JUAN 18:33 - New Testament in Mixe Tlahuitoltepec

³³ Xjats ja Pilato jap jadɨgojk tyøjkɨyɨɨꞌñ jap kyutujkta̱a̱jkjøtpy, jøts ja ojts tya̱jxɨ ja nwɨndsønꞌa̱jtɨm Jesús, jøts ja tꞌamɨdøøy: ―¿Mets ɨdøꞌøn israelɨt ja̱a̱ꞌy mjanchwɨndsønꞌa̱jtɨp?

JUAN 18:33 ပူးပေါင်းရင်းမြစ်များ

MATEO 27:11

Jøts ɨdøꞌøn ja nwɨndsønꞌa̱jtɨm Jesús ja ja̱a̱ꞌy yiknøjkxɨyɨ jam øyikutujkpɨ wyɨngujkp, jøts ja yɨdeꞌen tyɨɨbyøjkɨyɨ: ―¿Mets ɨdøꞌøn israelɨt ja̱a̱ꞌy mjanchnɨwɨndsønꞌajtpy? Jøts ja nwɨndsønꞌa̱jtɨm Jesús yɨdeꞌen tnɨma̱a̱y: ―Janch jadeꞌen ɨdøꞌøn jaꞌ, sa̱m ɨxa tø mwa̱ꞌa̱ñɨn.

MATEO 27:27

Jøts nay jaꞌ ja syolda̱dɨ tyiknøjkxtøø ja nwɨndsønꞌa̱jtɨm Jesús jam kutujkta̱a̱jk agøꞌøm, jøts ja jam ojts twa̱a̱mujkøxtɨ nɨdukɨꞌɨyɨ ja solda̱dɨ, jøts ja ojts tnabejkɨdɨ ja nwɨndsønꞌa̱jtɨm Jesús.

MARCOS 15:2

Xjats ja Pilato tnɨma̱a̱y ja Jesús: ―¿Janch mets ɨdøꞌøn wɨndsønꞌa̱jtp ya̱ israelɨt ja̱a̱ꞌy yꞌetjøøjty? Wɨnets ja Jesús yꞌadsøøy jøts ja wya̱a̱ñ: ―Øts jaꞌ.

LUCAS 23:2

Jøts ja jam tnɨꞌøøꞌnɨna̱xwa̱ꞌa̱ktø yɨdeꞌen: ―Tø øøts yø ja̱a̱ꞌy nguba̱a̱dɨ, yøꞌ tka̱jpxma̱ꞌtp adøm ja nmɨguꞌuk. Yɨdeꞌen yø wya̱ꞌa̱ñ jøts øøts ja yjaduꞌukpɨ wɨndsøn ngamɨgubatt midi ya̱ꞌa̱t na̱a̱jx ka̱jp tnɨtanaapy. Nayɨdeꞌen øøts yø xnɨmaamyɨ jøts ku yøꞌ Cristo, tyimy ja møj wɨndsøn midi yiknɨtsokp.

JUAN 1:49

Wɨnets ja Natanael wya̱a̱ñ: ―Wɨndsøn, mets ɨdøꞌøn Dios Uꞌnk, jøts mets ɨdøꞌøn mnɨwɨndsønꞌajtpy israelɨt ja̱a̱ꞌy.

JUAN 12:13

Wɨnets ja tɨɨxy ja ojts tpoottɨ, jøts ja ojts ttapa̱tsowdɨ ja nwɨndsønꞌa̱jtɨm Jesús, yɨdeꞌen ja wya̱ndøø: ―¡Møj Dios kyunuuꞌkxɨn! ¡Øy wa̱ꞌa̱ts yøꞌ midi ɨxya̱m Dios Teety kyejxpy, midi israelɨt ja̱a̱ꞌy wyɨndsønɨp!

JUAN 12:15

Meets Sión ka̱jpjotpɨt, kidi mjotmayꞌooktɨ; ejx, pø ɨxats myiñ ja mwɨndsøn, yikxon buuruꞌnk ttakuꞌxnɨ.

JUAN 18:34

Jøts nwɨndsønꞌa̱jtɨm Jesús ja tnɨma̱a̱y: ―¿Køꞌøm mets jadeꞌen mwɨnmay jøts mets jadeꞌen xyiktɨy, uk pøn jadeꞌen tø mdamɨmadya̱ꞌa̱gyɨ jøts ku ø njaꞌajɨ?

JUAN 18:37

Wɨnets ja Pilato ja ojts ñɨɨꞌmxyɨyɨ: ―¿Jøts mjanchwɨndsøn mets ɨdøꞌøn? Jøts nwɨndsønꞌa̱jtɨm Jesús ja tꞌadsøøy: ―Jaꞌ øts sa̱ ɨxa mwa̱ꞌa̱ñ, wɨndsøn øts. Tø ø ngaxɨꞌɨky ku øts ya̱ na̱xwiiñ tø nmiñ jøts ø nnɨga̱jpxt ti tɨyꞌa̱jtɨnꞌa̱jtp, ti janchꞌa̱jtɨnꞌa̱jtp. Pøn jaty ja xmɨmadoodɨp, xmadojɨdɨpts øts njaꞌ jaꞌ sa̱ jaty ø nwa̱ꞌa̱ñ.

JUAN 18:38

Jøts ja Pilato ja ojts ñɨɨꞌmxyɨ: ―¿Jøts ti døꞌøn tɨyꞌa̱jtɨnꞌa̱jtp janchꞌa̱jtɨnꞌa̱jtp? Jøts ku ja Pilato jadeꞌen tꞌukyiktɨɨy, jøts ja ojts pyɨdsimy jøts ja tmɨnagya̱jpxwa̱ꞌa̱ñɨ ja israelɨt ja̱a̱ꞌdyɨ, jøts ja tnɨma̱a̱y: ―Kaꞌ øts yø ja̱a̱ꞌy nbøkyꞌixy.

JUAN 19:12

Wɨnets ja Pilato nay jatyɨ tjaꞌɨxa̱a̱y ja ta̱a̱y, jøts ja tꞌɨxma̱tst jadiꞌiñɨ ja nwɨndsønꞌa̱jtɨm Jesús; xjats ja israelɨt ja̱a̱ꞌy ja møkta̱ꞌa̱ky ñɨma̱a̱jyɨyɨ: ―¡Pønɨ myikꞌawa̱ꞌa̱tspɨdsimpy ɨnet, kaꞌ xmɨguꞌugɨ wyɨnaty ja møj wɨndsøn César jam Roma! ¡Pøn jadeꞌen namyøjpɨkta̱a̱jkɨp, myɨdsepꞌatpyts ja César!

JUAN 19:3

Jøts ja ojts wɨngon twɨngunøjkxɨdɨ, jøts ja ojts tnøjmɨdɨ: ―¡Møj mets, pøn ja israelɨt ja̱a̱ꞌy wyɨndsøn ukmayɨp! Jøts ja ojts twɨngoxtɨ tjøpkoxtɨ wyemp yꞌa̱m.

JUAN 19:4

Wɨnets ja Pilato ojts jadɨgojk pyɨdsimy, jøts ja ojts ñɨɨꞌmxyɨdɨ: ―Ejxtɨ nɨja̱wɨdɨ, nyikpɨdsimpy øts yø ya̱ jøts xnɨja̱wɨdɨt jøts ku øts yø nɨti ngadapøkyꞌixy.

JUAN 19:9

Jøts ja jap kyutujkta̱a̱jkjøtpy tyøjkɨyɨɨꞌñ jadɨgojk, jøts ja ttɨɨbyɨjky ja nwɨndsønꞌa̱jtɨm Jesús: ―¿Mets, ma̱ mdsøøñ? Jøts ja nwɨndsønꞌa̱jtɨm Jesús nɨwɨneꞌenɨn ja tkidyimyꞌadsøøy.

1 TIMOTEO 6:13

Ja Dios Teety midi xyikjujkyꞌa̱jtɨndɨp, ñɨja̱ꞌwɨpts jaꞌ, sa̱m ɨxya̱m nꞌaneꞌemy, nayɨdeꞌents ja nwɨndsønꞌa̱jtɨm Jesucristo ttukmadøøy ja tɨyꞌa̱jtɨn ja Poncio Pilato.