APOCALIPSIS 5:13 - New Testament in Mixe Tlahuitoltepec

¹³ Xjats nmadøy nayɨdeꞌen ku yꞌøøwdɨ nɨdukɨꞌɨyɨ ja na̱xwiiꞌñɨt ja̱a̱ꞌy jadeꞌen tsa̱jpjøtpy na̱xkɨjxy, jøts jadeꞌen øy ja ma̱ jøts wya̱ꞌa̱ndɨ: Janch øy janch møj ja Borreek Uꞌnk, pa̱a̱tꞌa̱jtɨp yikwɨnja̱wɨt yikwɨndsøꞌøgɨt xemɨkøjxp.

APOCALIPSIS 5:13 ပူးပေါင်းရင်းမြစ်များ

MATEO 6:13

Agɨdyujk øøts axa̱jtujk øøts, kidi øøts xmajtstuꞌuty jøts kidi myajada̱ꞌa̱ky ja mɨkuꞌ yjaꞌ. Pø metsxɨ jaꞌ mgutujk midi ja mja̱a̱ꞌy mdanɨtanaapy, mets amuum møkꞌa̱jtɨn, jøts ja øyꞌa̱jtɨn xonda̱a̱jkɨn midi xemɨkøjxp. Jadeꞌen ɨdøꞌøn ja yja̱tt.

LUCAS 2:14

¡Kunuuꞌkxy mets Dios Teety tsa̱jpjotpɨt ku øyꞌa̱jtɨn tsujꞌa̱jtɨn tyaky ya̱ na̱xwiiñ na̱xkɨjxy, jøts ja ja̱a̱ꞌy yikmoꞌodɨ pøn tmɨjotkujkꞌa̱twa̱ndɨp ja Dios!

JUAN 1:29

Xjats ku kyɨmjabomꞌa̱jty wɨnets ja Juan ojts tꞌixy ja nwɨndsønꞌa̱jtɨm Jesús ku ja jam wyɨnaty ñɨmiñɨyɨ, jøts ja Juan wya̱a̱ñ: ―Ejxtɨ, yøꞌ ɨdøꞌøn jadeꞌen ja̱twa̱mp kubatwa̱mp sa̱m ja borreek uꞌnk yikyøxyɨn adøm nbojkpɨ køjxp, jøts yøꞌ na̱xwiiꞌñɨt ja̱a̱ꞌy tyikpøkwya̱ꞌtsp.

ROMANOS 11:36

Tum ja Dios amuum tjaꞌa̱jtkøjxp jøts jaꞌ tyikꞌøyɨgyøjxp, jøts ja tyiktunwa̱ꞌa̱ñ pønɨ ti jaty ja tø tyikꞌøyɨ. ¡Kunuuꞌkxy etpyɨm ja Dios xemɨkøjxp! Jadeꞌen ɨdøꞌøn yꞌejxɨ tyɨyɨ.

ROMANOS 16:27

¡Tuꞌugyɨ Dios Teety møj jøts jaꞌ tuꞌugyɨ tnɨja̱ꞌwɨdyaapy, wants xemɨkøjxp ja tkupikyꞌaty tmadøyꞌaty adøm ja nwɨndsøꞌjkɨn ku ja nja̱ꞌbya̱a̱jtɨndɨ nga̱jpxpa̱a̱jtɨndɨ amuum nwɨndsønꞌa̱jtɨm Jesucristo køjxp! Jadeꞌents ɨdøꞌøn ja yꞌejxɨ tyɨyɨ.

ROMANOS 9:5

Tuꞌugyɨ a̱a̱ts kugoj jaꞌadɨ pøn jaty israelɨt ja̱a̱ꞌdyɨ; jøts nay jaꞌ ja tyeetyꞌa̱pɨdɨp pøn adøm ndeetyꞌa̱pꞌa̱jtyɨndɨp, nayɨdeꞌents ja Cristo, pø adømxɨ jaꞌ ñamyayɨ nja̱a̱ꞌy, jøts køjy jaꞌanɨ ku ja amuum tnɨtanɨt ti jaty ejtp na̱xwiiñ, pø Diosxɨ jaꞌ, wɨndsøꞌøgɨ wɨnja̱wɨ ja yꞌity xemɨkøjxp. Jadeꞌen ɨdøꞌøn ja yꞌejxɨ.

EFESIOS 3:21

¡Wan twɨndsøꞌjkaꞌandɨ twɨnja̱ꞌwaꞌandɨ ja Dios Teety xemɨkøjxp nɨꞌamukɨ pøn jaty ja janchja̱ꞌwɨyɨp Cristo køjxp! Jadeꞌen ɨdøꞌøn ja yja̱tt.

FILIPENSES 2:10

ku pøn myadoba̱a̱dɨt ja nwɨndsønꞌa̱jtɨm øy ma̱dsoo, nagyuxendya̱køxɨdɨp ja nɨꞌijtyɨ,

COLOSENSES 1:23

Jadeꞌengøjxpts chøkyɨ jøts tuꞌugyɨ amumjoojt xyikyøꞌødyɨt ja mjanchja̱ꞌwɨn tɨyꞌa̱jtɨngøjxp. Kidi meets ja xkajøpꞌejxnɨ sa̱ tø xnɨja̱wɨdɨ midi yiknɨtsokp. Yøꞌøbɨ kajpxy yøꞌøbɨ ayuujk yika̱jpxwa̱ꞌkxp øy sudso ya̱ na̱xwiiñ. Pablo øts jøts øts ya̱m tø nyiktanɨpiky jøts øts ja jadeꞌen nga̱jpxwa̱ꞌkxɨ ja yjaꞌ.

1 TIMOTEO 4:16

Øyɨm mnayꞌejxꞌettɨt køꞌøm midi mwɨnma̱a̱ꞌñꞌajtpy, midi mdukꞌɨxpijkpy, midi mduknɨja̱ꞌwɨp ja mɨguꞌuktøjk, tuꞌugyɨ xyikꞌett midi mdumpy. Ku jadeꞌen xuꞌunt mba̱a̱tpts ja øyꞌa̱jtɨn jadeꞌen, nayɨdeꞌen jaꞌadɨ pøn tmadoodɨp ja ɨxpøjkɨn.

1 PEDRO 4:11

Pønɨ jaa pøn tnɨga̱jpxwa̱ꞌa̱ñ ja Dios yjaꞌ, ja Dios ɨdøꞌøn ja yꞌayuujk ja wyɨnma̱a̱ꞌñ ja yiktuujnɨp. Pønɨ jaa pøn myɨguꞌuk tpudøkɨwya̱ꞌa̱ñ tukɨꞌɨyɨ døꞌøn ja tyiktungøxt ja møkꞌa̱jtɨn midi ja Dios yajkpy. Jøts jadeꞌen ja Dios Teety ndamøja̱ꞌwaꞌant ndagunuuꞌkxyja̱ꞌwaꞌant ja ndunkjøøjp nwɨndsønꞌa̱jtɨm Jesucristo køjxp, pøn tuꞌugyɨ ja øyꞌa̱jtɨn ja møkꞌa̱jtɨn tmøøtꞌa̱jtp xemɨkøjxp. Jadeꞌen ɨdøꞌøn yja̱tt.

1 PEDRO 5:11

Tuꞌugyɨ døꞌøn ja Dios Teety myøkꞌa̱jtɨn møj midi nɨwɨndem xøøw ja kyugøjxꞌa̱jtɨn kamemp. Jadeꞌents ɨdøꞌøn ja yja̱tt.

APOCALIPSIS 1:6

Tøts ja xpɨkta̱a̱jkyɨm jadeꞌen øyja̱a̱ꞌy møja̱a̱ꞌy, jøts nbaduꞌunɨndɨt ja Dios Teety yjaꞌ midi tyeetyꞌa̱jt nwɨndsønꞌa̱jtɨm. ¡Wan tja̱ꞌmyejchɨm xemɨkøjxp ja Dios yꞌøyꞌa̱jtɨn myøkꞌa̱jtɨn! Jadeꞌen ɨdøꞌøn ja yja̱tt.

APOCALIPSIS 13:8

Jøts ja na̱xwiiꞌñɨt ja̱a̱ꞌy jadeꞌen twɨndsøꞌøgɨ ja møj kaꞌøy jɨyujk, jaꞌ tpadundɨp jadeꞌen pøn jaty kajaabyety jap nøkyjøtpy kuuyɨp ja na̱xwiiꞌñɨt choꞌonda̱a̱jky. Yøꞌ nøky ja Borreek Uꞌnk myøøtꞌajtpy midi tø yꞌøøky adømgøjxp.

APOCALIPSIS 5:1

Xjats nꞌijxy jaꞌ pøn jam tsɨnaapy møj tsɨnaadya̱jkøjxp ku jam tmachꞌity yꞌaga̱ꞌngyøjøꞌøm tuꞌuk ja nøky abɨdity midi ja̱ꞌa̱y jøtpy jøts ñɨkøjxp, wɨxujk weents ja cha̱ꞌa̱yɨ, jøts ja jadeꞌen yꞌadukyɨ.

APOCALIPSIS 5:12

møk yꞌøøwdɨ tum jadeꞌen jøts wya̱ꞌa̱ndɨ: Janch øy ja Borreek Uꞌnk midi tø yꞌayoꞌomba̱a̱ty, pa̱a̱tꞌa̱jtɨp jøts tpa̱a̱tt ja møkꞌa̱jtɨn ja øyꞌa̱jtɨn, ja wejɨn ja kajɨn. Pa̱a̱tꞌa̱jtɨp yikwɨnja̱wɨt yikwɨndsøꞌøgɨt.

APOCALIPSIS 5:3

Nɨpøn ja tkanadyajaꞌejxɨyɨ tyikꞌawa̱ꞌa̱tst, nɨ tsa̱jpjøtpy nɨ na̱xwiiñ nɨ na̱xpatkipy, nɨpøn ja tkawɨnꞌejxwa̱ꞌa̱ñ.

APOCALIPSIS 5:6

Xjats ø nꞌijxy tuꞌuk ja Borreek Uꞌnk tyanɨ ma̱ møj tsɨnaabyajt jam, jaꞌ kyujkꞌa̱m ma̱ ja møja̱a̱ꞌdyøjktɨ, jøts ma̱ ja nɨmakta̱xkpɨ jɨyujk jam. Jamts ja yikꞌijxy kyaxɨꞌɨky sa̱m ti yjaty kyubety yꞌayoꞌomba̱a̱ty. Wɨxujk ja wya̱j tmøøtꞌaty jøts wɨxujk ja wyeen; jadeꞌen yø tijy yø wɨxujkpɨ ween sa̱m ja nɨwɨxujkpɨ ja̱ꞌwɨn midi ja Dios tø tkexy ya̱ na̱xwiiñ.

APOCALIPSIS 5:9

Jamts yɨdeꞌen ja jemy ɨɨy tyikwa̱ndøø: Mets ɨdøꞌøn mba̱a̱tꞌa̱jtɨp yø nøky jøts yø seeyɨ xkøøtst; ja pø tøts xnɨwa̱nguixy nɨdukɨꞌɨyɨ ja ja̱a̱ꞌy, o midi ka̱jp o midi ayuujk, jadeꞌengøjxp ku tø mꞌayoꞌomba̱a̱ty ma̱ tø mdsuñ tø mdaxy.

APOCALIPSIS 6:16

Jøts wya̱nɨdɨ ku ayoꞌon jadeꞌen tꞌejxtɨ: ―¡Wan ja kojpk wan ja tsa̱a̱ neꞌegɨ xyikꞌoꞌjknɨndɨ jøts jadeꞌen xkaꞌukwɨnꞌejxnaꞌant jaꞌ pøn jam tsɨnaapy møj tsɨnaabyajt køjxp, jøts nayɨdeꞌen ja Borreek Uꞌnk kaꞌ xꞌukmøøꞌñaꞌant ja møj ayoꞌon!