HECHOS 22:24 - New Testament in Mixe Tlahuitoltepec

²⁴ paty ja wɨndsøn nayɨdeꞌen tyikutujky jøts ja Pablo jap yikpøkjøꞌøkt jap wɨndsøn kyutujkta̱a̱jkjøtpy. Xjats ja wɨndsøn tyikutujky jadɨgojk jøts yikwopt, jøts kuwa̱nɨ ttuknɨga̱jpxwa̱ꞌa̱ñ tigøjxp ku ja mayja̱a̱ꞌy jadeꞌen myɨdsepꞌatyɨyɨ.

HECHOS 22:24 ပူးပေါင်းရင်းမြစ်များ

JUAN 19:1

Xjats ja Pilato ojts tna̱nkmyachɨ ja nwɨndsønꞌa̱jtɨm Jesús, jøts ja ojts tna̱nkwyøpyɨ.

HECHOS 16:37

Xjats ja Pablo kaꞌ tkupiky, wɨnets tnɨma̱a̱y ja kugajpxy: ―Nayɨ romanɨt ja̱a̱ꞌy øøts, tiku øøts jadeꞌen nyiktuñ jøts ku øøts jadeꞌen mayja̱a̱ꞌy agujkp nyikwøpy, nɨkaꞌap øø nyiktɨɨdyuñ jøts jatyɨ øø nugo nyikpɨkta̱ꞌa̱ky puxøjkjøtpy; ¿sudsoꞌampy øøts ndejɨnt ayuꞌuch jadiꞌiñɨ nyikmajtstuꞌutwa̱nɨ? ¡Kaꞌ yꞌøyɨ! Wan ja køꞌøm tmendɨ ja tɨɨdyumbɨdɨ jøts øøts xyikpɨdsøꞌømt.

HECHOS 21:34

Xjats ja ja̱a̱ꞌy ja xem ja ya̱m nugo yjanchka̱jpxjøꞌktøø, nɨ sudsoꞌampy ja wɨndsøn tjanchkamadoogukɨ, wɨnets tyikutujky jøts jap tna̱nkyiknijkxyɨ ma̱ ja solda̱dɨ kyutujkta̱a̱jk japtɨ.

HECHOS 21:37

Ku wyɨnaty ja Pablo jap tyøkɨwya̱nɨ solda̱dɨ kyutujkta̱a̱jkjøtpy, wɨnets ja Pablo tjanøjmɨ ja wɨndsøn: ―¿Kidi yꞌøyꞌa̱tt ku nmɨga̱jpxt? Xjats ja wɨndsøn tꞌadsojɨmbijty yɨdeꞌen: ―Øyꞌa̱jtp pønɨ mjajtpy griegɨt ayuujk.

HECHOS 23:10

Xjats kumɨ janch møk ɨdøꞌøn ja jeky ñagya̱jpxɨdøø, wɨnets ja solda̱dɨ wɨndsøn tjøpja̱wɨ ku ja Pablo jotmøñ ja mayja̱a̱ꞌy yꞌuknujkwa̱ꞌkxnɨyɨt. Wɨnets ja solda̱dɨ ja twa̱a̱dsøøy, jøts ja Pablo jam yikwejtspɨdsɨɨmy mayja̱a̱ꞌy agujkp, jøts jap jadɨgojk tyiknijkxy solda̱dɨ kyutujkta̱a̱jk aguiꞌpy.

HECHOS 23:27

Jadeꞌen ja israelɨt ja̱a̱ꞌy tø yꞌadøꞌøtstɨ, tuꞌuk ya̱ꞌa̱t ja̱a̱ꞌy ttsumdøø midi mets ɨxya̱m ndagødøjkɨp. Yøꞌ wyɨnaty yikꞌookwa̱ndɨp, xjats ku øts ojts nnɨja̱wɨ kudam yøꞌ ryomanɨtja̱a̱ꞌyɨ, wɨnets ø nnɨnijkxy møøt ja solda̱dɨ, jaꞌagøjxp ja ja̱a̱ꞌy kyayikꞌoꞌjkøø.

HECHOS 28:18

Ku øts nyiktɨɨdyuuñ, wɨnets øts jadiꞌiñɨ xmajtstuꞌutwa̱ndɨ jaꞌagøjxp ku øts nbøky nɨ tuꞌuk xkapa̱a̱jtɨdɨ midiꞌibɨ øts xukuꞌoogɨwya̱ndɨp.

HEBREOS 11:35

Jam ɨdøꞌøn ja tøꞌøxyøjk pøn janchja̱ꞌwɨngøjxp ja ñɨya̱a̱ꞌy tø tꞌejxpa̱a̱ttɨ jadɨgojk jujky. Mayts yꞌooꞌkmɨdɨ ayoꞌon agujkp, jadeꞌen ɨdøꞌøn ja neꞌegɨ ttsoktøø jøts kaꞌap ja Dios yjaꞌ tꞌɨxma̱jtsɨdøø jaꞌagøjxp ku ja tꞌawejxꞌa̱ttɨ ja jujkyꞌa̱jtɨn xemɨkøjxp.