COLOSENSES 3:9 - New Testament in Mixe Tlahuitoltepec

⁹ Kidi mnawyɨnda̱a̱yꞌatyɨdɨ, pø tøxɨ xꞌɨxma̱tstɨ sa̱ yꞌijty mja̱a̱ꞌyꞌa̱ttɨ, ti jaty yꞌijty mdundɨp.

COLOSENSES 3:9 ပူးပေါင်းရင်းမြစ်များ

JUAN 8:44

Ja mɨkuꞌ jaꞌ mee mdeetyꞌajtpy; jaꞌ mee mgøjøꞌømɨtꞌa̱jtɨp jøts jaꞌ mdunwa̱ndɨp ti jaty ja ña̱nktyunwa̱jnɨp. Tsoꞌonda̱ꞌa̱gyɨp ja mɨkuꞌ yikja̱a̱ꞌyꞌooꞌknɨbøjkɨnɨ. Nɨjuunɨ ja tkayiktuñ ja tyɨɨbyɨ ja yjanchpɨ, jøts nɨjuunɨ tɨy janch kyakajpxy. Ku ja tya̱a̱yꞌaty, jadeꞌeñɨ ja kyajpxy sa̱yɨm ɨdøꞌøn ja myɨkuꞌatyɨn, jaꞌagøjxp ku yjantyimdya̱a̱yɨ, jøts jaꞌ ɨdøꞌøn tnɨwɨndsønꞌa̱jtp ja ta̱a̱yꞌa̱jtk ja wɨnꞌøøꞌnk.

ROMANOS 6:6

Nnɨja̱ꞌwɨndɨpts adøm sa̱ jaty tø nja̱a̱ꞌyꞌa̱jtyɨndɨ, jøts jaꞌ ja Cristo myɨꞌoꞌjk jam kruskøjxp, jøts adøm ja nbøky xnɨwa̱a̱jchɨm jadeꞌengøjxp ku ja yꞌøꞌjky, jøts ja kaꞌap xꞌukmɨmada̱a̱jknaꞌam, jøts ja kaꞌap jadeꞌen nꞌukmɨduꞌunaꞌant sa̱ ja̱a̱ꞌy ja wyɨndsøn tmɨduñ, jadeꞌen ja pøky ñamyayɨ yikmɨduñ.

EFESIOS 4:22

Majtstutnɨdɨ tukɨꞌɨyɨ pønɨ sa̱ yꞌijty ja mdsɨna̱a̱ꞌyɨn xyikna̱xtɨ, ku xpadundɨ ja yꞌøybɨ kyaꞌøybɨ midi pɨdsømp wɨnma̱a̱ꞌñjøtpy, midi mnadyawɨnda̱a̱yꞌa̱jtɨdɨp køꞌøm.

EFESIOS 4:25

Paty meets kaꞌ mꞌukta̱a̱yꞌa̱jtnɨt; ku mmɨguꞌuk xmɨga̱jpxt tɨy janch ɨdøꞌøn ja møøt mmadya̱ꞌa̱kt, jabɨ tuꞌugyɨts adøm ɨdøꞌøn ja janchja̱ꞌwɨn nbaduuꞌñɨm.

COLOSENSES 3:8

Ɨxya̱mts, ɨxma̱jtskøjxnɨdɨ yø kaꞌøybɨ, yø a̱mbøjkɨn, yø axøøk wɨnma̱a̱ꞌñ, yø kaꞌødyuꞌunɨn, yø nawyɨnga̱jpxna̱xɨ jøts yø kaꞌøyꞌayuujk.

1 TIMOTEO 1:10

pøn namyøøtꞌa̱jtɨdɨp nugo, ya̱m ja kaꞌap yꞌamajtskꞌa̱ttɨ; uk tmøøtꞌa̱ttɨ myɨya̱a̱ꞌdyøjk myɨdøꞌøxyøjk; pøn ja̱a̱ꞌmyaaꞌtstɨp, pøn myɨguꞌuk twɨnꞌøøndɨp, pøn ja Dios nugo tnɨwa̱mbajttɨp jøts ja myɨguꞌuk twɨnꞌøøndɨ. Nayɨdeꞌents ja kutujk tpayøꞌøy pøn ja øyꞌɨxpøjkɨn tkatsojkp,

APOCALIPSIS 21:27

kaꞌap jam tyøkɨt pøn kaꞌøyꞌa̱jtɨp, pøn ja myɨguꞌuk nugo twɨnꞌøøꞌmp twɨnda̱a̱yꞌa̱jtp jøts o ti tkadamɨꞌejxɨwya̱ꞌa̱ñ. Jaꞌayɨ jam tøjkɨdɨp pøn ja xyøøw jap jaabyety jap nøkyjøtpy, ma̱ jap yꞌity ja ja̱a̱ꞌy ja xyøøw pøn jujkyꞌa̱jttɨp xemɨkøjxp. Jaꞌabɨ nøky tmøøtꞌa̱jtp ja Borreek Uꞌnk.

APOCALIPSIS 21:8

Pøn tkawa̱mp øts njaꞌ, pøn tkamɨbøjkp, pøn xkatsojkɨp øts njaꞌ, pøn yikja̱a̱ꞌyꞌoꞌkp, pøn kaꞌøyja̱a̱ꞌyꞌa̱jtp, pøn ja mɨkuꞌ yjaꞌ tyiktuujnɨp, pøn twɨndsøꞌjkɨp ja ma̱xa̱ndsa̱a̱, pøn ta̱a̱yꞌa̱jttɨp, jaꞌ nøjkxkøxtɨp xemɨkøjxp jam mejyjotp ma̱ yjanchtøøy yjancha̱ꞌa̱y ja nøø.

APOCALIPSIS 22:15

Kaꞌap jam tyøkɨdɨt pøn kaꞌøyja̱a̱ꞌyꞌa̱jttɨp pøn ja mɨkuꞌ yjaꞌ tpaduujnɨdɨp, pøn maaꞌtstɨp, yikja̱a̱ꞌyꞌooꞌktɨp, jøts pøn ja myɨguꞌuk nugo twɨnꞌøøꞌmp.