HECHOS 10:34 - New Testament in Mixe Tlahuitoltepec

³⁴ Wɨnets ja Pedro kya̱jpxnɨbøjkøø, jøts ja yɨdeꞌen wya̱a̱ñ: ―Ɨxya̱m njanchꞌixy njanchnɨja̱wɨ ku ja Dios Teety chøjkpy jaꞌ øpyønja̱a̱ꞌyɨ, kaꞌap jaꞌ tkaꞌøyja̱wɨ,

HECHOS 10:34 ပူးပေါင်းရင်းမြစ်များ

MATEO 22:16

Xjats ja jadeꞌen wɨna̱a̱gɨn tkajxtøø ja yja̱a̱ꞌy møøt ja Herodes yja̱a̱ꞌmyɨ, jøts ja tꞌatstuknɨmaawya̱ꞌa̱ndɨ ja nwɨndsønꞌa̱jtɨm Jesús: ―Wɨndsøn, tø øø nnɨja̱wɨ jøts ku tɨy mgajpxy, jøts ku tɨy janch ja Dios yjaꞌ xnɨga̱jpxɨyɨ, kaꞌ xmøjpɨkta̱ꞌa̱ky øy ja̱a̱ꞌy sa̱ yjawa̱ꞌa̱ndɨ kumɨ kaꞌ mets pøn xkupiky xkagupiky.

MATEO 5:2

jøts ja ojts yɨdeꞌen tyikꞌɨxpøjktøkɨ:

LUCAS 20:21

Paty ja yɨdeꞌen tyiktøødøø: ―Wɨndsøn, nnɨja̱ꞌwɨp øøts jøts ku myikꞌɨxpiky øy tsuj, tɨy janch tukɨꞌɨyɨ xnɨgajpxy jøts kaꞌ me pøn xkupiky xkagupiky ti sa̱ me mwa̱ꞌa̱ñ, neꞌegɨ yikxon mets ja neꞌegɨ xna̱nkñɨꞌɨxpøkɨyɨ tɨy janch ja Dios tyɨyꞌa̱jtɨn sudso ja yiknɨja̱wɨt.

HECHOS 10:33

Paty øts ngugajpxy jatyɨ nguejxy jøts me mꞌatsyikwa̱ꞌa̱t, pø janch øy ku tø xpaduñ ku tø mmiñ ya̱. Wa̱ꞌa̱ts ja Dios Teety xꞌijxyɨm xnɨja̱ꞌwaꞌam ku adøm ɨxya̱a̱dɨ, ku øø nbatmadoowa̱ꞌa̱ñ ja nwɨndsønꞌa̱jtɨm kyajpxy yꞌayuujk midi ja tø mdamɨgaxɨyɨ, jøts mets ja ya̱ jadeꞌen xnɨga̱jpxt.

HECHOS 15:9

Kaꞌap ja Dios pøn ttsøky tkatsøky, tyumkupijkpy jaꞌ wan tpønɨ, kaꞌap ja tꞌixy wan pøn tꞌisraelɨtja̱a̱ꞌyɨ uk wan pøn tkaꞌisraelɨtja̱a̱ꞌyɨ, patyts ja nayɨdeꞌen tø yikpojkpɨmaaꞌkxtɨ pøn kaꞌisraelɨt ja̱a̱ꞌdyɨ ku ja tø tjanchja̱wɨdɨ.

HECHOS 8:35

Xjats ja Felipe ttukꞌɨxpøjknɨbøjkøø sa̱ yja̱jty sa̱ kyubejty ja Jesús.

ROMANOS 2:11

Kumɨ kaꞌ Dios pøn tꞌøyꞌixy tkaꞌøyꞌixy wan ja tpønɨ;

ROMANOS 3:29

¿Ti ja israelɨt ja̱a̱ꞌy nugo ja Dios Teety yꞌejxꞌijtpy, jøts ja kaꞌap tꞌejxꞌity pøn kaꞌisraelɨt ja̱a̱ꞌdyɨ? Kaꞌap yjadeꞌenɨ, pø tum jaꞌaxɨ amuum tjaꞌa̱jtp.

GÁLATAS 2:6

Nɨti nɨsa̱ øts ja xkanɨmaadyɨ pøn jam tnɨguba̱jkꞌa̱jttɨp ja kudanaabyɨtøjktɨ pønɨ sa̱ øts ndunkjøøjp nyikyøꞌøy; øy ja yjamøjwɨndsønɨdɨ tukna̱x øts ja møøt nnayja̱ꞌwɨyɨdɨ, jabɨ tum jadeꞌenxɨ adømdɨ Dios wyɨngujkp.

EFESIOS 6:9

Meets yiktumbɨtøjktɨ, yikxon meets ja mdumbɨ anaꞌam, kidi xwɨnwoptɨ xjøjwoptɨ. Ja̱ꞌmyats meets ku meets ja nwɨndsønꞌa̱jtɨm nayɨdeꞌen xmɨdunmɨ midi tsa̱jpjøtpy tsɨnaapy, jøts kaꞌap jaꞌ twɨꞌixy twɨgøñ, tukna̱x adømdɨ jaꞌ wyɨngujkp, wan tumbɨ tkatumbɨ.

COLOSENSES 3:11

Jøts kaꞌ chøkyɨ wan pøn tgriegɨtja̱a̱ꞌyɨ uk tꞌisraelɨtja̱a̱ꞌyɨ, wan ja tꞌejxa̱ꞌa̱nɨnmøødɨdɨ uk tkaꞌejxa̱ꞌa̱nmøødɨdɨ, wan ja abiky ma̱ ttsoondɨ uk wan ja tjaꞌajɨdɨ pøn ja Dios tkanɨja̱ꞌwɨdɨpnɨm. Yjajaꞌajɨdɨ jaꞌ pøn tmɨdundɨp ja wɨndsøn, uk pøn najtspøkɨ ejttɨp, tum ja nwɨndsønꞌa̱jtɨm Jesucristo jaꞌ yjaꞌ, jøts myøøtꞌijtpy ja øy pøn.

COLOSENSES 3:25

Pønts ja kyaꞌøybɨ ttump, nayɨdeꞌents ja kaꞌøyꞌa̱jtɨn ja tikmoꞌodɨt. Kaꞌap ja Dios ja tꞌixy wan ja tjapønɨdɨ, tukna̱x ja tum jadeꞌen ttuꞌunt pønɨ sa̱ tø yja̱a̱ꞌyꞌa̱ttɨ.

SANTIAGO 2:1

Meets mɨguꞌuktøjktɨ, pøn jaty tjanchja̱ꞌwɨdɨp ja nwɨndsønꞌa̱jtɨm Jesucristo ku ja wa̱ꞌa̱dsɨ ku ja myøjɨ, kidi meets pøn xꞌøyꞌejxtɨ xkaꞌøyꞌejxtɨ wan tjapønɨ.

SANTIAGO 2:4

pø yɨdeꞌenꞌampxyɨ yikꞌixy yiknɨja̱wɨ ku tuꞌuk xꞌøyja̱wɨ jøts jaduꞌuk xkaꞌøyja̱wɨ. Kaꞌap jadeꞌen yꞌøyɨ, mbøktyundɨp jadeꞌen.

SANTIAGO 2:9

Pønɨ jamts meets ja mmɨguꞌuktøjk xꞌøyꞌejxtɨ xkaꞌøyꞌejxtɨ wan tjapønɨ, mbøktyundɨpts ɨdøꞌøn jadeꞌen, kaꞌap ja Dios yꞌanaꞌamɨn jadeꞌen xpaduujnɨdɨ.

1 PEDRO 1:17

Pønɨ mdeetyja̱ꞌwɨp meets ja Dios Teety, wɨndsøꞌøgɨp meets ɨdøꞌøn ja ejtp, pø jaꞌaxɨ kaꞌpxy tɨɨdyuꞌump sa̱ pønjabøn ja chɨna̱a̱ꞌyɨn tyikyøꞌøy, kaꞌ pøn ja tɨɨdyuꞌunɨn tkapa̱a̱tt.