HECHOS 13:9 - New Testament in Mixe Tlahuitoltepec

⁹ Xjats ja Saulo pøn nayɨdeꞌen yiktejp Pablo, yjanchmøøtꞌajtpy ja Espíritu Santo jaꞌ, paty ja tjanchwɨnꞌijxy tɨɨyɨm ja yikꞌadujkpɨ,

HECHOS 13:9 ပူးပေါင်းရင်းမြစ်များ

MATEO 10:20

Kidi meedsɨpxɨ ja mmɨwɨnma̱a̱ꞌnbya̱a̱tp ku mee mga̱jpxt, pø ja Dios Teetyxɨ yꞌEspíritu Santo myika̱jpxɨdɨp.

MARCOS 3:5

Wɨnets ja Jesús ja twɨnꞌejxjɨꞌjky a̱mbøjkɨnꞌampy, jøts ñɨyjotmayꞌooꞌknɨ døꞌøn ja Jesús yꞌejxjɨꞌjky, jaꞌagøjxp ku ja ja̱a̱ꞌy nɨwɨneꞌen tkaja̱ꞌgyukɨdɨ. Jøts ja tnɨma̱a̱y ja ja̱a̱ꞌy midi wyɨnaty køxujxp: ―Xa̱jtøw. Xjats ja xya̱jtɨɨy, jøts ja kyøꞌ ja møk tya̱a̱ñ, ojts ja chøꞌøky.

MARCOS 8:25

Wɨnets ja Jesús jadɨgojk twɨnguxa̱jɨyɨɨꞌñ ja wɨna̱p ja̱a̱ꞌy, jøts ja yikxon tyikꞌejxmøkɨyɨɨꞌñ, ojts ja wɨna̱p ja̱a̱ꞌy ja wyeen yꞌawa̱ꞌa̱ch, tum wa̱ꞌa̱ts ja tꞌejxnɨ øy tyiiꞌjɨ.

LUCAS 20:17

Tɨy Jesús ja wyɨnꞌijxyɨdɨ, jøts ja yiknɨmaadyøø: ―¿Tits ɨdøꞌøn yø Dios kyajpxy ñɨgajpxpy ku yø jap yɨdeꞌen yja̱ꞌa̱yɨ? ¿Nugo yø jap jadeꞌen wya̱ꞌa̱ñ? Ja tsa̱a̱ midi ja pojtspɨ kyaꞌejxɨdøø, jaꞌats ya̱m neꞌegɨ tø yꞌuknøjkxnɨ jam pøch kyuba̱jkp jøts jaꞌ tꞌama̱jtsmujkøjxp yø pøch.

HECHOS 2:4

Xjats ja nɨdukɨꞌɨyɨ tyatøjkɨyɨdøø ja Espíritu Santo, jøts wenk ayuujk ja jatyɨ tka̱jpxtøø sa̱ jaty ja pøngapøn yikꞌawijyɨ ja Espíritu Santo.

HECHOS 4:31

Xjats ku ja cha̱pka̱jpxꞌaba̱jtɨdøø, wɨnets ja Dios tyikmiiñ ja ujx ma̱ ja jam wyɨnaty tø ñamyukyɨdɨ; xjats ja jadeꞌen ja Espíritu Santo yikjotmøkpøjkɨdøø, jøts tka̱jpxwa̱ꞌkxɨdøø amumjoojt ja Dios kyajpxy ma̱ jaty ja wyɨdejttøø.

HECHOS 4:8

Xjats ja Pedro yꞌadsøøy, kumɨ tø ja Espíritu Santo ja wyɨnaty amuum tyatøkɨyɨ, jøts ja tnɨma̱a̱y: ―Meets wɨndsøndøjktɨ, meets møja̱a̱ꞌdyøjktɨ pøn jaty tsɨnaadyɨp ya̱ Israel:

HECHOS 7:55

Kumɨ ja Espíritu Santo ja Esteban yjanchmøøtꞌajtpy, wɨnets ja cha̱jpꞌijxy jøts tꞌejxpa̱a̱jty ja tsujꞌa̱jtɨn ja øyꞌa̱jtɨn ma̱ ja Dios Teety, jøts nayɨdeꞌen tꞌijxy ku ja Jesús jam tyanɨ Dios Teety aga̱ꞌngyøjøꞌøm.