HECHOS 8:15 - New Testament in Mixe Tlahuitoltepec

¹⁵ Jøts ku jam yja̱ꞌttøø, wɨnets tkuꞌamɨdowdɨ ja Samariɨt ja̱a̱ꞌy midi tpadundɨp ja Jesús yjaꞌ jøts tyatøkɨyɨdɨt ja Espíritu Santo.

HECHOS 8:15 ပူးပေါင်းရင်းမြစ်များ

MATEO 18:19

’Nayɨ ndukmadoodɨp ɨxya̱m, pønɨ pøn tuꞌuk majtsk nagya̱jpxɨdɨp, jøts tꞌamɨdoowa̱ꞌa̱ndɨ tpøktsoowa̱ꞌa̱ndɨ tigati ja Dios Teety, moꞌojɨdɨpts jaꞌ.

HECHOS 19:2

Wɨnets ja Pablo jam tyiktɨɨy jøts tnɨma̱a̱y: ―¿Tø meets ja Espíritu Santo mdatøkɨyɨ ku ojts xjanchja̱wɨdɨ ja Jesús? Jøts ja tꞌadsojɨmbettøø: ―Omɨk øøts ɨdøꞌøn ja nnɨja̱wɨt jøts kudam ja Espíritu Santo jaa.

HECHOS 2:38

Xjats ja Pedro tꞌadsojɨmbijty jøts tnɨma̱a̱y: ―Yø mbøktyuꞌunɨn mmajtstuꞌuttɨp, jøts mnøbattɨt nɨduꞌuk jaty Jesús xyøøgøjxp, jøts jadeꞌen myikpojkpɨmaaꞌkxtɨt; jøts nayɨdeꞌen ja Dios Teety mduktatøkɨyɨdɨt ja yꞌEspíritu Santo.

1 CORINTIOS 14:13

Paty ɨdøꞌøn ja ja̱a̱ꞌy tꞌamɨdoꞌot ja Dios jøts yikwejɨt yikajɨt sudso ttuknɨmadoꞌot ja ja̱a̱ꞌy pønɨ ti døꞌøn ja kanɨmadoonɨ ayuujk tyijpy.

FILIPENSES 1:19

pø nnɨja̱ꞌwɨpxɨ øts ku øts ya̱ꞌa̱t ayoꞌon tukɨꞌɨyɨ nmɨmada̱køxt, jaꞌagøjxp ku meets ja Dios xꞌajotꞌaty jøts meets xnɨꞌamɨdowɨ xnɨbøktsowɨ jøts ku øts nayɨdeꞌen xpudøkɨ ja Espíritu Santo.