HECHOS 10:10 - New Testament in Mixe Tlahuitoltepec

¹⁰ Janch yuꞌooꞌknɨp ɨdøꞌøn ja wyɨnaty jøts ja kyaawya̱ꞌa̱ñ; japnɨmts ja kaaky wyɨnaty yꞌøyɨ, ku jotmøñ tꞌejxpa̱a̱jty jadeꞌen kidi ja̱a̱ꞌy kyuma̱a̱ꞌy,

HECHOS 10:10 ပူးပေါင်းရင်းမြစ်များ

MATEO 21:18

Xjats ku yjøpyꞌa̱jty, jøts ja wyɨmbejtkojmɨ ñøjkxkojmɨ jam ka̱jpjotp, wɨnets yuu ja ojts pya̱a̱dyɨyɨ.

MATEO 4:2

Wɨxijkxyøøw wɨxijxchuuꞌ ɨdøꞌøn ja jam yꞌayuuꞌa̱jty, jøtsnɨm yuu ja pya̱a̱jtɨ.

HECHOS 11:5

―Jam ø wyɨnaty Jopɨt ja̱a̱ꞌy kya̱jpjotp, jøts Diosꞌajotꞌa̱jtpɨ wyɨnaty, jøts jadeꞌen nja̱ꞌwøø kidi ja ja̱a̱ꞌy kyuma̱ꞌa̱y, jadeꞌen nꞌejxpa̱a̱jty ejxɨm ja møj ma̱ntɨ, ku nꞌijxy kyɨda̱ꞌa̱ky tsa̱jpwemp tum wendɨ makta̱xk ɨskiinɨ, jøts wyɨngøøñ ma̱ øts jap wyɨnaty.

HECHOS 22:17

’Ku øts ɨdøꞌøn jadeꞌen nja̱jty, wɨnets øts jadɨgojk nwɨmbijty ya̱ Jerusalén, jøts øts jap nnijkxy tsa̱ptøjkjøtpy Diosꞌajotꞌa̱jtpɨ. Japts øts ja nwɨndsønꞌa̱jtɨm xmɨgajpxy, jadeꞌen øts ja nꞌixy kidim ja ja̱a̱ꞌy kyuma̱ꞌa̱y, jøts ø xnɨma̱a̱y: “Putyɨ ya̱ tsoon Jerusalén, kaꞌap ɨnet ja tmøjpɨkta̱ꞌa̱ktɨt sa̱ øts ɨnet nꞌayuujk xjaka̱jpxɨyɨt.”

APOCALIPSIS 1:10

Domingɨ xøøw wyɨnaty ku øts ja Espíritu Santo adsuꞌjky xatøkɨ, jøts kuma̱a̱ꞌyjøtpy møk øts xjɨguya̱a̱xɨ ejxɨm tuꞌuk ja puxujx,