APOCALIPSIS 4:10 - New Testament in Mixe Tlahuitoltepec

¹⁰ xjats ja ñɨꞌeeꞌpxmakta̱xkpɨ møja̱a̱ꞌdyøjk jatyɨ ñagyuxendya̱ꞌa̱gyɨdɨ, jøts ja kyoronɨ tkɨɨdya̱ktɨ jam møj tsɨnaabyajt wyɨngujkp jøts wya̱ꞌa̱ndɨ:

APOCALIPSIS 4:10 ပူးပေါင်းရင်းမြစ်များ

MATEO 2:11

kuts ja tyøjkɨdøø jam tøjkjotp, japts ja tpa̱a̱ttøø tꞌejxtøø ja mutskuꞌnk jøts ku ja tya̱a̱k María ja jap møøt. Wɨnets ñagyuxendya̱a̱jkɨdøø jøts ja twɨndsøꞌjkɨdøø ja mutskuꞌnk. Ojts ja tyiknɨꞌawa̱ꞌa̱tstɨ ja oorɨ, ja poom, jøts ja pa̱ꞌa̱kxuuꞌkpɨ midi tyejtɨp mirra. Jadeꞌen ja tyiknɨꞌawa̱ꞌa̱tstøø, jaꞌats ja ojts ttamayꞌa̱ttɨ, jaꞌ ja ojts ttawɨndsøꞌøgɨdɨ.

LUCAS 24:52

Jøts ku ja wyɨnaty tø tꞌukwɨndsøꞌøgɨdɨ tꞌukwɨnja̱wɨdɨ, xjats ja ojts wyɨmbejtnɨdɨ ñøjkxnɨdɨ jotkujkꞌatyɨm jam Jerusalén,

1 CORINTIOS 15:10

Tøts øts ja Dios xjanchmɨꞌøyꞌaty, jaꞌagøjxpts øts ɨxya̱m jadeꞌen nja̱a̱ꞌyꞌaty pønɨ sa̱ øts ja tø xamɨdsøky, tøts ja chojkɨn ja ngupøjkɨ, kaꞌap øts ja nugo tø xanaxy. Tø neꞌegɨ jawaanɨ kajaa nduñ sa̱m ja tø tkatundɨ ja nmɨgudanaabyɨtøjktɨ; kidi øtsɨpts køꞌøm tø ndyimyajada̱ꞌa̱ky, ja Dios øts ɨdøꞌøn ja myøkꞌa̱jtɨn jadeꞌen tø xuktuñ yꞌøyꞌa̱jtɨngøjxp.

APOCALIPSIS 10:6

jøts ja tka̱jpxwaꞌkxy ja Dios tyɨyꞌa̱jtɨn pøn tø tyiktsoꞌonda̱kɨjxy tukɨꞌɨyɨ tuktsa̱jpꞌagɨda̱ꞌa̱ky, jøts yɨdeꞌen wya̱ꞌa̱ñ: ―Kaꞌ yꞌukyøꞌøñɨt ja xøøw ja jumøjt;

APOCALIPSIS 11:16

Xjats kyuxanɨdɨ jøts ña̱xkowdɨ ja nɨꞌeeꞌpxmakta̱xkpɨ møja̱a̱ꞌdyøjk pøn jam tsɨnaadyɨp Dios wyɨngujkp, jøts ja Dios tmøja̱wɨdɨ twɨndsøꞌøgɨdɨ,

APOCALIPSIS 15:4

¿Pøn Dios Teety mgaꞌuktsøꞌøgɨyɨp, jøts pønts mgaꞌukwɨndsøꞌøgɨyɨp? Pø tuꞌugyɨxɨ mets mwa̱ꞌa̱dsɨ. Mwɨnja̱wɨyɨp mjanchja̱wɨyɨpts nɨdukɨꞌɨyɨ ja na̱xwiiꞌñɨt ja̱a̱ꞌy, jaꞌagøjxp ku mdɨyꞌa̱jtɨn xna̱nkyꞌijxyɨ sa̱ mduñ sa̱ mbiky.

APOCALIPSIS 15:7

Nay wɨnets ja ñamakta̱xkpɨ jɨyujk nɨduꞌuk ja nɨwɨxujkpɨ a̱nkɨlɨs tmøøy kɨtuꞌuk ja kopɨ midi amuum oorɨ. Ujts ja ayoꞌon ja tmøøtꞌaty midi ja Dios yajkpy, midi xemɨkøjxp jujkyꞌa̱jtp.

APOCALIPSIS 19:4

Xjats ja ñɨꞌeeꞌpxmakta̱xkpɨ møja̱a̱ꞌdyøjk jøts ja nɨmakta̱xkpɨ jɨyujk ñagyuxendya̱a̱jkɨdɨ jam Dios myøjtsɨnaadya̱a̱jk wɨngujkp, Dios tja̱ꞌmyatstɨ jøts wya̱ꞌa̱ndɨ: ―¡Jadeꞌen, ku Dios janch møj!

APOCALIPSIS 4:2

Tø øts wyɨnaty ja Espíritu Santo xatøkɨ, kuma̱a̱ꞌyjøtpy nꞌixy jadeꞌen tuꞌuk ja tsɨnaabyajt jap tsa̱jpjøtpy ejxɨm ja møj wɨndsøn yjaꞌajɨn, jamts chøønɨ tuꞌuk ja ja̱a̱ꞌy

APOCALIPSIS 4:4

Ma̱ ja møj tsɨnaabyajt jam, jamts ø nꞌixy eeꞌpxmakta̱xk ja tsɨnaabyajt nawɨdity, jamts ja møja̱a̱ꞌdyøjk nɨꞌeeꞌpxmakta̱xk chøønɨdɨ, amuum poop ja wyettɨ jøts tkujupꞌa̱ttɨ ja koronɨ janch amuum oorɨ.

APOCALIPSIS 4:9

Xjats ku ja jadeꞌen ja nɨmakta̱xkpɨ jɨyujk ttundɨ, ku ja jadeꞌen tja̱ꞌmyatstɨ jaꞌ midi xemɨkøjxp ejtp, midi tsɨnaapy møj tsɨnaabyajt køjxp,

APOCALIPSIS 5:14

Xjats nayɨdeꞌen ja nɨmakta̱xkpɨ jɨyujk wya̱ndøø: ―¡Ots jadeꞌen! Xjats ja ñɨꞌeeꞌpxmakta̱xkpɨ møja̱a̱ꞌdyøjk nɨdukɨꞌɨyɨ ñagyuxendya̱jkøxɨdɨ jøts twɨndsøꞌøgɨdɨ ja Dios.

APOCALIPSIS 5:8

Ku ja tpɨjky ja nøky, wɨnets ja nɨmakta̱xkpɨ jɨyujk jøts ja nɨꞌeeꞌpxmakta̱xkpɨ møja̱a̱ꞌdyøjk ñagyuxendya̱jkɨdɨ jam Borreek Uꞌnk wyɨngujkp. Nɨduꞌuk nɨduꞌuk ja møja̱a̱ꞌdyøjk tmøøtꞌa̱ttɨ ja kow midi yiktejp arpɨ, jøts nayɨdeꞌen tkondɨ ja poom tøøyꞌɨɨꞌñ, tum oorɨ jaꞌ, jadeꞌen yø poom tijy sa̱m ja Diosꞌajotꞌa̱jtɨn midi kya̱jpxtɨp pøn jaty ja Dios Teety jaꞌa̱jtɨp.

APOCALIPSIS 7:11

Jamts ja a̱nkɨlɨstøjk nawɨdity tnadanɨdɨ ma̱ møj tsɨnaabyajt jam, ma̱ ja møja̱a̱ꞌdyøjk jøts ma̱ ja nɨmakta̱xkpɨ jɨyujk, jøts ñagyuxendya̱a̱jkɨdɨ jaꞌ wyɨngujkp ma̱ ja møj tsɨnaabyajt jam; møj tjanchja̱ꞌmyajtstɨ ja Dios,