HECHOS 19:4 - New Testament in Mixe Tlahuitoltepec

⁴ Xjats ja Pablo wya̱a̱ñ: ―Nugo ejxa̱ꞌa̱n ɨdøꞌøn ja Juan Bautista myøøy ja ja̱a̱ꞌy ku ja yiknøbety, jadeꞌenꞌampy ja jadeꞌen ttuuñ jøts ja ja̱a̱ꞌy jadeꞌen yiknɨja̱wɨdɨt jøts ku ja tjanchyiktɨga̱tstɨ ja chɨna̱a̱ꞌyɨn. Nayɨdeꞌen ja tnɨma̱a̱y jøts ja amumjoojt tꞌajotꞌa̱ttɨt pøn wyɨnaty menwa̱mpnɨm, ja Jesús ɨdøꞌøn yiktejp wyɨnaty menwa̱mp yiknɨtsokpɨ.

HECHOS 19:4 ပူးပေါင်းရင်းမြစ်များ

JUAN 1:15

Jaꞌats ja Juan ojts tnɨgajpxy jøts ja yɨdeꞌen wya̱a̱ñ: ―Yøꞌøxɨ øts ɨdøꞌøn ndijpy ku ø nwa̱ꞌa̱ñ: “Jaꞌ pøn oojknɨm meꞌemp, jaꞌ ɨdøꞌøn møj jøts kaꞌap øts. Jøts kumɨ jaayɨm yøꞌ wyɨnatynɨ, kidinɨm øts.”

JUAN 1:26

Jøts ja Juan tnɨma̱a̱y: ―Nøø øts iiy nduktanøbejtpy; jats ya̱ tuꞌuk midi kaꞌ xꞌejxka̱ptɨnɨm;

JUAN 1:27

oojknɨm ja myeꞌent, jaꞌ tuꞌuk møj, nugo øts jawyeen nyiktuuꞌawa̱ꞌa̱ch. Nɨjuunɨ øts ja møøt nganamyɨba̱a̱tꞌa̱tɨyɨt.

JUAN 1:7

midi testigɨꞌa̱jtpɨ meen jøts ja tnɨga̱jpxt jøts ja tnɨmadya̱ꞌa̱kt pøn xyikuja̱jta̱a̱jkɨmp xyikudøøꞌkxa̱a̱jkɨmp, jøts ja øy pøn ttɨyja̱wɨt tjanchja̱wɨt pønɨ sa̱ jaty ja wya̱ꞌa̱ñ.

HECHOS 1:5

Janch ɨdøꞌøn jaꞌ ku ja Juan ttuktanøbejty ja nøø, jøts tsojk meets nøjkx nduktatøkɨdɨ ja Espíritu Santo.

HECHOS 11:16

Xjats ku øts jadeꞌen nꞌijxy, wɨnets øts jatyɨ nja̱ꞌmyejch ja nwɨndsønꞌa̱jtɨm yꞌayuujk sa̱ ja wya̱a̱ñ ku ja Juan Bautista mayja̱a̱ꞌy nøø ttuktanøbejty, jøts ku ja wya̱a̱ñ: “Wenk mee mja̱tt, jadeꞌen ku Espíritu Santo mdatøkɨyɨdɨt.”