ ja nwɨndsønꞌa̱jtɨm Jesús, jøts ja tꞌamɨdøøy: ―¿Mets ɨdøꞌøn israelɨt ja̱a̱ꞌy mjanchwɨndsønꞌa̱jtɨp?

JUAN 19:4

Wɨnets ja Pilato ojts jadɨgojk pyɨdsimy, jøts ja ojts ñɨɨꞌmxyɨdɨ: ―Ejxtɨ nɨja̱wɨdɨ, nyikpɨdsimpy øts yø ya̱ jøts xnɨja̱wɨdɨt jøts ku øts yø nɨti ngadapøkyꞌixy.

JUAN 19:6

Xjats ku ja teetywɨndsøndøjk ja tꞌejxtøø jøts ja tsa̱pta̱jk, wɨnets ja tjanchtaya̱jxɨdøø møkꞌampy: ―¡Yikruspat! ¡Yikruspat! Jøts ja Pilato ja tnɨma̱a̱y: ―Wa̱wdɨ jøts mee xyikruspat, kumɨ kaꞌap øts yø ti pøky ndapøkyꞌixy.

HECHOS 17:32

Xjats ku ja Pablo jadeꞌen ja ayuujk tyikna̱jxy ku ja̱a̱ꞌy yjujkpyiky jadɨgojk ooꞌkpɨ jutjøtpy, wɨnets ja Atenas ja̱a̱ꞌy wɨna̱a̱gɨn yjanchtaxeknɨbøjkɨdøø, jøts jaduꞌuk wɨna̱a̱gɨn ñømdøø: ―Wan jadeꞌeñɨ, ja wyɨnaty jaduꞌukpɨ xøøw xja̱a̱knɨgajpxy.

1 PEDRO 1:19

Jaꞌ ja yiktaguya̱kɨyɨɨꞌñ ku ja nwɨndsønꞌa̱jtɨm jadeꞌen wyɨdsuuñ wyɨda̱jxy, øy ja nɨti pøky tjagamøødɨ sa̱m ja borreegꞌuꞌnk yꞌijty yiktamɨyøxy ja Dios Teety.