EFESIOS 5:14 - New Testament in Mixe Tlahuitoltepec

¹⁴ Paty ɨdøꞌøn ja wijkyajpxy wya̱ꞌa̱ñ: Wejnɨdɨ kajnɨdɨ meets; kidi agootstujpy abeꞌetstujpy mꞌuktsɨnaañɨdɨ, ja Cristɨts ja kunoꞌjkɨn kudøøꞌkxɨn tya̱kp.

EFESIOS 5:14 ပူးပေါင်းရင်းမြစ်များ

LUCAS 1:78

Jadɨneꞌen ja Dios xtsøjkyɨm xpaꞌayøꞌøyɨndɨ jøts ja xanɨkejxyɨm ja yꞌuꞌnk ja yiknɨtsokpɨ,

LUCAS 15:24

Tø øts yø nꞌuꞌnk ndijy tyimyꞌooꞌknɨ, ɨxya̱ts jujky xwɨndana̱a̱ꞌyɨndɨ; tø jeky yꞌatstɨgøyꞌity, ɨxya̱ts jadɨgojk tø nba̱a̱jtyɨndɨ.” Jøts ja xyødundøjkɨdøø.

JUAN 8:12

Xjats ja nwɨndsønꞌa̱jtɨm Jesús ojts jadɨgojk tmɨgajpxy ja mayja̱a̱ꞌy, jøts ja tnɨma̱a̱y: ―Øts tuꞌuk tuꞌuk ja na̱xwiiꞌñɨt ja̱a̱ꞌy nyikuja̱jta̱a̱jkɨp nyikudøøꞌkxa̱a̱jkɨp; pønɨ pønts ø xjotmayꞌa̱jtp, pønɨ pøn øts ja njaꞌ xpabøjkɨp, jaꞌats ɨdøꞌøn yikmoꞌop ja wejɨn ja kajɨn jøts ja tyukpa̱a̱dɨt ja kunuuꞌkxy jujkyꞌa̱jtɨn, nɨjuunɨ ja wɨmbeets kugoots kyaja̱ttɨt.

JUAN 9:5

Pønɨ wɨneꞌenɨn ø nja̱a̱ktsøønɨ ya̱ na̱xwiiñ, nja̱a̱ktyimdyuꞌumbyɨmts øts jadeꞌen sa̱m ja ja̱j kyuja̱jy kyudɨɨꞌkxy. Jadeꞌen øts ja na̱xwiiꞌñɨt ja̱a̱ꞌy ñamyayɨ nyikuja̱jta̱a̱gɨdɨt nyikudøøꞌkxa̱a̱gɨdɨt.

HECHOS 13:47

Kumɨ jadeꞌen øøts ja nwɨndsønꞌa̱jtɨm tø xꞌaneꞌemy ku yɨdeꞌen wya̱a̱ñ: Tø me nbɨkta̱ꞌa̱ky jøts øts nꞌøgyajpxy nꞌøyꞌayuujk xukmadoꞌojɨt tukɨꞌɨyɨ ja na̱xwiiꞌñɨt ja̱a̱ꞌy, jøts xnɨja̱wɨdɨt sudsoꞌampy ñɨtsoꞌokꞌa̱ttɨt.

ROMANOS 6:13

Kidi mnagyøyakyɨdɨ ma̱ pøky, jøts ja kidi mduktuñɨdɨ ja kaꞌøyꞌajtɨn. Neꞌegɨ amuum mnayoxɨdɨt ma̱ Dios, jøts ja mduktunɨdɨt tum ja øyꞌa̱jtɨn. Kaꞌap meets ja pøky xukmɨjujkyꞌa̱jtnɨt, jabɨ tøxɨ meets ndejɨnt tø mꞌatsꞌøøky, jøts tø mjujkpyøktɨ jadɨgojk, jøts ja jujkyꞌa̱jtɨn tø xpa̱a̱ttɨ midi xemɨkøjxp.

1 CORINTIOS 15:34

Yiktsoꞌonda̱ꞌa̱ktɨ jadɨgojk tɨy tsuj ja mdsɨna̱a̱ꞌyɨndɨ, kidi pøky xꞌuktunkꞌa̱jtnɨdɨ, pø kaꞌaxɨ xumnɨja̱wɨdɨ ja Dios. Paty øts yɨdeꞌen nwa̱ꞌa̱ñ jøts xtsøꞌødyunja̱wɨdɨt ja mgaꞌøwyɨnma̱a̱ꞌñ.

2 CORINTIOS 4:6

Jabɨ nay jaꞌabɨ Dios Teetyxɨ døꞌøn midi ja ja̱j ja tøøꞌkx tyiktsoꞌonda̱a̱jk, nay jaꞌ adøm tø xmøꞌøyɨndɨ ja kuja̱jta̱a̱gɨ ja kudøøꞌkxa̱a̱gɨ jøts nꞌejxɨndɨt nnɨja̱ꞌwɨndɨt sa̱ døꞌøn ja yꞌøyꞌa̱jtɨn myøjɨ midi ja Jesucristo ña̱nkyꞌejxɨp.

EFESIOS 2:1

Tø meets mꞌanmɨja̱ꞌwɨn yꞌatsꞌooktɨ ku mdsøønɨdɨ pøkyꞌagujkpy, jøts tø yjujkpyøjktɨ ja mꞌanmɨja̱ꞌwɨn jadɨgojk Cristo køjxp.

EFESIOS 2:5

ku tø tyikjujkpyiky adøm ja nꞌanmɨja̱ꞌwɨn Cristo køjxp, øy adøm ja axøøkpɨ ja yigaappɨ tø yjayikꞌoꞌjknɨyɨ ja nꞌanmɨja̱ꞌwɨn. Jadeꞌents ɨdøꞌøn nɨdukɨꞌɨyɨ adøm tø nnɨtsoojknandɨ ku ja Dios yꞌøyꞌa̱jtɨn myøjɨ.

COLOSENSES 3:1

Jøts kumɨ tø mee ñamyayɨ mjujkpyiky nayɨdeꞌen ku ja nwɨndsønꞌa̱jtɨm Jesucristo yjujkpyɨjky, jaꞌagøjxp xjotmayꞌa̱jtɨdɨt ja nwɨndsønꞌa̱jtɨm yjaꞌ, pø jaꞌaxɨ ja Dios Teety amuum tø myøꞌøyɨ ja møkꞌa̱jtɨn.

1 TESALONICENSES 5:6

Paty kaꞌap jadeꞌen nugo njotmoꞌonɨndɨt sa̱m jaduꞌukpɨ yꞌadøꞌøtstaꞌan, njøpꞌejxɨndɨp ɨdøꞌøn jaꞌ wijy kejy.

2 TIMOTEO 1:10

Tø ja Dios Teety tna̱nkyjaꞌijxyɨ sa̱ ja paꞌayoꞌowɨn tjagyepy adømgøjxp ku ja nwɨndsønꞌa̱jtɨm Jesucristo xanɨguejxyɨm. Sa̱ ja yꞌøꞌjky jøts yjujkpyɨjky, nayɨdeꞌents adøm nba̱a̱jtɨnt sa̱m ja tø tnajtstunɨ. Jadeꞌents Cristo køjxp ja oꞌjkɨn xkaꞌukmɨmajada̱a̱jknaꞌant jøts xemɨkøjxp ja jujkyꞌa̱jtɨn nba̱a̱jtɨnt ku ja yꞌayuujk tnɨtana̱a̱y sa̱m ja wyɨnaty tø ttanɨbɨkta̱a̱gɨ.

2 TIMOTEO 2:26

Wan tmajtstuꞌuttɨ ja mɨkuꞌ yjaꞌ ku ja nugo tø wyɨnꞌɨɨñɨdɨ jøts ja nugo tø tyuktuñɨ pønɨ sa̱ ja ttsøky.