JUAN 18:27 - New Testament in Mixe Tlahuitoltepec

²⁷ Jøts ja Pedro ja jadɨgojk kaꞌ tkupøjkojmɨ, wɨnets nay jatyɨ yꞌaya̱a̱jxy tuꞌuk tsa̱pnɨꞌa̱a̱w.

JUAN 18:27 ပူးပေါင်းရင်းမြစ်များ

MATEO 26:34

Wɨnets nwɨndsønꞌa̱jtɨm Jesús ja yɨdeꞌen tnɨma̱a̱y: ―Janch øts ɨdøꞌøn nwa̱ꞌa̱ñ, jøts ku ya̱m koots ɨnet ku kaꞌap tsa̱pnɨꞌa̱a̱w yꞌaya̱jxjɨꞌɨkñɨm, tɨgøøk ojk mets wyɨnaty tø xkuꞌɨɨñ jøts ku me xkaꞌijxyꞌaty.

MARCOS 14:30

Wɨnets Jesús ja ñɨma̱a̱jyøø: ―Janch mets ɨdøꞌøn nnøjmɨ jøts ku ya̱mgoots ɨnet mnøꞌømt ku me kaꞌap xꞌijxyꞌaty, kaꞌanɨm tsa̱pnɨꞌa̱a̱w wyɨnaty myajtskꞌaya̱ꞌa̱xy ku mets ɨnet tɨgøøk ojk mwa̱ꞌa̱nt jadeꞌen jøts ku me kaꞌap xnɨja̱wɨ.

MARCOS 14:68

Xjats ja Pedro ja kaꞌap tnɨgajpxy, yɨdeꞌen ja wya̱ꞌa̱ñ: ―Kaꞌap øts ja nꞌijxyꞌaty pø pøn jaꞌ, jøts nguidyimñɨja̱ꞌwɨp øts pø ti me mgajpxpy. Xjats ja jadeꞌen yøꞌøpyɨdsɨɨmy jam ta̱jyjøpꞌa̱m. Wɨnets ja tsa̱pnɨꞌa̱a̱w yꞌaya̱jxjɨꞌjky.

LUCAS 22:34

Wɨnets Jesús ja ñɨma̱a̱jyøø: ―Øts Pedro døꞌøn wa̱mp jøts ku tsa̱pnɨꞌa̱a̱w wyɨnaty kaꞌanɨm yꞌaya̱jxjɨꞌɨkñɨm, ku mets wyɨnaty tɨgøøk ojk tø xkuꞌøøꞌnɨ jøts ku me xkaꞌijxyꞌaty.

LUCAS 22:57

Kaꞌats Pedro ja tkupiky, yɨdeꞌen ja wya̱a̱ñ: ―Kaꞌ ø mɨguꞌuk ja nꞌijxyꞌaty.

JUAN 13:38

Jøts ja nwɨndsønꞌa̱jtɨm Jesús tꞌadsøøy: ―¿Janch ɨdøꞌøn mwa̱ꞌa̱ñ jøts ku ø xkuꞌoogɨwya̱ꞌa̱ñ? Øts wa̱mp, kaꞌanɨm wyɨnaty tsa̱pnɨꞌa̱a̱w yꞌaya̱ꞌa̱xy ku mets wyɨnaty tɨgøøk ojk tø xkagupiky ku me xꞌijxyꞌaty.