HECHOS 22:22 - New Testament in Mixe Tlahuitoltepec

²² Xjats ku ja Pablo jadeꞌen yjakajpxy, wɨnets ja mayja̱a̱ꞌy møkꞌampy yjanchka̱jpxjøꞌktøø, xjats wya̱ndøø: ―¡Wan tpaꞌøøky yøꞌøbɨ ja̱a̱ꞌy! ¡Kaꞌap yꞌukpa̱a̱tꞌa̱jtɨñɨ jøts yja̱a̱ktsøønɨt!

HECHOS 22:22 ပူးပေါင်းရင်းမြစ်များ

LUCAS 23:18

Jøts ja nɨꞌijtyɨ møkꞌampy wya̱mbɨna̱xwa̱ꞌa̱ktøø: ―¡Yikjɨwa̱ꞌa̱k yøꞌ, jøts yø Barrabás neꞌegɨ xyikꞌawa̱ꞌa̱tspɨdsøꞌømt!

JUAN 19:15

Yɨdeꞌen ja møk wya̱ndøø: ―¡Wan tpaꞌøøky! ¡Wan tpaꞌøøky! ¡Yikruspat! Jøts ja Pilato ja tnɨma̱a̱y: ―¿Øts ndejɨn ja mwɨndsøn nyikruspatp? Ja teetywɨndsøndøjk ja yɨdeꞌen yꞌadsoojɨyøø: ―Kaꞌap øts pøn jaduꞌuk nwɨndsøn midi øø nwɨndsønꞌajtpy, jaꞌayɨ tuꞌugyɨ ja møj wɨndsøn César.

HECHOS 21:36

janch mayja̱a̱ꞌy ɨdøꞌøn ja wyɨnaty pameejnɨp, jøts tjanchtaya̱ꞌa̱xtɨ tjanchtajoktɨ: ―¡Wan tpaꞌøøky!

HECHOS 25:24

jøts ttukmadøøy nɨdukɨꞌɨyɨ ja wɨndsøndøjktɨ, jøts tnɨma̱a̱y: ―Mets rey Agripa, jøts tukɨꞌɨyɨ pøn jaty ya̱ tø myendɨ, ɨxya̱ døꞌøn ja ja̱a̱ꞌy midi ɨxya̱m mbatmadoowa̱jnɨdɨp yꞌayuujk. Tø øts ɨdøꞌøn ja israelɨt ja̱a̱ꞌy namay øy xmɨꞌøøndɨ ya̱ꞌa̱t køjxp jadeꞌen ya̱ jøts nayɨdeꞌen jam Jerusalén, ejtp ø xnøjmɨdɨ jøts mɨba̱a̱t ku yø tyimyꞌookt.

1 TESALONICENSES 2:16

jøts ku øøts ja Dios yjaꞌ njadukmadoowa̱ꞌa̱nmɨyɨ pøn kaꞌisraelɨt ja̱a̱ꞌdyɨ jøts ja ñɨtsoꞌoktɨt, kaꞌats øøts ja jadeꞌen xuktunwa̱mɨ. Xjats jadeꞌen ja pyøky nugo tyikmɨwenɨꞌadøꞌøtstɨ. Ɨxya̱mnɨmts ɨnet ja Dios ja møk ayoꞌon tø tyuktagɨda̱ꞌa̱gɨdɨ.