HECHOS 1:7 - New Testament in Mixe Tlahuitoltepec

⁷ Xjats ja Jesús yꞌadsøøy jøts ja wya̱a̱ñ: ―Kaꞌ meets ja mba̱a̱tꞌatyɨ jøts meets ja xnɨja̱wɨt pønɨ juunɨ ja Dios Teety jadeꞌen yꞌadøꞌøtst, pønɨ ti xøøw pønɨ ti poꞌ ja jadeꞌen ttunwa̱ꞌa̱nt. Jaꞌ ja tuꞌugyɨ tnɨja̱ꞌwɨp, jøts jaꞌ tuꞌugyɨ tmøøtꞌa̱jtp ja møkꞌa̱jtɨn jøts ja jadeꞌen ttuꞌunt.

HECHOS 1:7 ပူးပေါင်းရင်းမြစ်များ

MATEO 20:23

Xjats ja tnɨma̱a̱y: ―Janch tɨɨgyajpxy. Mgupøkp meets jaꞌ sa̱ jaty ø nja̱tt ngubatt; jøts kuts øts ɨdøꞌøn xmøøtsɨnaawya̱ꞌa̱ndɨ tuꞌuk aga̱ꞌñ jøts jaduꞌuk ana̱jy, kaꞌøtsɨp ja xpa̱a̱tꞌa̱jtɨp jøts meets jadeꞌen nyikꞌɨxa̱ꞌa̱kt, jaꞌ ja yikmoꞌodɨp pønɨ pøn ja Dios Teety køꞌøm jadeꞌen tø tyanɨbɨkta̱a̱gɨyɨdɨ.

MATEO 24:36

’Kaꞌats pøn tnɨja̱wɨ pønɨ ti xøøw pønɨ ti jumøjt ja jadeꞌen yja̱tt, nɨ ja a̱nkɨlɨstøjk ja tkanɨja̱wɨdɨ pøn jap tsa̱jpjøtpytɨ, jøts nɨ øts ja køꞌøm nganɨja̱wɨ. Tuꞌugyɨ ja Dios Teety ja tnɨja̱wɨ.

MARCOS 10:40

tyimyøꞌ ku meets xmøøtsɨnaawya̱ꞌa̱ñ adsow aduuk, kidi øtsɨp meets ja nmoꞌop, ja Dios Teety ja tya̱kp jøts jaꞌ ja myoꞌop pønɨ pøn ja jadeꞌen tø ttamɨdsøky.

MARCOS 13:32

’Kaꞌap ja et ja xøøw yiknɨja̱wɨ pønɨ juunɨ døꞌøn ja jadeꞌen yja̱tt, nɨpøn ja tkanɨja̱wɨ, nɨ a̱nkɨlɨs ja tkanɨja̱wɨ, jøts nɨ Dios Uꞌnk ja tkanɨja̱wɨ. Ja Dios Teety ja tuꞌugyɨ tnɨja̱ꞌwɨp.

LUCAS 21:24

Pømbɨ ooktɨp jam tseptunda̱a̱jkjotp, pømbɨts yikma̱tstɨp jøts ja yiktsuꞌumdɨt o ma̱ga̱jp, øy yø Jerusaléngɨt ka̱jp øy sa̱ yiktuꞌunt, øy ja ja̱ꞌa̱t ja̱a̱ꞌy yø sa̱ tyunɨyɨt, kunɨm ja yꞌayoꞌon yø ttana̱jxkøxt wɨnetnɨmts yø yikmajtstuꞌutt.

HECHOS 17:26

’Tuꞌuk ja Dios Teety tpɨkta̱a̱jky adøm nꞌa̱pteetyꞌamøj midi nɨdukɨꞌɨyɨ ja na̱xwiiꞌñɨt ja̱a̱ꞌy yꞌa̱pteetyꞌamøjꞌa̱jttɨp. Tø ja ttanɨbɨkta̱a̱gɨ nayɨdeꞌen juunɨ ja kyaꞌaxtɨt, nayɨdeꞌen ja chɨnaadya̱a̱jk tmoꞌot ma̱ jaty ja chøønɨdɨt.

EFESIOS 1:10

Ja̱tp ɨdøꞌøn jadeꞌen sa̱ døꞌøn ja wyɨnma̱a̱ꞌñ tø ttanɨbɨkta̱a̱gɨ, kuts ja xøøw kuts ja jumøjt tpa̱a̱tt, wɨnets ja Dios Teety tukɨꞌɨyɨ ttagɨdøjkɨgyøxt ja nwɨndsønꞌa̱jtɨm Jesucristo ti jaty ejtp øy ma̱dsoo, yjana̱xwiiñɨ uk yjatsa̱jpjøtpyɨ, jøts ja amuum køꞌøm tnɨguba̱jkꞌa̱tt.

1 TIMOTEO 6:15

Ku tpa̱a̱tt ja xøøw ja jumøjt, jøts ja Dios Teety ja tkaxt ja nwɨndsønꞌa̱jtɨm ya̱ na̱xwiiñ. Tuꞌugyɨ Dios Teety myøjɨ midi ja øyꞌa̱jtɨn ja xonda̱a̱jkɨn tmøøtꞌa̱jtp. Møk ja kutujk tjagyepy, kaꞌ pøn wɨndsøndøjk jadeꞌen.

2 TIMOTEO 3:1

Me Timoteo, nayɨdeꞌen xnɨja̱wɨt ku wyɨngonɨ ja xøøw ja jumøjt jøts nwɨndsønꞌa̱jtɨm myeꞌent, janch tsep ja xøøw ja jumøjt ña̱xt.