EFESIOS 3:11 - New Testament in Mixe Tlahuitoltepec

¹¹ Jadeꞌen ja tø ttuñ sa̱ ja wɨndiꞌixyɨp tø ttanɨbɨkta̱a̱jkɨñɨ ku ja nwɨndsønꞌa̱jtɨm Jesucristo jadeꞌen ja chɨna̱a̱ꞌyɨn tna̱nkyꞌijxyɨ tna̱nkñɨja̱wɨyɨ.

EFESIOS 3:11 ပူးပေါင်းရင်းမြစ်များ

ROMANOS 9:11

Jøts kaꞌanɨm ja wyɨnaty yjajaꞌa̱tɨnɨm, kidyimkyaꞌaxtɨpnɨm ja wyɨnaty, kaꞌanɨm ja wyɨnaty yiknɨja̱wɨ sa̱ ja yꞌadøꞌøtstɨt øy kaꞌøy, jøts ja Rebeca ja Dios ojts ñɨɨꞌmxyɨyɨ: “Ja myøjpɨ tmɨduꞌump ja myutskpɨ.” Nayɨdeꞌents ja møøt tukna̱x tijy ku wya̱ꞌa̱ñ ja Dios kyajpxy: “Nwɨnja̱ꞌwɨp øts ja Jacob, jøts Esaú kaꞌ.” Xjats ja Dios jadeꞌen xuknɨja̱ꞌwaꞌam jøts ku ja køꞌøm twɨꞌixy kyøꞌømdsojkɨngøjxp pønɨ pøn ja yꞌaꞌejxɨp. Kaꞌ tmøjpɨkta̱a̱jkɨyɨ ja yꞌødyuꞌunɨn kyaꞌødyuꞌunɨn.

GÁLATAS 5:24

Pøn ja Cristo jaꞌa̱jtɨyɨdɨp, tø døꞌøn ja ñamyayɨ tkrustsumgøjxnɨdɨ tukɨꞌɨyɨ ja kaꞌøyja̱a̱ꞌyꞌa̱jtɨn midi yikmøøtꞌa̱jtp.

EFESIOS 1:11

Kuts adøm ɨdøꞌøn ja Cristo nmøøtꞌa̱jtyɨm, wɨndiꞌixyɨp adøm ja xwɨꞌejxnaꞌandɨ xwɨgoꞌonandɨ ja Dios Teety jøts jadeꞌen xmøꞌøyɨndɨt midi xamɨdsojkɨmp. Tukɨꞌɨyɨ døꞌøn ja ttuñ sa̱ ja chojkɨn tø ttanɨbɨkta̱a̱gɨ.

EFESIOS 1:4

Na̱mgaꞌanɨm na̱xwiiꞌñɨt choꞌonda̱ꞌa̱ky jøts ja Dios Teety køꞌøm xwɨꞌijxyɨndɨ xwɨgøꞌøñɨndɨ Cristo køjxp ku ja xkuꞌayoꞌomba̱a̱jtaꞌandɨ, jøts jadeꞌen adøm wa̱ꞌa̱ts nwɨngunøjkxaꞌant jaꞌ wyɨngujkp nɨti pøky nɨti kadyeey.

EFESIOS 1:9

jøts jadeꞌen tø tna̱nkyꞌijxyɨ ja yuꞌuchwɨnma̱a̱ꞌñ midi adøm ja køꞌøm tø xanɨbɨkta̱a̱jkɨm sa̱ døꞌøn ja ttunwa̱ꞌa̱ñ.

EFESIOS 3:1

Ɨxya̱m ø puxøjkjøtpy ndsøønɨ jaꞌagøjxp ku meets tø ndukmadøy ja Jesucristo ja yjaꞌ ku meets nayɨdeꞌen mba̱a̱tꞌatyɨ xpa̱a̱tt jaꞌ yꞌøyꞌa̱jtɨn.

2 TIMOTEO 1:9

Jadeꞌen ja Dios ttsøky jøts ja xyiknɨtsoꞌokꞌa̱jtɨnt jøts nayɨdeꞌen amumjoojt nnadyamɨyojxɨnt. Kidi jaꞌagøjxpɨp adøm ja xtsøjkyɨm ku adøm nꞌøyja̱a̱ꞌyꞌa̱jtyɨm ngaꞌøyja̱a̱ꞌyꞌa̱jtyɨm. Ma̱ wɨndiixyɨp adøm ja Dios jadeꞌen xamɨdsøjkyɨm, kaꞌanɨm wyɨnaty ja na̱xwiiꞌñɨt choꞌonda̱ꞌa̱ky. Ja nwɨndsønꞌa̱jtɨm Jesús køjxp adøm ja nɨtsoꞌokꞌa̱jtɨn nba̱a̱jtɨnt ku møøt nꞌejtɨnt.