HEBREOS 8:4 - New Testament in Mixe Tlahuitoltepec

⁴ Ku ja nay ya̱ jeexyɨp chøønɨ na̱xwiiñ, kaꞌap ja yjeexyɨp tyeetyꞌaty, pø jaaxɨ teety ya̱ pøn jadeꞌen ttundɨp sa̱mɨ ja Moisés wya̱ꞌa̱ñ.

HEBREOS 8:4 ပူးပေါင်းရင်းမြစ်များ

HEBREOS 10:11

Tum jadeꞌents ja israelɨt teety tundɨnɨm, nay ja jɨyujk ja tyawɨndsøꞌjkɨdɨp ja Dios, øy ja pøky ja nɨjuunɨ tjagayikwa̱ꞌa̱ch.

HEBREOS 11:4

Janchja̱ꞌwɨngøjxp ja Abel øy ja Dios twɨndsøꞌjkøø, ya̱m ja Caín kajadeꞌen, paty ja Dios ja Abel tkupɨjky jøts jaꞌagøjxp ja wyɨndsøꞌjkɨn tkupøjkɨ. Ots ja Abel tø yjaꞌooꞌknɨ, tø ja ejxpajtɨn ja xemɨkøjxp tyiktañ ku ja janchja̱ꞌwɨn ja tmøøtꞌa̱jty.

HEBREOS 5:1

Wɨꞌijxy ɨdøꞌøn jam israel ka̱jpkøjxp, tuꞌuk jaduꞌuk ja teety, jøts tø yikpɨkta̱ꞌa̱ky ja̱a̱ꞌgyudanaabyɨ, jøts ja jɨyujkꞌøøky ja Dios ttawɨndsøꞌøgɨdɨt ttawɨnja̱wɨdɨt jøts ɨdøꞌøn ja ja̱a̱ꞌy pyøky ñɨwa̱ꞌa̱dsɨyɨt jøts ja Dios tmaaꞌkxt.

HEBREOS 7:27

Tø døꞌøn ja tuꞌugyɨ ja Dios wyɨndsøꞌøkꞌa̱jtɨn tyika̱ꞌpxɨ, ku ja ayoꞌon køꞌøm tø tkupiky. Kaꞌap ja jadeꞌen tø ttuñ sa̱m ja jaduꞌukpɨ teetytɨ, pøn jabom ja Dios twɨndsøꞌjkɨdɨp jøts ja kyøꞌømbøky yikmaaꞌkxtɨt, jøtsnɨm ɨxꞌoojk ja ja̱a̱ꞌy nayɨdeꞌen tkuga̱jpxtɨ jøts ja pyøky ja wya̱ꞌa̱tstɨt.

HEBREOS 8:3

Wɨndsøꞌøkꞌa̱jtɨn, tamayꞌa̱jtɨn, jaꞌ ɨdøꞌøn ja teety tyundɨp, paty ɨdøꞌøn nayɨdeꞌen ja nwɨndsønꞌa̱jtɨm Jesucristo kuwa̱nɨ pya̱a̱tꞌatyɨ jøts ja wɨndsøꞌøkꞌa̱jtɨn tmoꞌot ja Dios Teety.

HEBREOS 9:9

Yøꞌ adøm ɨdøꞌøn nꞌejxpajtɨnꞌa̱jtɨmp wɨneꞌenɨn na̱xwiiꞌñɨt ja̱a̱ꞌyꞌa̱jtyɨndɨ, jøts nnɨja̱ꞌwaꞌant ku ja wɨnma̱a̱ꞌñ kyawa̱ꞌa̱ch øy ja wɨneꞌen ja wyɨndsøꞌjkɨn tjayika̱ꞌpxtøø.