HECHOS 10:45 - New Testament in Mixe Tlahuitoltepec

⁴⁵ Xjats ja israelɨt ja̱a̱ꞌy pøn ja Pedro tpadsooꞌnɨyɨdøø ku ojts ja kugajpxy jam wyayɨdɨ, wɨnets ja ñɨgyuma̱a̱p tjanchja̱ꞌwɨdøø ku ja Dios tyuktatøjkɨyɨdøø ja Espíritu Santo øpyønja̱a̱ꞌyɨ, pøn kaꞌap israelɨtja̱a̱ꞌyɨdɨ.

HECHOS 10:45 ပူးပေါင်းရင်းမြစ်များ

HECHOS 10:23

Xjats ja Pedro tkuwa̱a̱ꞌwɨña̱a̱ tyøjkjøtpy, jøts jamyɨ mya̱a̱døø. Xjats ja kyimjabomnɨm chooꞌndøø, wɨnets ja Pedro twa̱a̱y ja myɨjanchja̱ꞌwɨbɨ wɨna̱a̱gɨn midi jam Jope tsɨnaadyɨp.

HECHOS 2:38

Xjats ja Pedro tꞌadsojɨmbijty jøts tnɨma̱a̱y: ―Yø mbøktyuꞌunɨn mmajtstuꞌuttɨp, jøts mnøbattɨt nɨduꞌuk jaty Jesús xyøøgøjxp, jøts jadeꞌen myikpojkpɨmaaꞌkxtɨt; jøts nayɨdeꞌen ja Dios Teety mduktatøkɨyɨdɨt ja yꞌEspíritu Santo.

EFESIOS 2:11

Ja̱ꞌmyatstɨ sa̱ meets yꞌijty mja̱ttɨ mgubattɨ ku meets ja israelɨt ja̱a̱ꞌy xkamɨguꞌukꞌa̱ttɨnɨm, køꞌømyɨxɨ ja yꞌijty ñadyamøja̱wɨyɨdɨ ja Dios yꞌejxpajtɨn midi pyɨkta̱ktɨp ñeꞌkxkøjxp. Paty meets wenk myiknɨmadya̱ꞌa̱ky wenk myiknɨwɨnmayɨ jaꞌagøjxp ku xkamøøtꞌa̱ttɨ jaꞌabɨ ejxpajtɨn.

GÁLATAS 2:15

Israelɨt ja̱a̱ꞌy adømdɨ jaꞌ ku jadeꞌen tø ngueꞌexyɨndɨ, kaꞌap adøm ja pøky nayɨdeꞌen ndyimyikmajada̱a̱jkyɨndɨ sa̱m jaꞌ pøn kaꞌisraelɨt ja̱a̱ꞌdyɨ.

HECHOS 2:33

Jøts ja Dios Teety ja nayɨdeꞌen yiktsa̱jpajtøø jøts pyɨkta̱a̱jkøø yꞌaga̱ꞌngyøꞌampy, jøts jadeꞌen ja møj kutujk myøꞌøyɨyɨ; jøts jaꞌ tkajxp ja Espíritu Santo ya̱ na̱xwiiñ midi ja Dios Teety wyɨnaty køꞌøm tø twa̱nda̱ꞌa̱ky, jøts jaꞌ ɨdøꞌøn ja myøkꞌa̱jtɨn yøꞌ midi ɨxa mꞌejxtɨp mmadoodɨp.

HECHOS 11:3

―¿Tiku ja tø xꞌatsꞌixy ja wenk ja̱a̱ꞌy pøn kaꞌ yꞌisraelɨtja̱a̱ꞌyɨdɨ, tiku møøt tø mꞌatskay mꞌatsjɨɨkxy?

HECHOS 11:2

Xjats ku ja Pedro jadɨgojk wyɨmbijty jam Jerusalén, wɨnets ja twɨndsøꞌødyøø ja Pedro:

ROMANOS 5:5

Jøts kaꞌap majtskꞌa̱a̱w majtskjoojt nꞌejtɨndɨt, pø tøxɨ ja Dios amuum xmøꞌøyɨm ja yꞌøyꞌa̱jtɨn ja pyaꞌayoꞌowɨn ku ja tø xuktatøjkaꞌam ja yꞌEspíritu Santo.